JEREMIAH 5:3 - SHEEYU BAIBEL (BSI)

³ Mapao louzü chilee checheyu nasü zhuwe. Puhnou neletaoye dapeie, ana neletao nou süpei moe; Puhnou neletaoye sousasa peie, ana neletao nou sülou moe. Neletao vei tsüle sü khousholou-a mah hinou leda nümore.

JEREMIAH 5:3 Iomraidhean Croise

SHURAI 19:34

Thainesho shosü atsüpai nou anapai hisü paoe, “Zhukhaio, dokhei Enou apuoye koa züre, zhoukhei-a puhye zhaoh panou keloua zhi laikhe, alia ahai puo hinou nahmai ngaoloure donou ne-a talou puhye koa zükhaio.”

1 VEMAITO 13:33

Haithai-a Israel hi veo Jeroboam nou vah ashi souyu sü thaomoe, ana puhnou soukhai touyu posheelabu hi panou napao soure donou tarasoua maiye sü vahbu peia baie. Mai taralia napao sounüyu maiye sü puhnou dopeia bubaie.

2 VEMAITO 1:13

Süthai-a veo nou puhvei peikhomai ali hai panou mai raingou saloua tare. Puhnou deichi hisü taopaloua Elijah vei nghoujü nou kaokou puhvei khoubou sü deiloua haibüa nou puh hi kho-e, “Oh Ramai vei mai nare, zhuvea nou Eye ae avei maitao vei hrirai hai khailupa peio!

2 PUOPAOKO 16:9

Mapao nou deiphao teitei sü soutaosoua zhua bue, ae puhye lüloucheyu mai hisü khouko thoupeiwe. Nenou souyu hai vosho-a nou souwure, südonou chuo ne hai thaokhai moa reih soua bulaire.”

2 PUOPAOKO 28:22

Ahaz nou veahoyu daopu khaie, Mapao vei jüphi ae mahmo sü soupua baire.

LOUTAO 51:6

Chili checheyu nasü nenou jüpa-e; nevei ratsü nasü avei tsüle hi thoukhai peio.

LOUTAO 51:8

Eye panou savayu kho khesü choulo; sükulouzü nenou Eye souphe soupho sasa-a khaitoua buyuma Enou savayu sü ngaopu lousüe.

LOUTAO 55:20

Raichoki avei samai nanou puhvei samaitaoye zhuba-a hraitare; puhnou chaachou soukhai touyu nasü pfüphere.

TSÜCHITAO 21:29

Mai ashimai lisü khuveiyu zhai soua baiwe, ana maicheyu mai liwo lah puhvei ludu sü tsücho louwe.

TSÜCHITAO 22:12

Mapao nou tsüdoye sü zhu-a nou khopeiwe, ana puhnou lühayu navei chipao sü popa laihwu baiwe.

TSÜCHITAO 23:35

“Puletao nou Eye da-a phare,” tea nenou paolai, “Eye mainou da-a phare, ana Enou sülou more. Daisounou E hai kushulou hodesa? E zhaoh pai kukhe li phoutalai.”

TSÜCHITAO 27:22

Vomai liye daposhu thainono khaitouyuma puhvei voyu nasü puh hinou halai moe.

ISAIAH 26:11

Neye ngaobayu maitao hai nenou puletaoye tudei peilai touyu sü sümoe. Mapaowo, puletaoye sü ahrao soupeio, alia nenou tudeilai tea souda-a buyu veahoyu nasü panou puletao hi vetheo. Ana nenou nevei maitaoye daizhou koute leshi peiwe touyu nasü panou puletao-a ngaolo.

ISAIAH 42:25

Südonou puhnou Eletao pei hisü puhvei lekha rarou nasü mei souyu büa lakou peie, mei taoyu büa puhvei lekha sünou Israel mai hrülaiye deipeie, ana Eletao nou haisü daisousa touyu tsü sükulou moe, Eletao nou hai vanou halia doupu loumore.

ISAIAH 48:4

Daiolouzü neletao hai maikho mairo züba-e touyu Enou süe, neletao vei ngu hai hu büa khou-e, ae neletao vei pu hai baosahu büa chiwe touyu Enou süe.

ISAIAH 9:13

Haibüa soupeiyuma Israel mai hai leda moe, alia Khoukhoulai Mapao nou puletaoye tudei pei-a buyuma puh hisü dakhai velou moe.

JEREMIAH 15:7

Enou puletao mai hrülaiye nuhdu robomü hinou thouba thaolaiyu büa thaolaiwulai. Enou neletao, avei maitaoye souhare, neletao vei nahmaitaoye southawure, daiolouzü neletao nou vah ashi souyu sü thao moe.

JEREMIAH 17:23

Enou paoyu chi sü puletao vei puopao maitao nou keipei moe. Süna thaosü, puletao nou rochi sholoure; puletao nou achi sü zübare ae ahinou doulou bare.

