JEREMIAH 8:4 - SHEEYU BAIBEL (BSI)

⁴ Mapao nou puhvei maitao hi haibüa paopeio tea ahi paoe, “Mai alinou kaodu talouzü, puhnou kushupu loumowu? Mai alinou ludu tamah talouzü, puhnou dakhai velou movu?

JEREMIAH 8:4 Iomraidhean Croise

1 VEMAITO 8:38

puletao nou veachi paoyu sü keinou peio. Nevei Israel mai tarali noua ledaloua levea nou Rathoki hai hinou bah lapoa veachi pao louzü,

TSÜCHITAO 24:16

Daiolouzü acheche mai liwo bakha anai koute kaodu tayuma lashu loua baiwe; ana mai ashimai louzü veahoyu veyu phaki hakata-a bailai.

ISAIAH 44:22

Enou neletao vei mah khesü teihao büa vailai peiwure, alia neletao vei mah sü vidzü büa phuthe peiwure. Ahi dakhai velo, daiolouzü Enou neletaoye sü khailupa peiwure.

ISAIAH 55:7

Mai ashi maiye panou puletao vei ludu nasü thaokhaio, ae cheche moyu maiye panou puletao vei tsüle ashi nasü thaowo. Puhye sü panou Eletao Ramai Mapao hi dakhai velo, sübüa puhye sü panou puh vei zhuvea leshi ae khailu peiyu nasü ngaolo.

JEREMIAH 23:14

Ana Jerusalem hinou buyu rachipaola maitao hai süjünou shipua Enou ngaoloue: puletao hai khulou vah soure ae mada chi paore; puletao nou vah ashi souyu maiye soukha peie, sübüa maikhe maiye panou ashi hinou bailou moe. Eye donou puletao mai hrülai sü Sodom ae Gomorah hi maitao büre.

JEREMIAH 3:1

Mapao nou paoe, “Cha ali nou puh chapfüye hulaiwua honapai nou puhye thaowua chaa kukhe mai ali ki vetayu thai, puhnou honapaiye sü napu loushi-e. Sükuyu thaio teidei sünasü souzhaiwure. Ana Isreal mai louzü jüpayu mai alao bue, ae chuo puletao nou ahi dakhai veyu jüpare!

JEREMIAH 3:22

Mapao hinou tala tayu mai hrülai, dakhai velo; puhnou neletaoye souvei peilai ae soucheche peilai. Neletao nou paoe, “Ovai, Etao nou Mapao hisü dakhai vewe, daiolouzü puh sü Etao vei Ramai-e.

JEREMIAH 36:3

Enou Judah maitao hi veahoyu sü pove peilai tea paopei khaitouyu khesü puletao nou choulouyu phaki, puletao nou vah ashi souyu sü thaolou vei-e, sükulouzü Enou puletao vei mahmo khesü khaipeia bailai.”

JEREMIAH 4:1

Mapao nou paoe, “Israel maitaore, neletao nou jüpa louzü ahi dakhai velou. Enou ngaorayu basharataoye neletao nou thaowu-a achi zü louzü,

EZEKIEL 18:23

Mai ashi mai nou thaitayu sü E lesawe tea neletao tsüchowe? Moe, Ewo mai ashi mai ali nou ledaloua hrilouyu jüpawe” tea Ramai Mapao nou paoe.

HOSEA 14:1

Oh Israel maitaore, neletao Ramai Mapao hi dakhai velouo, daiolouzü neletao nou mah souyu vanou neletao phi süloua baie.

HOSEA 6:1

Maikhe mainou paoe, “Etao Mapao hi dakhaive baikhe; daiolouzü Puhnou Etaoye soushi peia baie, Puhnou chua veikhai mosoua Etaoye souvei peilou süe; daphe-dapho peiyu nasü puhnou baie, südonou puhnou chua Etaoye soumu peishulai.

HOSEA 7:10

Israel mainou khaosouyu hai nou puhye hraiyu shee soungaowe; puletao hi pa-a buyu vah hasotao donou puletao hai Ramai Mapao hi dakhai velou moe, mokhaia haikhe donou puhye phoumoe.

AMOS 5:2

Kaodu tayu hinou lashupulai moyu Israel loumaina paire! Honapai ye sü maili noua polashu peiyu ha-a puhsü dei hinou kaotare.

MIKAH 7:8

Etaoye ngaobayu maitao nou Etaoye ngaophou moa jünüre qo lia hae. Etao hai kaodu tare, ana Etao nou tashupu loulai. Etao hai chuo azhi hi bue, ana Mapao nou Etaoye ava sü peilai.