JEREMIAH 32:3 - SHEEYU BAIBEL (BSI)

³ Mapao nou haibüa paowe tea Enou paoyu donou Veo Zedekiah nou Eye hukhaki hi thouwure, “Nuhdu hai nasü Enou Babilon hi veo bah hi peiwulai, ae puhnou nuhdu hai nasü poloulai,

JEREMIAH 32:3 Iomraidhean Croise

2 PUOPAOKO 28:22

Ahaz nou veahoyu daopu khaie, Mapao vei jüphi ae mahmo sü soupua baire.

TAPALOUYU 5:4

Ana Ejipt hi veo nou Moses ae Aaron hi paoe, “Ne hai daisounou maikhe maiye vah souyu hinou satalai touwe? Lah ne hai vah sü taho souta khaio.

JEREMIAH 2:30

Hakonou E neletaoye tukha baire. Puletao nou achi zübare, zhaipou shishoyu khaosouveo ali büa neletao nou rachipaola maitao sü southare.

JEREMIAH 21:3

Süthaisü Jeremiah nou puletao hi paoe:

JEREMIAH 27:8

“Ana tyahrü moa vedei taralinoua Babilon hi veo Nebukhadnezzar vei khakhe hi buba louzü, Enou tyahrü süna sü soureih, tokaa, ae sounou ashi sünou tudee peia panou Nebukhadnezzar nou souha khaimo koute souvea peilai.

JEREMIAH 34:21

Enou Judah hi Veo Zedekiah ae puhvei peikho maitaoye sü puletaoye southa nüa buyu mai bah hi peiwulai. Soureih soulai more tea dakhai tayu Babilon maivei reihmaitao bah hi Enou puletaoye sü peiwulai.

JEREMIAH 36:29

Mapao nou veo hi haibüa paopeio tea ahi paoe, “Nenou lekhai touyu larü nasü meidei laiwure, ae Jeremiah hisü daisounou Babilon hi veo nou tave teidei hai nasü soushiwulai ae maikhe maitao alia hrikhaona khesü southawulai tea paowe tea noue.

JEREMIAH 37:4

Süphaki Eye hukhaki hi thoumo hie, südonou Enou lahdo soua maikhe mai hi takou takhe-a nou buhie.

JEREMIAH 38:18

Ana nenou Babilon maivei phi hi velou more toulouzü, nuhdu hai nasü Babilon mai bah hi peithouwulai, ae puletao nou hai nasü meideiwulai, alia ne sü turei paloulai moe.”

JEREMIAH 38:3

Mapao nou haibüa paowe tea Enou puletao hi paoe, “Enou nuhdu hai nasü Babilon mai hi peiwulai ae puletao nou nuhdu hai nasü poloulai.”

JEREMIAH 38:4

Süthaisü peikho maitao nou veo hisü taho haibüa paoe, “Mai haina hai southa molouzü shire, daiolouzü puhnou haibüa paopeiyu donou nuhdu hai hi buyu soureihmai hrülaiye khuh souha peire, ae nuhdu haina thaowua tayu mai hrülai hia raibütoua soupeire. Puhnou maikhe maiye soukhare donou temore, anou maikhe maiye soushi peia baire.”

JEREMIAH 38:8

Südonou Ebedmelek nou veo hisü taho haibüa paoe,

JEREMIAH 5:3

Mapao louzü chilee checheyu nasü zhuwe. Puhnou neletaoye dapeie, ana neletao nou süpei moe; Puhnou neletaoye sousasa peie, ana neletao nou sülou moe. Neletao vei tsüle sü khousholou-a mah hinou leda nümore.

DOPFÜYU 1:14

“Enou soumah khaitouyu veishi sü puhnou pothou hrüloure; Puhnou sütao hai ate hi khikhai peie, ae Enou sütao hai pfülou hore. Enou dulou hoyu avei ngaoba maitao bah hi Mapao nou Eye sü thoupeire.

AMOS 7:13

Ana Bethel haihi louzü ne rachi paopu khaiso, daiolouzü haihi hai veo vei rathoyu buh-e alia vedei hi buyu maivei rathoki baie.”

LUK NOU RÜYU KO AVEIBVÜ 20:2

puh hi paoe, “Dai zü bua nenou vah haitaosü souwe Eletao hi paongao peio, moa thaohnou nehi soure zü hainasü peie?”