JEREMIAH 4:4 - SHEEYU BAIBEL (BSI)

⁴ Neletao vei Mapao Eye koa vo soukhai touyu pfüthoso, ae neletao hai Eye donou soushee loua peithoulo, Oh Judah ae Jerusalem hi maitaore. Neletao nou sükulou more toulouzü, avei lekha rarou nasü mei büa tao-a bailai, ae mailinoua soungheilou laimoe, daiolouzü neletao nou vah ashi souyu donou.”

JEREMIAH 4:4 Iomraidhean Croise

2 PUOPAOKO 34:25

Daiolouzü puletao nou Eye thaowua ramai kukhe hi poukai nüvei meidei-a posheela peire, ae puletao nou soukhai touyu vahtao sünou avei lekha soupa peiwure, ae avei lekha nasü buh hai hi lakou peilai, ae süsü panou akhai bulai moe.

ISAIAH 10:17

Ramai, Israel maivei ava nasü mei ali datawulai, ae Israel maivei Amasheeo Ramai sü meikei ali vitawulai, sübüa süna sünou süü, shube ae na teitei sü teithe ali hinou deihawulai.

ISAIAH 30:33

Asaria maivei vedei pothou mei deire donou buh ali daoh raichoki nou souda khaitoure. Buh sünasü thou-a thoushoe ae du-a dushoa soukhaitoue, alia meideire süü hai-a alao soudawure. Mapao nou ssü haiyu meikei nou kou sünasü taoloulai.

ISAIAH 51:17

Oh Jerusalem, kaishulo! Neletao lah kaishulo ae kushulo! Mapao vei lekha rarou hinou tudeeyu chapai nasü neletao nou keloure; neletao nou sünasü keloua chaorara poa lua bure.

JEREMIAH 15:14

Avei lekha rarou hai mei büa teisa tao-a buyu donou, Enou neletaoye neletao nou sümoyu ngaoba maitao teidei hinou puletao vei kuvah panou soulai.”

JEREMIAH 21:5

Enou neletao pei hi avei pfüchi, avei lekha ae rarou nou poa reih soulai.

JEREMIAH 23:19

Puhvei rarou lekha sü teikhai teirü ashi büa ashi souyu maitao pei hi vere donou tapare,

JEREMIAH 36:7

Puletao nou Mapao hi veachi paoloua puletao nou vah ashi souyu khesü thaolou vei-e, daiolouzü Mapao nou puletao hi puhvei lekha rarou hai ngaopi sho-a paopei khaitoue.”

JEREMIAH 44:22

Neletao nou vah ashi ae ngaorayu vah souyu khesü Mapao nou healou hore, südonou zhou teithe hai neletao vei teidei sü soushi khaiwua panou mai liro hrümore, para tare, ae chaa ngaoyu teidei ali soutare.

JEREMIAH 9:25

Mapao nou paoe, “Zhukhaio, Enou hee rodeyu mai-a hee rodemoyu maiye koa tudee laiyu teile sü velaire — süolouzü Ejipt mai, Judah hi mai, Edom mai, Ammon nahpoututao, Moab maitao, alia radeiki hinou peishu bijüpfüa hrüyu mai hrülaiye souvea peilai; daiolouzü mai haitao nou hee rodewure, ana vo soukhai touyu nasü tsükhou peimoe. Mai haitao alia Israel maitao nou Eye koa vo soukhai touyu nasü pfüthowure.”

DOPFÜYU 4:11

Mapao nou puhvei lekha rarou veishi hai phapeiwure; Puhnou Zion sü mei shaopeiwure, sünanou beikhei teitei sü meideire.

EZEKIEL 16:38

Nenou khulou souyu donou ae maiye southayu donou ne pei hisü Enou chikulai, ae avei lekha rarou sünou neye sü athai vei tudee nasü peilai.

EZEKIEL 18:31

Neletao nou vah ashi soua buyu teitei thaokhaiwu-o, ae neletao tsüle ashu nasü polo. Israel maitaore, neletao daisounou thai nüwe?