JEREMIAH 19:15

Israel maivei Ramai Mapao nou ahi paopeio tea paoyu nasü paoe, “Zhukhaio, hashi velai tea Enou paopayu taosü nuhdu hai hi ae pehao hi buyu nuhtao hisü seive peilai, daiolouzü neletao nou rochih sholoure ae Enou paoyu sü zübare.”

JEREMIAH 2:30

Hakonou E neletaoye tukha baire. Puletao nou achi zübare, zhaipou shishoyu khaosouveo ali büa neletao nou rachipaola maitao sü southare.

JEREMIAH 3:3

Südonou teisü rüvepei more ae khonü-khana hi teirü sü vemore. Nenou khakha-a laiyuma ne hisü hraoyu touyu halia hare.

JEREMIAH 32:19

Nenou tsüchoda khaitouyu khesü veisho-e ae vah haso dushoyu khesü nenou soupeie; maikhe mainou soupfüyu veishi sü nenou ngaokhai touwe, ae puletao nou soupfüyu thaifüa nenou buu sü peie.

JEREMIAH 44:10

Zhou koute neletao nou tainou soua hrüloumo hie. Neletao nou Eye tsükhou moe, moyuma Enou neletao vei puopaoh maitao hi peikhai touyu chikha thaifüa hrülou moe.

JEREMIAH 7:26

Ana mai linoua puletao vei chi sü keipei moe. Neletao hai neletao vei puopao maitao jünou-a rochipu loure ae khaityapu loure.

JEREMIAH 7:28

Nenou puletao hi puletao vei Ramai Mapao chi zübare, moyuma puletaoye daivanou tukha peiwe touyu sü sülou more. Acheche nasü hatare, ae hai nasü puletao vei mü hinou paopapu more.

JEREMIAH 8:5

Sükulouzü, daisounou avei maitao hai ahi dakhai vemoe? Puletao nou dayu nasü taotei touloure, ahi dakhai vebare.

EZEKIEL 2:4

Puletao hai rochi shore ae Eye tsükhou peimoe, südonou Khoukhoulai Mapao Enou haibüa paowe touyu nasü neye panou puletao hi pao peire donou Enou neye puletao hi seitalai.

EZEKIEL 24:13

Oh Jerusalem, nenou hrü ashi hrüa soupfükhai touyu sünou lah neye sü souzhai loure. Enou neye soushee peire donou te-a buyuma ne sü sheelu more. Avei lekha sünou neletao hi vemoyu thaio neletao hai sheelou hore.

DANIEL 9:13

Moses vei chikha larübvü hi rüthoukhai touyu tudee laiyutao teitei hai Etaoye tudee peire, ana Etao hai kaomo zümoyu ae mahmo souyu hinou le daloua ne jüpa soure donou phoumoe, alia ne vei zhuvea nasü kholou moe, Oh Mapao Ramaie.

LEVIMAI LARÜBVÜ 26:23

“Haibüa tukha peia buyuma neletao nou ahi dakhai vemoa Eye khaitya bulouzü,

AMOS 4:10

“Ejipt hi seiveyu zhaibüa Enou rahtahyu nasü neletao hrohi seive peie; Enou neletao vei nahlemai ye sü khoche nou daotha peie; Enou neletao vei rhei khesü souha peie; alia neletao nou chaoyu buhkhe hisü tangiyu kai hai Enou neletao nghou qulu hi panou kheloue, ana neletao nou ahi dakhai velou moe.

AMOS 4:11

“Sodom ae Gomarah ye souhayu büa Enou neletao khamai-a souha peie, alia neletao hai mei hinou khaipa louyu meisüde kuwe, ana neletao hai ahi dakhaive moe” tea Mapao nou paoe.

AMOS 4:6

“Enou neletao vei nuhdu teitei hi sheeyu huh peie, alia neletao vei buh liki tokaayu sü seive peie, ana neletao nou ahi dakhai velou moe.

AMOS 4:8

Südonou nuh hi hrüa buyu maitao nou dzü kere donou nuh kukhe li hi phou sühao tae, ana puletao nou reikha louyu ngaolou moe. Sübüa buyuma neletao nou ahi dakhai velou moe.

AMOS 4:9

“Enou neletao vei peida ae darkha kipei khesü teikhai teirüshi ae khanou pa kouh soushi peie; neletao vei doushibe ae oliv süübe khesü pa khazü nou touloue, sütoua buyuma neletao hai ahi dakhai vemoe.

ZEPHANIAH 3:7

Puletao nou veimosou-a Eye pishulai teanou cho-e, Enou kharochi peiyu züshulai teanou cho-e; alia Enou puletao hi doupeiyu taosü ngaikhai paimoe tea Enou cho-e. Ana Avei maitao nou vah ashisü soupu baire.”

ROMMAI 2:2

Haibüyu vah souyu maiye Ramai nou chikuyu hai kuzüe touyu sü Ehnou süwe.

EBRIAMAI 12:9

Süthebaimoa, Eletao hrülaiye tukhazü peiyu deiphao hi Eletao puo maitao bue ea Eletao nou puletaoye tsükhouwe. Sübüyu thaisü Eletao nou daizhozhou koua Eletao vei rako hilo Puo khehinou hrüa hrilai?