JEREMIAH 4:1 - SHEEYU BAIBEL (BSI)

¹ Mapao nou paoe, “Israel maitaore, neletao nou jüpa louzü ahi dakhai velou. Enou ngaorayu basharataoye neletao nou thaowu-a achi zü louzü,

JEREMIAH 4:1 Iomraidhean Croise

SHURAI 35:2

Südonou Jakob nou puh kikhamai alia puhye koa bumai hrülai hisü paoe, “Neletao hi buyu vakou maivei bashara teitei polaiwo alia lah neye sousheelo ae sheeyu sabanü banoulo.

2 VEMAITO 23:13

Veo Solomon nou Jerusalem teinghei palova ae Oliv Deichi khelova nou soukhai touyu posheelabu— Sidon maivei rahpfüpai Astarte, ae Moab maivei rah Molek vei bashratao hai Josiah nou soushi laiwure.

2 VEMAITO 23:24

Napao peichana Hilkiah nou rathoki hinou ngaolouyu larübvü hi rüthou peikhai touyu thaifüa chikhatao hai taloure donou, veo Josiah nou Jerusalem ae Judah teidei hinou buyu teingumai ae vepare paoyu mai hrülai hai hulaiwure, ae ki hi buyu rahtao, basharatao, alia rah kukheye thoyu na veishi hai polai khaiwure.

2 PUOPAOKO 15:8

Asa nou Obed nahpoutu Azariah nou paoyu chipao sü chou louyu phaki, puh sü khuveih pare. Puhnou Judah ae Benjamin maivei teidei hi buyu bashara teitei, ae puhnou deichi vanou buyu Ephraim maivei teidei polouyu hinou buyu bashara teitei sü souha khaire. Puhnou Rathoki nghoujü nou buyu Mapao vei posheelabu nahai-a souveipu peie.

2 PUOPAOKO 33:8

Israel maitao nou avei kharochi ae avei kilai Moses nou peikhai touyu chikha khesü züa hrülouzü, Enou puletao puopaoh hi peikhai touyu teidei hinou puletaoye sü hulai laimoe.”

2 PUOPAOKO 34:33

Veo Josiah nou Israel maivei teidei hinou ngaora-a buyu bashara teitei sü souhawure, ae puhnou hria buki sasü Israel maiye panou puletao vei puopaoh Ramai Mapao chi züa puhvei kuvah sü panou souloue.

ISAIAH 31:6

Mapao nou paoe, “Oh Israel maitaore, neletao hai Eye khaitya-a mahmo sü souwure. Ana chuo ahi dakhai velo!

JEREMIAH 15:19

Mapao nou haibüa ahi chila peie, “Nenou ahi dakhaive louzü, Enou neye podakhai loulai, ae neye panou avei kilai soupu peilai. Nenou chaochao soua chi paomoa muh teiyu chipao paolouzü, neye panou avei rachipaolayu nasü soupu peilai. Maikhe mainou ne hi dakhai velai, ae nenou puletao hi velai moe.

JEREMIAH 15:4

Veo Hezekiah nahpoutu Manasseh nou Judah hi veo soua buyu teile hi Jerusalem hinou soukhai touyu vahtao donou Enou puletaoye deiphao mai hrülaiye panou puletaoye ngaoloua ngaopi shoyu soupeilai.”

JEREMIAH 18:11

Südonou chuo, Judah hi maitao ae Jerusalem hi hrüyu maitao Enou tudeere donou souda bure tea paopeio. Puletao nou mah souyu sü bailo — hrü ashi hrüa buyu alia kaozü moa soupfü buyu hinou ledalo tea paopeio.

JEREMIAH 24:9

Enou puletao hi veahoyu sü seive peia panou deiphao mai hrülaiye ngaopi shoyu soupeilai. Maikhe mainou puletaoye ngaophou moa konü peilai, ae Enou puletaoye soupho laiyu buh veishi hisü panou puletao vei zhih sü chaa soua poa talai.

JEREMIAH 25:5

Puletao nou neletao hisü neletao vei hrü ashi ae mahmo souyu hinou ledalo, sükulouzü Mapao nou neletao vei poupao hi peikhai touyu teidei hinou pa neletaoye teisa nou hrülai tea paopeie.

JEREMIAH 3:1

Mapao nou paoe, “Cha ali nou puh chapfüye hulaiwua honapai nou puhye thaowua chaa kukhe mai ali ki vetayu thai, puhnou honapaiye sü napu loushi-e. Sükuyu thaio teidei sünasü souzhaiwure. Ana Isreal mai louzü jüpayu mai alao bue, ae chuo puletao nou ahi dakhai veyu jüpare!

JEREMIAH 3:12

Puhnou Israel hisü taho haibüa paopeio tea ahi paoe, “Chilee cheche moyu Israel, ahi dakhai velo. Enou ne pei hi raroupu khailai more, dailouzü E hai maiye zhuvea süyu Mapao-e, Enou neye teisa nou rarou-a bulai moe.

JEREMIAH 3:14

“Oh louchelou hoyu maitaore, dakhai velo; daiolouzü neletao hai avei baie. Enou neletaoye saloulai, nuhdu ali hinou mai ali, ae khü ali hinou mai ahai, saloua Zion Deichi hisü save peilai.

