JEREMIAH 4:2 - SHEEYU BAIBEL (BSI)

² neletao nou azhih sü poloua chaachou soua bailai. Süthaisü deiphao mai hrülai nou puletaoye hapeio tea ahi nou kholai, ae puletao nou Eye paosholai.”

JEREMIAH 4:2 Iomraidhean Croise

SHURAI 22:18

Nevei tyaosholea hi Enou shiha peiyu büa deiphao hi buyu tyahrü hrülai nou avei shiha kholai, daiolouzü nenou avei kharochi züyu vanou.”

1 VEMAITO 3:6

Solomon nou chila peie, “Nevei dushoyu zhuvea leshi hai ne kilai apuo David hi ngaopeie, ae puh-a chilee chechea hrüe ae tsüle sheesha tea neye koa hrüe. Chu-a nevei dushoyu lesha nasü puh hi peipua puhye nahpoutu peia zhou teithe panou puh thaosou pa vebuh buloue.

LOUTAO 72:17

Veo vei zhih sü panou teisa ngaikhai peiso, puhvei kathe sü teinghi loumo koute panou bulo. Ramai nou veo hi hapei khaitouyu büa tyahrü veishia sübüa shiha peio tea panou Ramai hinou kholo.

LOUTAO 99:4

Khouko buyu veo, acheche nasü nenou leshi-e; nenou Israel mai hi kaozü nasü soushu peie; nenou acheche ae kaozü nasü pove peie.

ISAIAH 45:23

Enou lah chaachou souwure, amü hinou acheche nasü paopawure. Achipao khesü hasou kilia datalai moe; Mai hrülai nou aphi hinou nakou khurülai, la hrülai nou ahinou chaachou soulai.”

ISAIAH 45:25

Mapao vei zhih hinou Israel maivei tyaosholea hrülai sü veilouyu ae kathe sü ngaoloulai.

ISAIAH 65:16

Süthaisü teidei sühi maitaralia shiha khoyu maisü checheyu Ramai nou shiha peilai, ae maitaralia chaachou souyu maisü checheyu Ramai vei zhih nou poa chaachou soulai, daiolouzü raichoki veahoyu khesü lata-a bailai alia ngaia bailai.”

JEREMIAH 10:10

Ana Mapao louzü checheyu Ramaie; Puh sü hriyu Ramaie ae teisa vei veo nasüe. Nenou lekha payu phaki deiphao hai nüsü vewe; ae nenou rarouyu kisü deiphao mainou lalou hoe.

JEREMIAH 12:15

Ana Enou puletaoye polaiyu thaisü, Enou puletaoye zhuvea leshi peilai; Enou tyahrü ali linou lahkuku vei teidei hi save peilai.

JEREMIAH 12:16

Hakinou puletao mai hrülai nou avei maitao nou hrüa tayu ludu nasü phoua ta louzü, ae Baal zhih hinou chaachou soulo tea doupeia buyuma azhih hinou haibüa ‘Mapao sü hriyu thaifüa,’ tea chaachou soulouzü— puletaoye sü Avei mai hrohinou soudu sousopa peilai.

JEREMIAH 16:19

Mapaowo, Eye vupa peiyu ae khouko peiyu sü ne baie; nenou Eye veahoyu teile hi soukha peie. Teidei akhai hinou buyu tyahrütao nou ne hi tave haibüa paolai, “Eh puopao mainou cheche moyu rahtao ae komoyu basharatao sü tho baie.

JEREMIAH 3:17

Sükuyu teile nasü veyu phaki, Jerusalem hai ‘Mapao vei Vebuh’ tea kulai, ae tyahrü hrülai nou tave sühinou Eye tholai. Puletao nou rochi-a puletao vei tsüle ashi nasü thaifüa vah ashi sü soutapulai moe.

JEREMIAH 33:9

Süthaisü Jerusalem hai Eye donou savayu, tsükhouyu ae khaophu souyu buh ali souwulai; alia Jerusalem hi buyu maitaoye donou Enou haveili soupeia ae savayu pove peia bushe touyu ko khesü deiphao hi tyahrü veishi nou chouloua ngaopi shopoa ngulai.”

JEREMIAH 5:2

Neletao nou Mapao ye thowe tea mü louzü khawe, ana checheyu hrüh hinou hrümoe.

