JEREMIAH 5:9 - SHEEYU BAIBEL (BSI)

⁹ Hai donou E puletaoye tudee zümowu, ae puletao hi E khüngu phouzü movu?

JEREMIAH 5:9 Iomraidhean Croise

TSÜCHITAO 6:29

Sübütoua baie, kinapa maivei chapfü hi talouyu mai nasü; honapaiye deiyu mai sü souvea peimoa panou talai moe.

ISAIAH 1:24

Südonou chuo Khoukhoulai Mapao, Israel maivei khoushoyu Ramai nou haibüa paoyu sü keikhaio, “Eye ngaobayu maitao hisü khüngu phouta laire, ae neletao nou Eye souveapu laimore.

ISAIAH 57:6

Neletao nou deikho sühinou chuh phouveih shoyu khesü poloua süna hisü neletao nou zhaoh nghoupeiwe, ae neletao nou thoudzü vei posheela nakhesü pove peiwe, neletao nou sübüa souyu khesü Enou jüpa shulai tea neletao tsüchovu?

JEREMIAH 23:2

Südonou Israel maivei Ramai Mapao nou puhvei maitaoye kikopeia zhupeire peikho maitao hi haibüa paoe, “Neletao nou avei maitaoye kaozü soua zhupei more; neletao nou puletaoye sü sourarou laiwure, ae puletaoye hulaiwure. Chuo neletao nou vah ashi soukhai touyu vanou Enou neletaoye tudee laire.

JEREMIAH 32:31

Nuhdu hai hi maitao nou nuhdu soushu louyu teithe hinou poa avei lekha rarou soupa koute bubaie. Südonou nuhdu hai nasü souhawure donou ale laloure,

JEREMIAH 44:22

Neletao nou vah ashi ae ngaorayu vah souyu khesü Mapao nou healou hore, südonou zhou teithe hai neletao vei teidei sü soushi khaiwua panou mai liro hrümore, para tare, ae chaa ngaoyu teidei ali soutare.

JEREMIAH 5:10

Puletao vei darkhabe khesü jülaire donou Enou ngaobamaiye seive peilai, anou puletao mai hrülaiye souhakhai toulai moe. Enou puletaoye panou botao sü vilaiwulai, daiolouzü sütao hai avei moe.

JEREMIAH 5:29

“Ana Mapao Enou puletaoye sü haitao donou tudee peilai; tyahrü haina pei hi Enou khüngu phou peilai.

JEREMIAH 6:11

Mapaowo, nenou puletao hi rarouyu nasü ale khenou meikei-a bua baire, ae haisü E pfülou hore.” Süthaisü Mapao nou ahi paoe, “Avei lekha rarou nasü maisou ludu hi buyu nahmaitao pei hi, ae nahle mainou vejüa buyu buh hi lakou peio. Cha ae chapfü maitaoye sü potawulai, tsükhaivu mai koutea shopeilai moe.

JEREMIAH 6:6

Khoukhoulai Mapao nou vemaitao hisü süübe vilou-a Jerusalem hi reih huloure donou baibu soulo tea kharochi peie. Puh nou haibüa paoe, “Enou nuhdu hai nasü tudee peilai, daiolouzü hai hisü maiye souvea souhoyu nou pouzhu lere.

JEREMIAH 9:8

Puletao vei mali sü thailou veiyu vouloushu kue; teisa nou dayu chi paobaiwe. Mü hi louzü kinapa mai hi kaonayu chi paowe, anou le khevai louzü soushi peire donou da-a baiwe.

JEREMIAH 9:9

Haidonou puletaoye E tudee zümovu? Haibüyu tyahrü ali pei hi Enou khüngu phou laimowu? Haisü Mapao Enou paowe.”

DOPFÜYU 3:42

“Etao nou mahmo souwure ae khaityawure, alia Oh Mapaowo, nenou Etaoye sü khaipei more.

DOPFÜYU 4:22

Zion hai lah puhvei mahmo vanou veahoyu nasü pfüwe; Mapao nou Etaoye sü teile sho-a nou hukhamai soua panou vakou bupulai more. Ana oh Edom, Mapao nou neye sü tudee peilai, puh nou nevei mah khesü popa ngaopeilai.

EZEKIEL 7:9

Enou neletaoye vupa peilai moe, moyuma zhuvea leshiyu hai titoulia ngaopeilai moe. Neletao nou vah haso ashi soukhai touyu thaifüa enou neletaoye sü tudee peilai, sükua neletaoye panou E hai Mapao-e touyu sü süloulai ae Enou neletaoye tudee peia baie touyu sü panou süloulai.”

HOSEA 2:13

Puhnou kainüvei nou dei poa Baal ye posheelayu donou, alia mutei noubo ae touhnou tupfüa/maipoa puh leshi mai thaifü taloua Eye ngaiyu vanou, Enou puhye sü tudee souwulai tea Mapao nou paore.

HOSEA 8:13

Puletao nou Mapao ye poa sheela yuma, sheelayu sou toua buyuma; Mapao nou süsü jüpa more. Chuo, puhnou puletao mah sü licholaire, alia mah sütao donou puletaoye sü tudee apei sü souwu laire; puletaoye pa Ejipt hi dakhailou hrülai.

LEVIMAI LARÜBVÜ 18:25

Puletao nou soupfüyu vah haso sünou teidei hai nasü souzhaiwure, südonou Mapao nou teidei nasü tudee peia sühi hrüa buyu maitaoye sü teidei nou malaiwure.

LEVIMAI LARÜBVÜ 26:25

Neletao nou vo soukhai touyu nasü pfüthoyu donou Enou neletaoye soureih nou seive peia tudee peilai. Hakinou neletao nou nuhdutao hinou tuve jüloua buyuma Enou neletao hisü rahta-rahvu sünou seive peilai, sübüa neletaoye panou ngaobayu maitao nghoujü nou hraongu sü ngaolai.

NAHUM 1:2

Ramai hai puhye hraiyu mai hi healou hoyu alia khürüyu Mapao-e, Mapao hai khüphouwe alia lekha shiwe, Mapao hai puhye hraimai hi khü phoue alia puh ngaoba maiye lekha rarou nou soushi peiwe.

PAODAKHAIYU CHIKHA 32:35

Khüphoure sü aveie, Enou puletao vei paozho khesü kha peilai; Puletao kaodu tare teile sü nghitei toure, ae puletao hakatare sü thashoa laire.

PAODAKHAIYU CHIKHA 32:43

“Tyahrütao, neletao hai Mapao vei maitaoye paosholo, daiolouzü puhnou puhvei maitaoye southayu mai hisü khü phoupeiwe, ae puhye ngaobayu mai hisü pao rüpeiwe, alia puhvei maitao mah sü khaipeiwe.”