JEREMIAH 4:7 - SHEEYU BAIBEL (BSI)

⁷ Khaosouveo alisü puh shibvü hinou tapare, maikhe maiye souhawure donou tapaloure. Puhnou Judah teidei sü souhawure donou laire. Judah vei nuhdu khesü soushi khaiwulai, ae nuhdu sütao hisü mai ali-a hrülai more.

JEREMIAH 4:7 Iomraidhean Croise

2 VEMAITO 24:1

Jehoiakim nou veo soua buyu teile hinou, Babilon hi veo Nebukhadnezzar nou Judah teidei hisü reih huloure, ae po asü koute Jehoiakim ye panou puhvei khakhe hinou hrüe; süthaisü Jehoiakim nou puhye khaitya pare.

2 VEMAITO 25:1

Zedekiah nou Babilon hi veo Nebukhadnezzar pei hi khaitya pare, südonou puhnou puhvei reihmai hrülaiye saloua Zedekiah nou veo soulouyu po akü navei khouh kirou kousü Jerusalem hi reih huloure. Puletao nou nuhdu vei kivo vakou hinou fühao soua buloure,

ISAIAH 1:7

Nevei nuh teidei khesü hazei toure, nevei nuhdu veishi sü mei nou dei hazeiwure. Ne nghoujü hinou nevei teidei sü shetumai nou poloure, alia soushi khaiwure.

ISAIAH 5:9

Khoukhoulai Mapao nou haibüa paoyu Enou choue, “Veisho-a nou soukhai touyu ki hai khesü mai bumo-a kirao soukhai bailai.

ISAIAH 6:11

Süthaisü Enou noue, “Haibüa teile kaso koute Enou soukou laige, Oh Mapao?” Puhnou haibüa chila peie, “Nuhdu khesü soushi souha laiwua panou sakhai-a bumo koute, ki khesü panou mai hrümo koute, alia teidei teitei sü soushi khaimo koute,

JEREMIAH 2:15

Puletao nou khaosouveo büa puletao pei hi shusou raloure; puletao nou puhvei teidei sü radeiki soupeiwure, ae puhvei nuhdu khesü soushiwure, sübüa panou mai lia hrümore.

JEREMIAH 22:6

Daiolouzü Mapao nou Judah vei vedei donou haibüa paoe, “Eye donou Judah vei vedei hai Gilead teidei ae Lebanon hi deichitao büa hüvei showe; ana Enou hai nasü mainou hümoyu buh ali soupeilai.

JEREMIAH 22:7

Enou hai nasü souhawure donou maiye seive peilai, ae puletao nou marei sü poloua sedar süü veitya nou soukhai touyu deka khesü viloua mei hi thou deiwulai.

JEREMIAH 25:38

Souveo ali nou puhvei shibvü sü thaowua tayu büa Mapao nou puhvei maitaoye sü thaowure. Soureih souyu vei ngaopiyu ae Mapao vei lekha sünou teidei sü radeiki hi souvithou peiwure.

JEREMIAH 25:9

Enou reikou nou buyu tyahrütao ae akilai Babilon hi veo Nebukhadnezzar ye seive peilai. Enou puletaoye save Judah ae sühinou hrüa buyu maitao alia kinapa soua buyu tyahrü veishi hi panou soureih soulai. Enou tyahrü haina ae kinapa soua buyu hrülaiye sü teisa donou soushi souhawulai, sübüa panou ngaoposhu pi shoyu ali soupeilai.

JEREMIAH 26:9

Ne daisounou Mapao zhih hinou Rathoki hai nasü Shiloh büa bailai ae nuhdu hai nasü soushiwua mai hrümoa bailai tea paowe?” Süthaisü mai hrülai nou Eye sühao loure.

JEREMIAH 27:8

“Ana tyahrü moa vedei taralinoua Babilon hi veo Nebukhadnezzar vei khakhe hi buba louzü, Enou tyahrü süna sü soureih, tokaa, ae sounou ashi sünou tudee peia panou Nebukhadnezzar nou souha khaimo koute souvea peilai.

JEREMIAH 33:10

Mapao nou haibüa paoe, “Maikhe mainou buh hai nasü radeiki büa mai liro moa hrikhaona ali-a hrümore tea paoyu sü cheche-e; Judah vei nuhdutao ae Jerusalem vei duva khesü sakhai-a mai lia tamoe ae hrikhaona liro hrümoe. Ana buh haitao hinou

JEREMIAH 34:22

Enou kharochi peiwua panou puletaoye nuhdu haihi dakhai velai. Puletao nou nuhdu hai hisü soureih hulou poloua meideiwulai. Enou Judah vei nuhdutao sü soushi laiwua panou mailia hrüpulai moe. Haisü Mapao Enou paowe.”

JEREMIAH 4:29

Rheipfü maitao ae voulou pomaitao pai choulou-a mai hrülai nou tutakhai toulai. Kamai-a vaohro hi tuholai, mai kamai nou deichiva taopalai. Nuhdu teitei sü mai hrümoa thaowulai, ae mai linoua sütao hisü hrüpu laimoe.

