JEREMIAH 4:6 - SHEEYU BAIBEL (BSI)

⁶ Zion vei ludu hi bah tengaokhaio! Chaokhai timoa tutarao! Daiolouzü Mapao nou reilo vanou veahoyu ae souha soukayu nasü polaire.

JEREMIAH 4:6 Iomraidhean Croise

ISAIAH 62:10

Jerusalem hi maitaore, nuhdu hinou vakou tapalo, maikhe maiye panou dakhai vere donou ludu sü soukhaio! Ludu adu sü soulou khaio, ludu hi buyu chuh khesü soushee-o, mai khemaiye panou süloure donou ludu hi shee ali soukhai peio.

JEREMIAH 10:22

Keikhaio! Haibüyu ko sü velaire! Reikou teidei hinou pai büshoyu velai; süna vei reihmaitao nou Judah nuhdu khesü soushiwulai ae panou lakhao hrüyu buh souta bailai.”

JEREMIAH 18:11

Südonou chuo, Judah hi maitao ae Jerusalem hi hrüyu maitao Enou tudeere donou souda bure tea paopeio. Puletao nou mah souyu sü bailo — hrü ashi hrüa buyu alia kaozü moa soupfü buyu hinou ledalo tea paopeio.

JEREMIAH 21:7

Ana neletao, neletao vei peikho maitao alia soureih hinou, tokaayu hinou ae rahta rahvu hinou thai moa hrilouyu maitaoye sü panou Babilon hi Veo Nebukhadnezzar alia neletaoye ngaobayu maitao, neletaoye southalai tea phou-a buyu maitao bah hi thoupeiwulai. Puhnou neletaoye khoche nou daothalai, puhnou neletaoye zhuvea peilai moe, ae leshi peilai moe, moa puletao nou neletao maili-a shokhai peilai moe. Haisü Mapao Enou paowe.’ ”

JEREMIAH 22:7

Enou hai nasü souhawure donou maiye seive peilai, ae puletao nou marei sü poloua sedar süü veitya nou soukhai touyu deka khesü viloua mei hi thou deiwulai.

JEREMIAH 25:9

Enou reikou nou buyu tyahrütao ae akilai Babilon hi veo Nebukhadnezzar ye seive peilai. Enou puletaoye save Judah ae sühinou hrüa buyu maitao alia kinapa soua buyu tyahrü veishi hi panou soureih soulai. Enou tyahrü haina ae kinapa soua buyu hrülaiye sü teisa donou soushi souhawulai, sübüa panou ngaoposhu pi shoyu ali soupeilai.

JEREMIAH 4:21

Teile kasho koute Enou reih vei pai ae reih vei shabekho choua bulaige?

JEREMIAH 50:2

“Tyahrütao hi ko hai nasü shapao peio! Shee nasü peio ae ko nasü paosü peio! Hai nasü kheikhei soua poku khaiso! Babilon sü kaodu tare! Honapai vei Marduk rah sü pepo tare! Honapai vei bashara khesü hraongu ngaore, honapai vei ngaorayu zhurai khesü deiphe sasawure!

JEREMIAH 50:22

Teidei hisü soureih souyu paikho choure, ae soushi showure.

JEREMIAH 51:12

Babilon vei kivo dakhore donou shee soungao peio. Reihkhao maitao khaipulo! Reihmaitao panou da-a kholo!” Mapao nou Babilon maitao hi soulai tea paokhai touyu khesü soupeiwure.

JEREMIAH 51:27

“Soureih soure vei shee soungao peio! Tyahrütao ye panou choure donou shabe nghoupeio! Babilon hi soureih huloure donou tyahrütao ye panou soudalo! Puletao pei hi soureih soure donou Ararat, Minni ae Ashkenaz vedeitao hi paopeio. Rhei khesü khazü me dushoyu ali büa pove jülo.

JEREMIAH 51:54

Mapao nou paoe, “Babilon maitao nou krayu pai sü keikhaio, puletao vei teidei soushi khaiyu donou dopfüa buyu pai sü keikhaio.

JEREMIAH 6:1

Benjamin maitaore, khailupa loure donou Jerusalem hinou tupa lourawo! Tekoa hinou shabe sü houpei khaio ae Beth Hakherem hinou shi loure meifü sü soupa peikhaio. Daiolouzü reikou nou souka soushi peire nasü laire.

JEREMIAH 6:22

Mapao nou paoe, “Reikou teidei hinou hrüyu mai khesü velaire; kadou kounou tyahrü dushoyu ali nou soureih soure donou souda-a bure.

EZEKIEL 9:1

Süthaisü Ramai nou haibüa shusoua raoyu sü Enou choue, “Nuhdu naye tudee-a soushire maitaore, haihi takoulo. Reih basei khesü polo.”

EZEKIEL 9:2

Süteilebü hinou mai arou hai rathoki vei reilova buyu rokhubomü hinou tapare, ae puletao mai hrülai nou reih basei hai powe. Puletao mai ali hai züzüyu sabanü nou banaowe, ae puh hai rülou veiyu nali poa bue. Puletao mai hrülai nou baosahu nou soukhai touyu posheelabu nghoujü hinou kou la loure.

ZEPHANIAH 1:10

Süzhou teithe, Mapao nou paoe, “Khah rokhubomü hinou neletao nou krayu pai choulai, nuhdu hinou buyu ki ahai chena hinou dopfüa krayu pai choulai alia deichi hinou shusou-a rayu pai choulai.

ZEKHARIAH 6:6

Rhei tei nanou pfüyu rheiluki nahai teidei reilova tawe, rhei kaayu nanou pfüyu nahai teinghi loulova teideitao hi tawe, alia rhei maomüyu nanou pfüyu rheiluki nahai khelova buyu teidei hi tawe.