JEREMIAH 5:7 - SHEEYU BAIBEL (BSI)

⁷ Mapao nou haibüa noue, “Kabüa Enou avei maitao mah sü khaipeilai? Puletao nou Eye thaowure alia cheche moyu rahtaoye tho tare. Enou avei maitaoye sü sou pouphou peikhai-e, puletao nou khakha vah soutare ae puletao vei teile sü khulou vah souyu hinou souhawure.

JEREMIAH 5:7 Iomraidhean Croise

2 PUOPAOKO 13:9

Neletao nou Mapao vei napao maitao, Aaron vei tyaosholea maitao, ae Levi maitaoye hutawure. Puletao thaosü neletao nou tyahrü kukhe mai ali büa napao maiye sü doloure. Mai taralia chode ali moa nghitu anai pove soushee louyu maiye sü panou neletao ramai vei napao soure donou doloure.

JOB VEI LARÜBVÜ 31:12

Meizhe hinou mei taoyu büa avei buyu na teitei sü deihawu theo.

LOUTAO 50:18

Neletao hai vaoyu mai aliye daolouyu phaki puhye koa sa-a tare, ae khulou souyu maiye samai khamai soutare.

JEREMIAH 12:16

Hakinou puletao mai hrülai nou avei maitao nou hrüa tayu ludu nasü phoua ta louzü, ae Baal zhih hinou chaachou soulo tea doupeia buyuma azhih hinou haibüa ‘Mapao sü hriyu thaifüa,’ tea chaachou soulouzü— puletaoye sü Avei mai hrohinou soudu sousopa peilai.

JEREMIAH 13:27

Puhnou ngaorayu vah haso khesü neletao nou souyu puhnou ngaoloure. Neletao nou deichi vanou ae deikho kinou khakhayu mai ali büa moa reshiyu rhei ali büa cheche moyu rahtaoye thaihua laiyu sü puhnou ngaoloure. Jerusalem hi maitaore, neletao hai daizhou koute vealaisa! ngaopeisa! Neletaoye sousheeyu hai teile kasho loulaige?

JEREMIAH 16:11

Süthaisü nenou puletao hi Mapao nou haibüa paowe tea paopeio, ‘Neletao vei puopao mainou Eye thaowure, ae rah kukhe thaifü tare ae puletao vei kuvah soutare. Puletao nou Eye malaiwure ae achi zümore.

JEREMIAH 16:20

Mainou lah puletao vei ramai sü soulou süwu? Moe, hakinou soulouyuma, puletao hai ramai moe.”

JEREMIAH 2:11

Maihrüh talinoua puletao rah hai chechemoyuma puletao vei rah datayu buwu? Ana avei maitao nou puletaoye souposhu veisho peiyu Ramai naye sü hazholia moyu basharaye pothou leawure.

JEREMIAH 2:31

Oh Israel maitaore, Mapao vei chipao sü lenoua keilo. Israel maitao nghoujü nou Esü komoyu dei ali büa baidou? Mo-a zhitei touyu teidei ali bübaivu? Süku molouzü daidonou avei maitao nou Eye lia lahdo soua bailai, ae ahi dakhai vepulai moe tea paowe?

JEREMIAH 23:10

Teidei hisü khulou souyu nou pouleyu donou teidei sü chaa ngao-a dopfü loure, ae heiphao khesü kitare. Puletao hai kaozü moyu hinou hrüa baire, ae puletao vei khouko sü macha moyu hinou poa vah soua bubaire.

JEREMIAH 3:19

Mapao nou paoe, “Oh Israel, Enou neye anahpoutu soua polounüe, ae neye veishoyu teidei ali peinüe, deiphao teitei hinou veikayu teidei. Neletaoye panou Eye neletao vei Puo tea kunüe, ae ahinou pa tala tapu khaimoa bunüe.

JEREMIAH 3:8

Louchelou hoyu Israel nou vah ashi souyu teiteisü Judah-a ngaokhai toure, ae Enou tunaoyu vei larü peiwu-a Israel ye sü hutawure. Anou louchelou hoyu Israel vei tupai Judah nou ngaopi more. Honapai-a khakha-a chaozüyu vah ashi sü soutare,

JEREMIAH 7:9

Neletao nou maivei vao, taitha datha, khulou sou, dahrührüa chaachou sou, Baal rah hi poukeivei meideia posheela, ae neletao nou sümoyu rahtao thaifü talou,

JEREMIAH 9:1

Oh apei hai dzübvü ali-e tulouzü, ae anghithou hai dzüla toulouzü, Enou Amaitaoye southayu vanou hea-khei sümoa kra-a bua bailai.

JEREMIAH 9:2

Enou radeiki hinou buloure buh bulouzü Amaitaoye thaowu-a sühinou tuho bua bailai. Daiolouzü puletao mai hrülai nou louchelou shire, dazhuyu maime baire.