EZEKIEL 20:33

“Cheche vuzünou Ramai Mapao E hai hriyu Ramai thaifüa neletaoye avei lekha rarou ae khoushoyu avei bah alia avei khouko sünou khasa-a hrülai.

EZEKIEL 21:17

E-a abah sü tyaolai ae avei lekha rarou nasü che-a bailai. Mapao Enou haisü paowe.”

EZEKIEL 24:13

Oh Jerusalem, nenou hrü ashi hrüa soupfükhai touyu sünou lah neye sü souzhai loure. Enou neye soushee peire donou te-a buyuma ne sü sheelu more. Avei lekha sünou neletao hi vemoyu thaio neletao hai sheelou hore.

EZEKIEL 24:8

Enou zhe sü panou sühi bua baie, sübüa panou halinoua poku pei moa lekha rarou hinou thasho-a panou khüngu phouloure donou sühi khaipei khaitoue.”

EZEKIEL 44:7

Puletao nou avei Rathoki sü heebi moyu vakou maitao, achi zümoyu maitaoye panou souzhai khaiwure, ae Eye posheela khaitouyu southa ae souzhe hisü puletaoye panou taloure. Avei maitao nou ngaorayu vah haso teitei sü soua nou avei vo soukhai touyu nasü pfüthowure.

EZEKIEL 6:12

Kadou kounou buyu maitao hai sounou soua nou thailai; nghia buyu maitao hai soureih hinou southawulai, shokhai toua buyu maitao hai houzüa thai bailai. Puletao hi avei lekha rarou veyu nasü puletao nou süloulai.

EZEKIEL 8:18

Avei lekha rarou nasü puletao mai hrülai hisü velai. Puletao mai ali koute-a Enou phapeilai moe, ae puletao hi zhuvea leshiyu hai ali-a ngaopeilai moe. Puletao nou pai chilou süyu koute pai chi-a nou shurasoua ahi veachi sü paolai, ana Enou puletao vei veachi sü kei peilai moe.”

LEVIMAI LARÜBVÜ 26:28

avei lekha rarou hinou neletaoye raichoki veahoyu jünou bakha anai hai souveapu peilai.

LEVIMAI LARÜBVÜ 26:41

ae süvanou Enou puletao pei hi rarouloua puletaoye sü ngaobayu maitao vei teidei hi seiho khaiwure. Akhai hikou haibüa neletao vei nahmai tyaomaitao nou leda louzü ae puletao vei mah donou veahoyu hai ngaoloure toulouzü,

AMOS 5:6

Mapao ye phoulo alia hrilo, sütou molouzü Israel maiye sü mei nou taohayu büa touhawu bailai, alia Bethel sü deiwu bailai, panou mai linou-a mei sünasü souhei louhoa bailai.

ZEPHANIAH 2:2

neletaoye thouba chelaiyu büa hulaimo jünou, Mapao vei lekha-rarou sü neletao hi vemo jünou, Mapao vei rapayu teithe vemo jünou tavelo.

ROMMAI 2:25

Nenou Razhai sü züa bulouzü, nevei hee rodeyu sü muh bue; ana nenou Razhai nasü zümo louzü, nevei hee rodeyu nasü hee rode khaimoyu bübailai.

PAODAKHAIYU CHIKHA 10:16

Südonou, neletao vei lethou heerode-o alia noubei khoupu khaiso.

PAODAKHAIYU CHIKHA 30:6

Nevei tsüle veishi alia ne rako teitei nou neletao Ramai Mapao ye leshi loure donou alia neletao teidei sühinou hria buloure donou, puhnou nevei lüthou ae neletao nahmai lüthou sü heerodepu peia soushee peilai

PAODAKHAIYU CHIKHA 32:22

Avei lekha sü mei büa panou taolai, ae sünasü panou rabedushao koute taokoulai, Deiphao hi buyu na veishi sü deihawulai, ae deichitao vei beikhei teitei-a panou deilai.

KOLOSSEMAI 2:11

Khristaye koa ali soulouyu hinou neletaoye hee rode peiwure, süsü emai bahnou hee rodeyuna moe, ana mah pfüphao hainavei khouko hinou do soupeiwuyu Khrista nou hee rode peiyu sünasüe.