JEREMIAH 40:3 - SHEEYU BAIBEL (BSI)

³ ae chuo puhnou paokhai touyu büa soupeire. Neletao hi haibüa vepayu sü daivanoue toulouzü neletao nou Mapao chi zümoa mah souyu donoue.

JEREMIAH 40:3 Iomraidhean Croise

NEHEMIAH 9:28

Puletao nou kaona-a soyu ngaolou khaie, mahmo khesü soutapure, ae nenou puletaoye sü ngaobayu mai bah hi thaothou peie. Ana puletao nou ledaloua ne hinou veachi pao-a soukha khoyu phaki, raki vanou nenou puletao vei akho sü kei-nou peie ae nevei dushoa zhuveayu hinou tobai soumoa puletaoye sü khailupa peie.

NEHEMIAH 9:33

Nenou Etaoye tudee peiyu hai kaozü hinou soupei-a baie, Etao nou mahmo souyuma, newo louzü chilee cheche-a baie.

JEREMIAH 11:17

“Akukulai Mapao Enou Israel ae Judah sü shothou peie; ana chuo Enou puletao pei hi hashi pove peilai. Veahoyu sü lah puletao hi pfüveloua baie, daiolouzü puletao nou kaomoyu vah sü soupfüre; Baal rahye poukai nüveiyu meidei-a posheela peiyu donou alekha sü soupawure.”

JEREMIAH 22:8

“Haithai vakou mainou nuhdu haina tachopoa tayu phaki mai alinou ali hi ‘Daidosoua Mapao nou nuhdu hai nasü haibüa soupeiwure’ tea paolai.

JEREMIAH 39:16

taho Ethiopia puona Ebedmelek hisü Israel maivei Ramai, Khoukhoulai Mapao nou haibüa paowe tea paopeio, “Enou soulai tea paokhai touyu bütoua Enou soupeilai, Enou nuhdu haina hisü vasayu moanou veahoyu ae kanghiyu sünou pove peilai, ae haitao vepayu sü nenou ngaolai.

JEREMIAH 44:23

Neletao hi haibüa veahoyu veyu khesü neletao nou rah kukhe hi poukai nüvei meidei peia Mapao nou neletao hi chikha peiyu khesü zümoyu vanou vepawe.”

JEREMIAH 50:7

Puletaoye ngaoyu mai hrülai nou puletaoye sü dure. Puletao vei ngaoba maitao nou paoe, ‘Etao nou mah moe, daiolouzü puletao nou puletao vei puopaoh maitao nou areih buyu, ae puletao nou louche-a buyu Mapao nghoujü hinou mah souwure.’

DOPFÜYU 2:17

Mapao nou soulai tea paopi peia buyu nasü soupeiwure: Puhnou Etaoye sü zhuveayu aliro ha-a raichoki nou puhnou paopi peiyu büa soushi souhawure. Puhnou Etao vei ngaoba maitaoye panou veiloure, Etao nou kaodu tayu nasü panou puletao vei asah sü soure.

ROMMAI 2:5

Ana nevei le khouyu ea le dabayu lethou buyu donou ne sü lah nepei hi Ramai nou puhvei acheche chi kulaiyu pongao laiyu puhvei rarou Teithe ki donou Ramai vei rarou nasü podzü khaibaiwe.

ROMMAI 3:19

Chuo Eletao nou süloure, süolouzü emai hrülaiye panou paikhaimoa ea deiphao teiteiye Ramai vei chikuyu khehi pove khailoure donou, razhainou paokhai touyu pfüphou sü razhai khehinou hrüa buyutao donou paokhai toubaie.

PAODAKHAIYU CHIKHA 29:25

Alia chila peire sü, ‘Puletao puopao Ramai Mapao nou puletaoye Ejipt hinou sapopa peiyu phaki, puletao koa soukhai touyu vo nasü mai haitao nou pfüthoyu vanou she.