JEREMIAH 3:3 - SHEEYU BAIBEL (BSI)

³ Südonou teisü rüvepei more ae khonü-khana hi teirü sü vemore. Nenou khakha-a laiyuma ne hisü hraoyu touyu halia hare.

JEREMIAH 3:3 Iomraidhean Croise

SHURAI 19:34

Thainesho shosü atsüpai nou anapai hisü paoe, “Zhukhaio, dokhei Enou apuoye koa züre, zhoukhei-a puhye zhaoh panou keloua zhi laikhe, alia ahai puo hinou nahmai ngaoloure donou ne-a talou puhye koa zükhaio.”

NEHEMIAH 9:17

Puletao nou paochi zübare; puletao hai nenou soupeikhai touyu vah haso khesü ngaiwure; nenou khupayu vah soupeikhai touyu khesü puletao nou ngaiwure. Puletao vei khaophu hinou puletaoye süthaisa-a Ejipt hi dakhaiho maivei qila soure donou süthai-apei maiye sü dopa loure. Ana ne hai khailu peiyu Ramai-e; ne hai maiye zhuvea leshi süyu Ramai-e, lekha rarou haha chamoe. Nevei zhuveayu hai dusho-e; nenou puletaoye sü thaokhai toumoe.

TSÜCHITAO 21:29

Mai ashimai lisü khuveiyu zhai soua baiwe, ana maicheyu mai liwo lah puhvei ludu sü tsücho louwe.

ISAIAH 5:6

Enou kipei nasü phi soupei mo-a nou vukhai bailai, phi soupeiyu thaosü panou pounghou ae shube khenou paphoulou bailai. Enou teihao-a panou sühisü teirü koupei laimoe.”

JEREMIAH 14:1

Tei kore donou Mapao nou ahi haibüa paoe,

JEREMIAH 14:22

Tyahrü kukhe maivei bashara linoua teirü sü seive peilou hoe; ratei lah nou teirü sü seikou peilou hoe. Etao Ramai Mapaowo, Etao vei areih nasü ne likhei baie, daiolouzü nenou hai teitei sü soupei baie.

JEREMIAH 14:3

Toungiyu maitao nou puletao vei kilaimaiye panou dzü pfütae; puletao nou dzükhao hisü taho-e, ana dzü ngaolou more; puletao vei leekhou sü sakhai-a nou pfüa dakhai vere. Puletao sü hraoloua cho hare, sübüa puletao pah sü holoure.

JEREMIAH 14:4

Teirü peimoyu donou dei sü kitare, tatayu mainou tsü vealoure ae puletao pei sü doloure.

JEREMIAH 36:2

“Zükhaiyu larü ali poloua Enou ne hi Judah ae Israel maitao alia tyahrü veishi donou paopei khaitouyu chipao teitei, süsü Josiah nou vekou louyu teithe hinou poa zhou koute paoyu chipao khesü rüthou khailo.

JEREMIAH 5:24

Enou teile kaovei hinou teirü seive peiyu, pao-hou teile hi teirü peiyu ae po patsü panou chachi loua buyuma Eye tsükhoure donou tsücho moe.

JEREMIAH 5:25

Neletao vei mah sünou haitao hai porei laiwure, ae neletao vei mah nanou havei khesü pokuwure.

JEREMIAH 5:3

Mapao louzü chilee checheyu nasü zhuwe. Puhnou neletaoye dapeie, ana neletao nou süpei moe; Puhnou neletaoye sousasa peie, ana neletao nou sülou moe. Neletao vei tsüle sü khousholou-a mah hinou leda nümore.

JEREMIAH 6:15

Puletao nou ngaorayu vah souyu phaki hraoho haomosa? Moe, puletao sü hraokhai toumoe; puletao nou hrao-a pah holou moe. Südonou puletao hai mai kukhe nou kaodu tayu büa kaodu talai. Enou puletaoye tudeeyu phaki, puletao vei akhai soulai. Haisü Mapao Enou paowe.”

JEREMIAH 8:12

Avei maitaore, neletao nou vah ashi souyu sü maijü hraomovu? Moe, neletao hai haokhai timore, neletao hai haongu-a pfülou sümore. Südonou Enou neletaoye tudeeyu phaki, neletao hai kaotayu mai büa kaodu talai, ae neletao vei teile akhai soulai. Haisü Mapao Enou paoe.”

JEREMIAH 9:12

Enou chinoue, “Mapaowo, daisounou teidei taosü soushi khaiwure ae thekei tea panou radeiki vita-a mai lia panou veihao soulou shiwe? Thaonou tsü veisho-a haitao sü sükulou süyu bue? Thao hi paopei-a haitao hai paopa peilou süyu bue?”

EZEKIEL 3:7

Ana Israel maitao nou nevei chipao khesü keipeinülai moe, puletao nou avei chipao-a keipeilai moe.

LEVIMAI LARÜBVÜ 26:19

Enou neletao vei khaophu soua rochiyu nasü souha peilai; neletao vei teidei hisü panou teirü peilai moe, ae neletao vei dei sü thekei teanou pa huh büa khoulai.

AMOS 4:7

Neletao chachi mojü khouh asü jünou Enou teirü sü panou rükou peimore, Enou teirü sü nuwure. Enou nuh ali hi teirü koupeie alia nuh ali hi panou rükou peimoe; dou ali pei hi rükou peie alia dou ali pei hi panou teirü koupei moa kitae.

AMOS 4:8

Südonou nuh hi hrüa buyu maitao nou dzü kere donou nuh kukhe li hi phou sühao tae, ana puletao nou reikha louyu ngaolou moe. Sübüa buyuma neletao nou ahi dakhai velou moe.

ZEPHANIAH 2:1

Tavelo, tave jülo, Oh haohayu tyahrütao,

ZEPHANIAH 3:5

Ana Mapao louzü chukoute nuhdu sühi bue, Puhwo checheyu likhei sou-a baie, kaomoyu halia soumoe. Teithe payu chü Puhwo louzü souzü vah nasü souwe; ana chechemoyu maitao nou hraoyu sümoe.

HAGGAI 1:11

Enou deikho, deichi, dou, darkha kipei, theadzü, dei hinou payu shiratao, mai ae kikhaorü ae neletao nou souyu vah teitei hie teikoyu pove peiwure.”

PAODAKHAIYU CHIKHA 28:23

Neletao vei teidei hisü teirü laimoe, ae teidei sü hu büa khousho-a bailai.

EBRIAMAI 12:25

Südonou leikeilo, alia chipao-a buyu puhye bayu souwuso. Daiolouzü deiphao hinou puletao hi Ramai chipao pove peiyu puhye puletao nou bayu ki puletao sü tupa louho louzü, raki hinou chi pao-a buyu puhye Eletao nou bayu kisü Eletao sü daizhozhou tateia tupa loulai!