JEREMIAH 48:2 - SHEEYU BAIBEL (BSI)

² Moab mainou zhih tayu sü hatare. Heshbon sü ngaoba mainou poloure, ae Moab tyahrü sü souhare donou shodo souloure. Voyu maivei nuhdu nasü panou zei tea bua bailai; reihmaitao nou hai hisü tapoa nou loulai.

JEREMIAH 48:2 Iomraidhean Croise

ISAIAH 15:1

Moab donou paopeiyu chipao sü haitao-e: Ar ae Kir nuhdu ahai sü khei-zhou ali hinou souhare, alia Moab maivei teidei teitei sü soushikhai touwure.

ISAIAH 15:5

Moab maiye donou ale vea-a kra-e! Puletao nou Zoar hi, ae Eglath Shelishiyah hi shetumai soua tave bure, kamai-a kra-a nou Luhith ludu hilo tukhe-e, kamai-a nou shusou kra-a Horonaim ludu hilo tare.

ISAIAH 16:14

Alia chuo Mapao nou paoe, “Po asü levai hinou Moab maivei nangi teitei sü hata bailai, ae mai alao buyu sü mai daotu shokhaipei bailai alia mai sütao hai-a lelou hoyu maitao nou bubailai.”

ISAIAH 25:10

Mapao nou Zion Deichi sü vupeilai, ana Moab maiye sü puhnou dou hi rouvao taifüyu büa taifü khaiwulai.

JEREMIAH 25:15

Israel maivei Ramai Mapao nou ahi haibüa paoe, “Zhaoh pai haina hisü avei lekha rarou nou lathou phoukhai toue. Enou neye seitayu tyahrütao hisü pai haina hai poloua panou puletaoye kelo.

JEREMIAH 25:17

Südonou Enou Mapao vei bah hinou pai nasü polou-a Mapao nou Eye seitayu tyahrü hrülaiye panou süsü keloue.

JEREMIAH 31:36

Khouh teinghi hamo koute, Israel maivei tyahrü hai hatalai moe tea puhnou paopei khaitoue.

JEREMIAH 33:24

“Enou dopakhai touyu Israel ae Judah maiye Enou malaiwure tea maikhe mainou paoyu sü nenou chouho moe? Südonou avei maitaoye sü puletao nou ngaora-e ae maikhe mainou puhaiye sü tyahrü ali-e tea popei more.

JEREMIAH 46:28

Enou neletaoye tave khailupa peilai. Enou neletaoye soupho rarou khaitouyu tyahrü veishi sü souha peilai, ana Enou neletaoye souhalai moe. Enou neletaoye tudee peimoa panou talai moe, ana Enou kaozü hinou tudee pei-a bailai. Haisü Mapao Enou paowe.”

JEREMIAH 48:17

“Tyahrü süna pehao hinou hrüyu maitao, puhvei kathe süyu mai hrülai puhye donou dopfülo. Haibüa paokhaio, ‘Kabüa khouchi sho-a buyu puhvei vebuh sü pepota desa; puhvei kathe ae khouko sü hatare.’

JEREMIAH 48:42

Moab sü souhawulai ae tyahrü ali soua bupulai moe, daiolouzü puhnou Eye due.

JEREMIAH 48:45

Soureih souyu hinou tuta-a buyu maitao nou Veo Sihon nou teile ali hi khasa-a buyu Heshbon nuhdu vei vupa-apei sü phoutare, ana hai nasü meikei-a nou bure. Soureih souyu jüpa-a buyu Moab maivei deichi veishi sü mei nou deihawure.

JEREMIAH 49:3

Heshbon hi maitaore, kra-a dopfülo! Ai maiye sü souhawure! Rabbah hi naotu maitaore, dopfülo! Soukhousah banaolo ae dopfülou khaio. Bürarou poa nou tuta khaio. Neletao vei Molek rahye sü puhvei napao maitao ae veo nahpoutu maitaoye koa vakou nüpoa tare.

JEREMIAH 49:37

Enou Elam maiye sü panou puletaoye ngaoba-a southa nüa buyu maitaoye ngaopi-a nou bulai. Enou puletaoye souha khaimo koute avei lekha rarou hinou puletao hisü soureih mai seive thoupeilai.

MAIPEI PHOUYU 32:37

Reuben maitao nou Heshbon, Elealeh, Kiriathaim,