JEREMIAH 44:2

Khoukhoulai Mapao, Israel maivei Ramai nou paoe, “Enou Jerusalem alia Judah vei nuhdu kukhetao soushi khaitouyu teitei sü neletao ngaore. Chukoute-a sütao sü shi-a nou buhie, ae mai linoua sütao hisü hrümo hie.

JEREMIAH 46:18

Khoukhoulai Mapao Enou Veo nasüe. E hai hriyu Ramai-e. Deichitao hi Tabor Deichi nou kukayu büa ae zai pei hinou Karmel Deichi nou kua buyu büa neye dure maina vei khouko hai sükulai.

JEREMIAH 49:19

Chipeikhaoduo nou Jordan vaohro hinou tapa heiphao hinou poutoua buyu zhaotu aliye nütou louyu büa Enou Edom maiye sü tave puletao vei teidei hinou hulaikhai touwulai. Süthaisü Enou dopa louyu süthai-apeio nanou tyahrü nasü khasa-a hrülai. Thaonou Eye paonada laige? Thaonou Eye chare bue? Süthai-apei mai kananou Eye dulaige?

JEREMIAH 5:6

Südonou puletaoye sü vaohro hi buyu khaosouveo nou southawulai; radeiki hi buyu lakhaotao nou puletaoye daodesasa peiwulai, ae shirakhao nou tapa puletao vei nuhtao hisü rasühaolai. Sübüa nuh hinou tapayu mai taralia sousasa khailai, daiolouzü puletao nou mah souyu hai poulere, ae puletao nou vu taoli hai Ramai hinou turei tare.

JEREMIAH 50:17

Mapao nou paoe, “Israel maitao hai souveo nou hupho rarou khaitouyu zhaotu büre. Arai railai soua nou puletaoye sü Assaria hi veo nou reih soue, ae süthaisü Babilon hi Veo Nebukhadnezzar nou puletao vei rao sü tukho touloue.

JEREMIAH 50:44

“Souveo ali nou Jordan vaohro hinou tapa zhaotutao ye hutayu büa Mapao Enou Babilon maiye sü puletao vei nuhdutao hinou hutawulai. Süthaisü Enou dolouyu mai nanou tyahrü sünasü khasa-a hrülai. Thaonou Eye paona dalai? Thaonou Eye dulaige? Thaonou anghoujü hinou lalou süe?

JEREMIAH 8:16

Dan nuhdu hisü ngaoba maitao nou ve buloure; puletao vei rhei nou rayu pai sü Etao nou choue. Puletao vei rhei nou rayu kho sü choulou-a teidei veishi nou pi-ngu loure. Etao ngaobayu maitao nou Etao vei teidei ae sühi buyu na veishi alia mai hrülaiye souhawure donou veloure.”

JEREMIAH 9:11

Mapao nou paoe, “Enou Jerusalem sü tangina khaiyu buh ali soupeilai, ae lakhaotao panou bure buh soupeilai; Judah vei nuhdu khesü radeiki hi soudathou peiwulai, mai panou hrüloushi buh ali soupeilai.”

EZEKIEL 12:20

Chu mai alao soumoa hrüa buyu nuhdu khesü souhawulai, ae puletao vei teidei panou mai hrümoa heihro vaohro souwulai. Süthaisü puletao nou E hai Mapao-e touyu sü süloulai.”

EZEKIEL 21:31

Mei taotutuyu büa avei lekha rarou nasü neletao hi velai ae zhaipou shishoyu mei, soukanghi süshoyu mai bah hi neletaoye sü Enou thaothou peilai.

EZEKIEL 32:2

“Thai bailaiyu pu, Ejipt hi Pharaoh veoye donou dopfüa kouliliyu ali soupeio ae puh hi avei chipao haina hai paopeio: Ne lah ne hai tyahrütao hinou chipeikhaodu nasüe tea tsüchowe, ana ne hai dzü hinou buyu keipaodu nasü baie. Ne phi nou rei dzü taikü peiwe ae reitao hai soushipeiwe.

DANIEL 5:19

Sübüa puhye soudusho peiyu donou mai hrülai, tyahrü teitei, alia la tyakukua paiyu mai veishi nou puhye sü ngaopie. Puhnou mai taralia southa nüyu maiye sü southa baiwe, alia panou hria bunüyu maiye sü souhri peilou baiwe.

DANIEL 7:4

Araina hai souveo raiwe, ana lühche shouh pfüwe. Süthaisü Enou zhua buyu hinou puhvei shouh sü paide laiwure, alia puhye sü polashu mai ali büa panou phi ahai nou laloure; ae puh hisü maivei tsüle thoupeiwure.

LEVIMAI LARÜBVÜ 26:31

neletao vei nuhdu khesü soukanghi khaiwulai, neletao nou rathoyu buh khesü soushiwulai, ae neletao nou posheela peiyu khesü Enou popeilai moe.

LEVIMAI LARÜBVÜ 26:33

Enou neletao hisü soureih pove peilai ae neletaoye vakou maivei teidei hisü soupho rarou khaiwulai. Neletao vei teidei hisü panou mai hrülai moe, ae neletao vei nuhdu khesü soushi khaiwulai.