DOPFÜYU 3:42

“Etao nou mahmo souwure ae khaityawure, alia Oh Mapaowo, nenou Etaoye sü khaipei more.

EZEKIEL 22:11

Kamai-a nou khulou vah souwe, kamai-a nou lahvei moupai ae lah tupfüye sazüwe.

HOSEA 11:8

“Oh Ephraim, kabüa nou E neye sü thaoloulai? Oh Israel maitaore, E neletaoye sü kabüa nou mai kukhe mai bah hi thaothou loulai? Kabüa nou E neletaoye sü Admah mai kua souha khailaige? Mokhaia kabüa nou Zeboüm maiye souveayu büa neletaoye sü souvea khailai? Neletao ye tudee-a souvealai toukhaie, Alesü neletao ye zhuveayu nou phoutsü loua baire.

HOSEA 13:6

Ana neletao nou teidei aveih hi loulou khaie, tousü-sosü ngaoloukhaie, neletao nou khaosouloua Eye ngaiwure.

HOSEA 4:2

Teidei haihio chaachou souyu, dayu, taitha-dathayu, vaoyu, khulou souyu khaikho baire, alia sounou-pfünou touyua hazei toure. Maiye southayu vah sovei sü pulailaia baire.

HOSEA 7:4

Puletao hai maiye sapayu mai khai toue; puletao vei lekha-rarou haio raokhao khaoyu mainou deipa souhshoa khaitouyu meifü libüa baie, süsü raokhao khaoyu mainou chemo koute mei chüthoyu hai komoyu büa baie.

LEVIMAI LARÜBVÜ 20:10

Maivei kipfü maiye sapa louzü, puhai mai ahai khinou southalai.

AMOS 8:14

Samaria hi Ashimah rah zhih hinou chaachou souyu khemai, alia Dan rah zhih hinou ae Beersheba rah zhih kua chaachou souyu mai hrülai sü kaotalai, alia puletao hai lashupu loulai moe.”

ZEPHANIAH 1:5

Kipei hinou taopa khouh teinghi, alia vuhtao ye thoyu mai hrülai Enou souha khailai. Eye tholai teanou paokhaitou-a Milkom zhih hinou chaachou souyu mai hrülaiye sü Enou souhalai.

MALAKAI 3:5

Süthaisü chikure donou E nekhemai hi nghikoulai; kheikhupado soumai, maichapfü sapamai, dayu-a chaachou soumai, maiye souveamai ae vah soumai zho peitou momai, meamai ae rounah ye souveayu mai, shetu maiye deima bumai alia Eye pimoyu mai pei hisü Enou chisho-a tudee peilai, tea Khoukhoulai Mapao nou paoe.

1 KORINTHMAI 6:9

Cheche moyu mainou Ramai Vedei sü ngaolaimoe touyu sü neletao nou sümowu? Neletao lah lawuso; khu-lou souyumai, bashara thomai, mai chapfüna sapamai, lah poutu ea naotu hao-a koa buyu,

1 KORINTHMAI 8:4

Sübüyu thaisü, bashara hi popeikhai touyu touso touyu vanouwo louzü: Ehnou süwe, süolouzü “bashara hai deiphao hinou cheche-a bumoe,” ana Ramai ali kheithe baimoa kukhe lia hae.

GALATIAMAI 4:8

Raikihi neletao nou Ramaiye sümoa buyu phaki hisü neletaosü zhai thaifüa ramai moyu sütao kilai soue.

PAODAKHAIYU CHIKHA 32:15

“Mapao vei maitao hai toungi pare, anou paochi züba tare; puletao hai toutouloua hübo veipa loukhaie sashi tare. Puletaoye Sou-apeio Ramai ye sü malaiwure, alia puletaoye khailu-apeio Chuhdu nasü konü tare.

PAODAKHAIYU CHIKHA 32:21

Puletao nou cheche moyu rahye thoyu donou, ae bashara kheye thoyu vanou alekha sü daipa peiwe. Südonou Enou puletaoye panou tyahrü kukhe maiye ngaorai talai; Enou voyu tyahrü aliye panou puletao lekha sü daipa peilai.

EBRIAMAI 13:4

Sheenghiyu hai maikhemai hrülainou tsükhoulai, alia sheenghiyu vei zühnasü souzhaiwuso; daiolouzü Ramai nou khakha chaozüyu ea maipfü maipuo sapayu maiye chikulai.

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

JOSHUA 23:7

Neletao hrohinou shokhai touyu tyahrü kukhe taoye koalou hrüzhoso, mokhai-a puletao Rah zhih-a kuso, moa puletao hi chaachoua souso, mokhai puletao vei vah souso ae puletaoye khurüso.