JEREMIAH 8:3 - SHEEYU BAIBEL (BSI)

³ Ashi soua buyu tyahrü haina hinou shokhaitoua hria buyu maitao, Enou hupoho khaitouyu buh hinou hrüyu maitao hai hri-a buyu jünou thaiyu na-a jüpa pulai. Haisü Mapao Enou paowe.”

JEREMIAH 8:3 Iomraidhean Croise

1 VEMAITO 19:4

Puhnou heamajü sü rekou nou ta-e. Puhnou süübe phi ali hi kou chobuloua thaiyu nou veipure tea haibüa veachi paoe, “Oh Mapaowo, taikhare, avei hrirai sü poloua baio; daiolouzü E-a avei puopaoh maitao jünou veipu moe!”

JEREMIAH 23:3

Enou soupho rarou laikhai touyu avei maitaoye sü pove jüloulai, ae puletaoye Enou lah puletao vei teidei hisü sa-a dakhaive peilai. Puletao hai tou-nah taoli hrüloulai ae mai pousho palai.

JEREMIAH 23:8

Ana puletao nou Israel maiye reikou teidei hinou ae teidei kukhetao hinou hupho rarou khaitouyu hinou sapoa ve jüpeiyu hriyu Ramai zhih hinou tea chaachou soulai. Süthaisü puletao nou lahvei teidei hinou hrülai.”

JEREMIAH 29:14

Ovai, neletao nou Eye ngaoloulai tea Enou paowe, ae Enou neletaoye neletao vei teidei sü dakhai peilai. Enou neletaoye teidei kukhe hi soupho rarou khaitouyu buhtao hinou save jüloulai, ae Enou neletaoye hukhamai soua panou nüpoa tayu teidei hinou sa-a dakhaive peilai. Haisü Mapao Enou paowe.’

JEREMIAH 29:28

Daiolouzü puhnou Babilon hinou haibüa Etao hi paoe, ‘Neletao hai hukhamai soua vakou nou bure teile hai taoli bulai, südonou ki souloua bulo, ae kipei souloua sühinou payu khesü toukhaio,’”

JEREMIAH 40:12

Südonou puletao nou puletao vei buh sü thaowua Judah hi veloure. Puletao nou Gedaliah nou buyu Mizpah hisü vere, ae puletao nou darkhazhaoh ae rashi sü alao sou pojü loure.

JEREMIAH 44:2

Khoukhoulai Mapao, Israel maivei Ramai nou paoe, “Enou Jerusalem alia Judah vei nuhdu kukhetao soushi khaitouyu teitei sü neletao ngaore. Chukoute-a sütao sü shi-a nou buhie, ae mai linoua sütao hisü hrümo hie.

JEREMIAH 44:6

Südonou Enou avei lekha rarou nasü Judah vei nuhdutao hi ae Jerusalem vei duvatao hisü lakou peie, ae sütao sü meideilai peie. Sütao sü soushiloua khaiwure ae zhou koute ngaopi shopoa nou buhie.

JEREMIAH 6:9

Khoukhoulai Mapao nou ahi haibüa paoe, “Darkhabe hi rashi teitei haikhai toulouyu büa Enou Israel mai hrülaiye souhakhai toulai. Südonou teile bukinou nenou khailu palou süyu maitao sü khailu palo.”

DANIEL 9:7

Oh Mapao, newo louzü cheche-e, ana Etao louzü, Judah teidei hinou hrüyu mai-a, Jerusalem hinou hrüyu mai-a, alia Israel mai hrülai, buh holo hailo nou hrüa buyu nenou vah ashi ae mah souyu donou hulai rarou khaitouyu mai hrülai hai lah Etao pei hi veashoyu sü pove loua baie.

LEVIMAI LARÜBVÜ 26:33

Enou neletao hisü soureih pove peilai ae neletaoye vakou maivei teidei hisü soupho rarou khaiwulai. Neletao vei teidei hisü panou mai hrülai moe, ae neletao vei nuhdu khesü soushi khaiwulai.

AMOS 3:1

Oh Israel maitaore, Enou Ejipt teidei hinou sapa peiyu kihikha mai hrülai, Mapao vei chipao haisü keilo,

JONAH 4:3

Oh Mapao, südonou chuo leshia nou avei hrümai hai popeio, daiolouzü Eye donou hriyu jünou thaiyu punou vei baire.”

MIKAH 2:3

Südonou Mapao nou haibüa paoe, “Enou neletao hisü veahoyu hai pove peilaire tea tsüchoda-a bue, ae neletao nou turei palou laimoe. Veahoyu sünou neletao hi velou bua nou ngaoloua bailai, süthaisü neletao nou khaophu soua tapulai moe.

PAODAKHAIYU CHIKHA 30:1

“Enou neletao nghoujü hi khaipei khaitouyu shiha ae chaa haitao hai neletao pei hi vepayu phaki, alia neletao Ramai Mapao nou neletaoye huporarou laiwua neletao nou tyahrü kukhe maitao hrohinou buyu phaki, Enou neletao hi shiha molouzü chaa ali dolo tea peikhai touyu nasü licholai,

PAODAKHAIYU CHIKHA 30:4

Neletaoye deiphao kai dukayu buh hi nüpoho khaitouyuma, buh sühinou neletaoye Ramai Mapao nou podakhai ve peilai.

PONGAOPEIYU 6:16

Puletao nou deichitao ea chuhlea taohi paoe, “Eletao pei hi pokouloua Ehye sü vebuh hi buyu puh nghojünou ea Zhaotu sünavei rarouyu hinou pokupeio!

PONGAOPEIYU 9:6

Khou angou sütao hisü maikhe mainou athaiye sü phoulai, ana süsü puletao nou ngaolou laimoe; puletao nou thainülai, ana athai nanou puletao hinou tutalou bailai.