JEREMIAH 3:22

Mapao hinou tala tayu mai hrülai, dakhai velo; puhnou neletaoye souvei peilai ae soucheche peilai. Neletao nou paoe, “Ovai, Etao nou Mapao hisü dakhai vewe, daiolouzü puh sü Etao vei Ramai-e.

JEREMIAH 35:15

Enou avei kilai rachipaolayu maitaoye neletao hi seive koute peie, ae puletao nou neletao hi vah ashi souyu khesü thaowua kaozü nasü soulo tea paopeie. Enou neletao vei puopaoh maitao hi peikhai touyu teidei hi teisa buloure donou puletao nou neletao hi rah kukheye thoso ae puletao vei kuvah souso tea paopi peie. Ana neletao nou achi sü keipei bare ae popei bare.

JEREMIAH 36:3

Enou Judah maitao hi veahoyu sü pove peilai tea paopei khaitouyu khesü puletao nou choulouyu phaki, puletao nou vah ashi souyu sü thaolou vei-e, sükulouzü Enou puletao vei mahmo khesü khaipeia bailai.”

JEREMIAH 4:4

Neletao vei Mapao Eye koa vo soukhai touyu pfüthoso, ae neletao hai Eye donou soushee loua peithoulo, Oh Judah ae Jerusalem hi maitaore. Neletao nou sükulou more toulouzü, avei lekha rarou nasü mei büa tao-a bailai, ae mailinoua soungheilou laimoe, daiolouzü neletao nou vah ashi souyu donou.”

JEREMIAH 7:3

Israel maivei Ramai Mapao nou haibüa paoe, ‘Neletao vei hrü ae vah shovei taosü soudalo, süku loure toulouzü Enou neletaoye buh hai hinou panou hrülai.’

JEREMIAH 7:5

“Neletao vei hrü dalo ae neletao nou soupfüyu vah khesü bailo. Ali nou ali hi cheche vah soulo.

JEREMIAH 7:7

Neletao nou hrü daloure toulouzü, neletao vei puopao maitao hi teisa vei souloure donou peikhai touyu teidei hisü Enou neletaoye panou hrülai.

EZEKIEL 11:18

Puletao nou teidei hi dakhai velouyu phaki, shishoyu ae ngaorayu bashara khesü puletao nou polaiwulai.

EZEKIEL 18:13

maiye poupao peiyu hinou pousha vea soutou louzü, puh sü hrilou süvu? Moe, puh sü thai-a bailai. Daiolouzü puhnou ngaorayu vah veishi hai soupfüre. Südonou puh sü thai bailai. Puh sü lah vei mah donou thai-a baie.

EZEKIEL 43:9

Chuo puletao nou basharatao hai thoyu bailouzü ae puletao vei vemaitao thaiphaotao hai polai louzü Enou puletaoye koa teisa nou hrüzho-a bailai.”

HOSEA 14:1

Oh Israel maitaore, neletao Ramai Mapao hi dakhai velouo, daiolouzü neletao nou mah souyu vanou neletao phi süloua baie.

HOSEA 2:2

Anah maitaore, ne pfü hi paopeio, puh hai Achapfü more, alia E-a puh cha more teanou, ne pfüye nou khakhayu alia chilee moyu vah sü soupu sou baio tea paopeio.

HOSEA 7:16

Puletao nou khouko hayu Baal rahye thotare; puletao hai chuo louche loushiyu voulou büa baire, puletao vei peikho maitao hai khoche vanou kaolai, daiolouzü puletao nou chidu-ladu paoa laibaire, haka tayu phaki puletao hai Ejipt mai dzünü souwulai.”

JOEL 2:12

Mapao nou paoe, “Ana chukoute-a, ne lü teitei nou pei-a, lüh loua nou, alia kra-a dopfü lounou ahi dakhai velo;

ZEKHARIAH 1:4

“Neletaowo neletao puopao maiye raiso. Puletao hi rachi paola peiyu mainou haibüa paopeie: Hrü ashi ae mah hinou hrüpu khaiso. Ana puletao hai süsü choubare, tea Mapao nou paoe.

PAODAKHAIYU CHIKHA 27:15

“Mapao nou ngaorayu na - zhurai daomai alia bashara soumai, rah zhu daoyu bah alia sühai kheikhei souyu buh hi pothou khaiyu mai hai chaa ngaolai.” “Süthai mai hrülai nou ‘Amen’ tea paolai.

PAODAKHAIYU CHIKHA 4:30

Neletao hi veahoyu tyatyali vedaoyu teithe ki neletao nou Ramai Mapao hi dakhai velai alia puh chi sü zülai.

JOSHUA 24:14

“Südonou chuo neletaoa Mapao ye ngaopilo, alia puh vah sü chilee chechea soulo; nele puopao taonou rei holova buki alia Ejipt hi bubuki thoyu rah nasü thaowo, sükua nou Mapao vei vah sü soua baio.

CHIKUAPEI MAITAO 10:16

Südonou puletao nou puletao hrohinou buyu rah khesü thaowure ae Mapao ye thotare; Israel mainou veayu sü ngaoloua Ramai-a zhuvea shore.

1 SAMUEL 7:3

Samuel nou Israel maitao hisü paoe, “Neletao vei tsüle teitei nou peia Mapao hi dakhai veloua vakou maivei rahtao, ae Ashtaroth vei basharatao sü thaokhai louzü, alia neletao vei hrü hai Mapao hi peithou khaiwua puhye likhei tho bailouzü, puhnou neletaoye Philistin mai bah hinou vupa peilai.”