JEREMIAH 7:7 - SHEEYU BAIBEL (BSI)

⁷ Neletao nou hrü daloure toulouzü, neletao vei puopao maitao hi teisa vei souloure donou peikhai touyu teidei hisü Enou neletaoye panou hrülai.

JEREMIAH 7:7 Iomraidhean Croise

2 PUOPAOKO 33:8

Israel maitao nou avei kharochi ae avei kilai Moses nou peikhai touyu chikha khesü züa hrülouzü, Enou puletao puopaoh hi peikhai touyu teidei hinou puletaoye sü hulai laimoe.”

TAPALOUYU 22:22

Meamaipfü moyuma rounahtu khesü neletao nou souvea laimoe.

ISAIAH 1:19

Neletao nou süsü ae-ao tea achi zü louzü, neletao nou teidei hi pa-a buyu haveih khesü ngaotou loulai.

JEREMIAH 25:5

Puletao nou neletao hisü neletao vei hrü ashi ae mahmo souyu hinou ledalo, sükulouzü Mapao nou neletao vei poupao hi peikhai touyu teidei hinou pa neletaoye teisa nou hrülai tea paopeie.

JEREMIAH 26:13

Südonou chuo neletao nou ta-a buyu ludu ae soupfüa buyu vah khesü souzülo, ae neletao Ramai Mapao chi zülo. Neletao nou sübüa souloure toulouzü, puhnou neletaoye soushilai tea paopa peiyu khesü soumoa ledaloua bailai.

JEREMIAH 3:18

Israel nou Judah maiye louzho loulai, ae puletaoye reilova buyu tyadei hi nüpoa tayu hinou puletao hai koa Enou puletao vei puopao hi teisa vei panou soure donou peikhai touyu teidei hisü dakhaive loulai.”

JEREMIAH 35:15

Enou avei kilai rachipaolayu maitaoye neletao hi seive koute peie, ae puletao nou neletao hi vah ashi souyu khesü thaowua kaozü nasü soulo tea paopeie. Enou neletao vei puopaoh maitao hi peikhai touyu teidei hi teisa buloure donou puletao nou neletao hi rah kukheye thoso ae puletao vei kuvah souso tea paopi peie. Ana neletao nou achi sü keipei bare ae popei bare.

JEREMIAH 4:1

Mapao nou paoe, “Israel maitaore, neletao nou jüpa louzü ahi dakhai velou. Enou ngaorayu basharataoye neletao nou thaowu-a achi zü louzü,

ZEPHANIAH 3:7

Puletao nou veimosou-a Eye pishulai teanou cho-e, Enou kharochi peiyu züshulai teanou cho-e; alia Enou puletao hi doupeiyu taosü ngaikhai paimoe tea Enou cho-e. Ana Avei maitao nou vah ashisü soupu baire.”

PAODAKHAIYU CHIKHA 4:40

Zhou teithe Enou neletao hi paopeiyu chikha taosü zülo, sükure toulouzü neletao ae neletao vei tyaosholea hrülai sü kaozhou vei-a hrüloulai, alia neletao Ramai Mapao nou neletao hi teisa vei panou soure donou peikhai touyu teidei hisü phasho-a hrüloulai.”