JEREMIAH 4:8 - SHEEYU BAIBEL (BSI)

⁸ Südonou soukousah baloua dopfüa kralo, daiolouzü Mapao vei lekha rarou nasü neletao hinou potalai moe.

JEREMIAH 4:8 Iomraidhean Croise

LOUTAO 78:49

Puhnou puletao hi puhvei rarou lekha ae chaa sü seikou souvea peie, ae soushi soukanghire donou rakivamai me aliye seive peie.

ISAIAH 10:4

Neletao sü panou soureih souyu hinou thaitawulai moyuma hukha mai soua panou nüsata khaitouwulai. Mapao vei lekha rarou sü chukoute-a khaita mohie, puh bah sü lapoa puletaoye tudeipure donou buhie.

ISAIAH 13:6

Kra-a dopfü loukhaio, daiolouzü Mapao vei teithe sü nghiteire; Khoukhoulai Mapao nou veahoyu sü seive laire.

ISAIAH 22:12

Süteithe zhousü Khoukhoulai Mapao nou neletaoye kra-a dopfülo, pei saiwuo ae soukousah banoulo tea paopeie.

ISAIAH 32:11

Vaphia-a buyu alia leveayu ha-a hrüyu naotu maitaore, chuo levea-a ngaopilo! Neletao vei sabanü khesü laolaiwo, alia neletao khya sü ngulousah nou kholo.

ISAIAH 5:25

Südonou Mapao sü puhvei maitao pei hi rarou loure, puh bah sü thaipa puhvei maitaoye tudee talaire. Deichi khesü ngure, alia thaiphao khesü lududo kinou hashi laikhai touyu büa thai-a bure. Mapao vei lekha-rarou nasü chua chemo hie, puhvei maitaoye tudeepure donou buhie.

ISAIAH 9:12

Sairia maiye panou teinghi palova nou ae Philistin maiye panou teinghi loulova nou Israel maiye nütou loure donou puletao mü sü ngepoa bure. Haibüa soupeiyu thai-a Mapao vei lekha rarou nasü akhai mohie; chukoute-a puletaoye tudeipure donou puh bah la poa buhie.

ISAIAH 9:17

Südonou Mapao nou nahle mai hrülai, pfüpuo hamai (vearou nahmai) ae meamaipfü ali koute-a panou tupalou laimoe, daiolouzü mai hrülai nou Ramai ye louche more alia vah ashi souyu maikhai baire, ae ashi chipao khaikho pao-a baire. Haibüa Mapao nou puletao hi tudei peiyu nanou puhvei lekha rarou nasü akhai mo hie, puletaoye tudeipure donou puh bah sü la poa buhie.

ISAIAH 9:21

Manaseh maitao nou Ephriam maiye dulai, ae Ephriam mainou Manasseh pei hi reih soulai, alia puhai koa Judah mai pei hi reih huloulai. Haibüa veahoyu peiyu hai-a Mapao vei lekha sü khaita mohie, puh vei bah sü la poa puletaoye tudeire donou buhie.

JEREMIAH 25:34

Do-a kralo, süthai-apei maitao, avei maitaoye khoyu zhaokhomaitao, shusoua kralo! Dopfüa vonai hrohinou dakhaio. Neletaoye southa laiyu teile sü velaire, ae neletaoye sü zhaotu ali büa dathawulai.

JEREMIAH 48:20

‘Moab sü kaodu tare,’ tea puletao nou chila peilai, ‘Puhye donou dopfüa kra peio; puh sü hraongu ngaore. Arnon Reipe sasasü Moab ye soushiwure tea shapao peio!’

JEREMIAH 6:26

Mapao nou puhvei maitao hi paoe, “Soukou sah nou baonoulo ae vounai nalo. Alikhei baiyu nahpoutuye donou do-a krayu büa dongai pfülo, daiolouzü soushi peilaiyu nanou neletao pei hi thashoa velaire.

DOPFÜYU 1:12

Honapai nou takou takheyu mai hrülai hisü haibüa kra-a paoe, “Eye zhupei khaio! Mailia Enou souyu büa souyu mai ha-e, Mapao nou puhvei lekha rarou hinou Eye veahoyu pove peiyu büa maili hia soupei moe.

EZEKIEL 21:12

Thai-a bailaiyu mainare, kra-a dopfü loukhaio; khoche hai nasü avei maitaoye donoue, ae Israel mai vei süthai-apei maitao donoue. Puletaoye sü mai kukhe maitaoye koa nou southawulai. Levea nou khao sü khoukhaio!

EZEKIEL 30:2

“Thai-a bailaiyu mainare, Ramai Mapao nou haibüa paoa nou bure tea paopeio. Nenou chipao haitao hai shusoua shapaolai: Ngaopi shoyu teithe sü velaire!

JOEL 1:13

Oh napao maitaore, soukousah banoulo alia dopfülou khaio, kouli likhaio, rathoyu ki hinou vah soua bumaitao! Rathoki hi veloua nou kheimathe dopfüa bulouo! Daiolouzü poa sheela laiyu thoudzü khesü Ramai vei ki hi hazhi toure.

AMOS 8:10

Enou neletao vei khonü khesü pa dopfüyu alia neletao vei lou khesü panou kra-a kouli liyu hi soudathou peilai. Enou neletao hrülaiye sü panou pei seikhaiwua panou soukou nou banoulai, alia nahpoutuli thaiyu pfüpuo nou levea-a dopfülaiyu büa pa neletao-a dopfülai.

MIKAH 1:16

Judah hi maitaore, neletao nou leshi-a buyu nahmaitao donou dopfüa nou pei sailai-o. Neletao vei pei sü rashopeiki vei pei büa sai-o, daiolouzü neletao vei nahmaitao hai hukhamai soua vakou nüpoa ta-a bailai.

MAIPEI PHOUYU 25:4

ae Mapao nou Moses hi paoe. “Israel maiye süthaiyu mai hrülaiye sü saloua hea teivayu teile hinou southa khaitou-o, sükulouzü Enou maikhe mai hi lekhapu laimoe.”