JEREMIAH 5:2 - SHEEYU BAIBEL (BSI)

² Neletao nou Mapao ye thowe tea mü louzü khawe, ana checheyu hrüh hinou hrümoe.

JEREMIAH 5:2 Iomraidhean Croise

ISAIAH 48:1

Oh Israel maitaore, haihai keilo, ae Judah maitya hinou hrüveyu maitao; Mapao vei zhih hinou chaachou soukhai touyu maitao, ae Israel maivei Ramai ye thowe tea paoyu maitao – neletao hai acheche moa kaozü nasü soupfü more.

JEREMIAH 4:2

neletao nou azhih sü poloua chaachou soua bailai. Süthaisü deiphao mai hrülai nou puletaoye hapeio tea ahi nou kholai, ae puletao nou Eye paosholai.”

JEREMIAH 44:26

Ana Mapao Enou Ejipt hinou hrüyu Israel maitao hi khouko bushoyu avei zhih hinou chaachou soukhai touyu nasü keilo: neletaoye panou azhih kua haibüa chaachou sü soupukhai toulai moe: ‘Hriyu Ramai Mapao zhih hinou chaachou souwe!’

JEREMIAH 7:9

Neletao nou maivei vao, taitha datha, khulou sou, dahrührüa chaachou sou, Baal rah hi poukeivei meideia posheela, ae neletao nou sümoyu rahtao thaifü talou,

JEREMIAH 9:2

Enou radeiki hinou buloure buh bulouzü Amaitaoye thaowu-a sühinou tuho bua bailai. Daiolouzü puletao mai hrülai nou louchelou shire, dazhuyu maime baire.

HOSEA 10:4

Puletao nou kaozü moyu chipao sü paowe; dayu chaachou nou poa Vo sü souloua baiwe; südonou douhi pou-tsüpayu büa chikure sü pabaiwe.

HOSEA 4:15

“Oh Israel, mainou chilee moa hrüyuma, ne Judah maiye panou mah hisü louwuso. Gilgal hi talouso, mokhaia Bethaven hia kheso, alia sühinou hriyu Mapao vei zhih hinou chaachoua souso.

LEVIMAI LARÜBVÜ 19:12

Neletao nou da-a azhih kua chaachou sü soulai moe, ae sübüa neletao nou Ramai zhih sü souzholai moe. E hai neletao vei Ramai Mapao nasüe.

ZEPHANIAH 1:5

Kipei hinou taopa khouh teinghi, alia vuhtao ye thoyu mai hrülai Enou souha khailai. Eye tholai teanou paokhaitou-a Milkom zhih hinou chaachou souyu mai hrülaiye sü Enou souhalai.

MALAKAI 3:5

Süthaisü chikure donou E nekhemai hi nghikoulai; kheikhupado soumai, maichapfü sapamai, dayu-a chaachou soumai, maiye souveamai ae vah soumai zho peitou momai, meamai ae rounah ye souveayu mai, shetu maiye deima bumai alia Eye pimoyu mai pei hisü Enou chisho-a tudee peilai, tea Khoukhoulai Mapao nou paoe.

1 TIMOTHI 1:10

khakha chaozüyu mai, emai zhaimoa koa züyumai, mai vaoyumai, amadamai, mada-a chi lapeimai ea cheche lüzhai hinou moa aku zhai hinou vah soua laimai, süolouzü

2 TIMOTHI 3:5

puletao nou vakouhiwo louzü Ramaiye lüyu zhai soulai, ana sünavei acheche khouko süwo louzü balai. Sübüyu maitao hinou tarei talo.

TITA 1:16

Puletao nou Ramaiye süe tea paowe, ana puletao vei vahtaonou puhye bawe. Puletao hai ngaorayu ea paoyu zübayu taoe, puletaosü havei talia souzüdou moe.