JEREMIAH 5:5 - SHEEYU BAIBEL (BSI)

⁵ Enou khouko buyu maitao hisü velai, ae puletaoye tave chakulai; daiolouzü puletao nou Mapao vei ludu sü süwe, ae Ramai vei chikhatao sü süwe.” Ana puletao mai hrülai nou Mapao vei khakhe hi bubare ae puh chi zübare.

JEREMIAH 5:5 Iomraidhean Croise

2 PUOPAOKO 36:14

Süpei hinou Judah hi süthai-apei maitao, napao maitao ae maisou hai mahmo soua puletao pehao hinou hrüa buyu tyahrütao büa bashara khesü thotare; ae Mapao vuzünou soushee peikhai touyu Rathoki nasü puletao nou souzhaiwure.

TAPALOUYU 32:25

Maikhe maitaoye Aaron nou tukhalou moa panou lahdodo soua hrüyu ae ngaobamai jünü soua buyu sü Moses nou ngaoloure.

ISAIAH 1:23

Neletao vei süthai-apei maitao hai maishi tare, ae avao maiye koa samai khamai soutare. Puletao hai seihla züpa tare alia sapeina khesü thaihu tare. Puletao hai vearou nahtouye sü vupei more alia mimeapfütao nou paoyu chi sü keipei bare.

JEREMIAH 2:20

Khoukobu Mapao nou paoe, “Oh Israel maitaore, neletao nou achi zübae ae Eye thobae. Deichi kuyu hinou ae süübe phi khonou neletao nou khakha-a tounah hrüloure vei rah sü thotare.

JEREMIAH 2:31

Oh Israel maitaore, Mapao vei chipao sü lenoua keilo. Israel maitao nghoujü nou Esü komoyu dei ali büa baidou? Mo-a zhitei touyu teidei ali bübaivu? Süku molouzü daidonou avei maitao nou Eye lia lahdo soua bailai, ae ahi dakhai vepulai moe tea paowe?

JEREMIAH 30:14

Nevei leshi mai hrülai nou neye ngaiwure; puletao nou neye donou tea tsücho peimore. Enou neye sü ngaobamai ali büa dukhaire; neletaoye zhuveayu ali-a ha-a nou souvea shopeire, daiolouzü neletao vei mah sü alao loure ae neletao vei ashi khesü pousho loure.

JEREMIAH 6:13

Tai-du soumoa mai hrülai nou kaomoyu ludu hinou tounüa viyu sü phou-a baire; rachipaolaiyu maitao ae nahpao maitao koutea maikhe maitao hisü da-a baire.

JEREMIAH 8:7

Tei hi raohou koutu koutea lah puletao vei teile süwe; teile thaifüa budatayu raohou taonou puletao teile sü-a datawe. Anou avei maitao nou Enou puletaoye khasa-a hrüyu chikha khesü sülou more.

JEREMIAH 9:3

Puletao hai teile busasü dayu chi paore donou bua baire; cheche-a teidei khore thaosü tsüle shee more. Mapao nou paoe, “Avei maitao nou vah ashi souyu thainou soupu khaikhai-a baire, ae E hai puletao vei Ramai nasüe touyu süpei more.”

EZEKIEL 11:2

Ramai nou ahi haibüa paoe, “Thailaiyu mainare, mai haitao nou nuhdu hai hi shodo ashi sü souloua hashi khesü paodou peiwe.

AMOS 4:1

Bashan hi chokü büa toutu toupa hrüvei shoa khaitouyu Samaria hi naotu maitao, touha maiye souvea-a laiyu maitao, lülou homaiye soutai sounou peiyu maitao, alia cha khemai hi “Zhaoh solai pove khaio” tea paoyu naotu maitao, chipao haisü keilo.

AMOS 6:1

Zion hinou talabou-a nou vashoa hrüyu khemai, Samaria deichi hinou vaphia ngaopiyu aliro hanou hrüa buyu khemai, tyahrü hrohinou matsüli soua bukhemai, Israel mainou ve soukha khoa buyu maitao, neletao hai daizhou koute veayu soulaisa!

MIKAH 3:11

Nuhdu vei peikho maitao nou seihla toua khore, napao maitao nou Chikha sü shi-zho peia paolapa poa baire, rachipaolayu maitao sünou pousha donou pao-a bure — ae puletao mai hrülai sü Mapao nou puletaoye kozho peiwe tea khaloure. Puletao nou paoe, “Kaozhou ashi sü velai moe, Mapao nou puletaoye koa bue.”

MALAKAI 2:7

Daiolouzü napao maitao mütai hisü tsüdo aveih chipao paore phae, alia maikhe maiye panou puh hinou chikha phoure phae, daiolouzü puh hai Hrülai pei hi Mapao vei ko aveih pfüve peiyu na-e.

LUK NOU RÜYU KO AVEIBVÜ 18:24

Mai sünanou leveasholoua buyu sü Jisu nou ngaoloua paoe, “Hanimaitao donou Ramai Vedeihi veloure sü daizhozhou tateishosa!

LUK NOU RÜYU KO AVEIBVÜ 19:14

Ana chuo puhvei teidei maitao nou puhye ngaoraloua puh thainou ko sei-atamaiye seiveloua panou ve, ‘Mai hainaye panou Eletao pei hi veo souyu züpa moe,’ tea paoe.