JEREMIAH 7:5

“Neletao vei hrü dalo ae neletao nou soupfüyu vah khesü bailo. Ali nou ali hi cheche vah soulo.

JEREMIAH 9:24

Ana mai talinoua khaophu soulai toulouzü Eye süyu hinou panou khaophu soulo, daiolouzü Avei leshi hai tobai soumoa bukoute peilai, ae Enou acheche ae kaozü vah sü soupeilai. Enou jüpayu vah sü haitaore. Haisü Mapao Enou paowe.”

HOSEA 2:19

Enou neye teisa nou akhapfü soure donou poloulai; Enou neye acheche alia souzü hinou, tobai soumoa leshiyu alia zhuvea hinou akhapfü soure donou poloulai.

JOEL 2:12

Mapao nou paoe, “Ana chukoute-a, ne lü teitei nou pei-a, lüh loua nou, alia kra-a dopfü lounou ahi dakhai velo;

ZEKHARIAH 8:8

Enou puletaoye sü Jerusalem hi save hrülai. Puletao hai amai soulai alia Enou puletao vei Ramai soulai, kaozü alia acheche hinou puletaoye sa-a hrülai.

MALAKAI 1:11

Daiolouzü teinghi palaonou loulao koute azhih hai tyahrü teitei hi dushoe, alia buh teitei hinou theadzü kaiveih nou poa azhih hinou sheela peiwe, alia sheeshayu nanou Eye poa sheela peiwe; daiolouzü azhih hai tyahrü hrülai hi dushoa bue, tea Khoukhoulai Mapao nou paoe.

1 KORINTHMAI 1:31

Südonou sheeyu larübvü nou paoyu kua, “Kathe souyu puhnou Mapaowo hinou kathe souloukhaio.”

2 KORINTHMAI 10:17

Ana sheeyu larübvü nou paoyu büa, “Maitalinou khaophu sounü louzü, puhye panou Mapaowo nou soucheyu süna vanou panou khaophu souloukhaio.”

GALATIAMAI 3:8

Alia lü vanou tahrüh kukhemai taoye sü Ramai nou souzü peilai touyu sü sheeyu larübvü nou raia paopa peire, alia Ko Avei nasü raia Abraham hi haibüa süngaopeie: “Ne vanou tahrüh hrülaiye hapeilai.”

PAODAKHAIYU CHIKHA 10:20

Neletao Ramai Mapao ye pi-a puh vah soulo. Puh hinou nghitei-a bulo alia puh zhih hinou neletao chaachou soua bailai.

PAODAKHAIYU CHIKHA 4:30

Neletao hi veahoyu tyatyali vedaoyu teithe ki neletao nou Ramai Mapao hi dakhai velai alia puh chi sü zülai.

PAODAKHAIYU CHIKHA 6:13

Neletao Ramai Mapao ye sü tsükhoulo, puhye likhei tho bailai, alia puh zhih likhei nou ku-a chaachou soua bailai.

PHILIPPIMAI 3:3

Acheche hee vadeyu ngaolouyu taosü Eletao baie, puletao moe; daiolouzü Eletaowo Ramaiye puhvei rako vanou puhye thowe ea Khrista Jisu ye koa ali soulouyu hinou sasa-a bue. Eletaowo vakou naanou taliye lü-a hrümoe.

RUTH 3:13

Südonou zhoukhei haihi bulouo, alia dosho shonanou, puhnou kityarai mai lihie souzü vah sü ne hi soupeilai toulouzü veire, panou puhye sü souwo; ana puhnou kityarai lihie souzü vah sü soulou hore toulouzü, süthainou, Mapao hai hriyu thaifüa, Enou souzü vah nasü neye donou soupeilai. Teithemo koute haihi nou züo.”

1 SAMUEL 20:3

Ana David nou Jonathan hi chila peie, “Ne puo nou süwe, süolouzü ne hai Eye leshi showe, südonou puhnou tsüchoda khaitouyu nasü neye panou sümore donou lelawure, daiolouzü nenou süloure toulouzü ne le vea-a bailai, Hriyu Mapao zhih hinou ne hi chaachou soua paowe, süolouzü E hai thaire hinou phika ali baire.”