JEREMIAH 3:2 - SHEEYU BAIBEL (BSI)

² Ne nghithou hepa deichiva hi zhukhaio. Nenou koa khakha-a vah ashi soumoyu daiki bue? Arab mainou rekou ludu hinou maiye kho-a buyu büa nenou ne jüpamaiye kho-a bue. Nenou khakha vah souyu donou teidei sü souzhaiwure.

JEREMIAH 3:2 Iomraidhean Croise

SHURAI 38:14

Tamar nou rikhai maivei sabanü laolaiwua pahosah nou pah holoua Timnah hi taloure ludu hi buyu Enaim nuhdu robomü hinou chobua buloure, daiolouzü Shelah hai khepare touyu puhnou süwe, ana puhye sü panou honaki vemo hie.

1 VEMAITO 11:3

Solomon nou maipfü 700 na-e, ae khopfü 300 khaikhaitoue, sütao nou puhye Ramai hilounou povai tare,

2 VEMAITO 23:13

Veo Solomon nou Jerusalem teinghei palova ae Oliv Deichi khelova nou soukhai touyu posheelabu— Sidon maivei rahpfüpai Astarte, ae Moab maivei rah Molek vei bashratao hai Josiah nou soushi laiwure.

LOUTAO 106:38

Puletao nou mahmo ali-a hayu nahmaitaoye southayu donou teidei nasü souzhai khaire.

TSÜCHITAO 23:28

Honapai nou maivei shaomai büa dazüa khowe alia mai taoliye sü soumah peiwure.

TSÜCHITAO 7:11

Honapai hai dukhya-a ladodo souyu naotumai alie, puh phei sü ki hi bumoa sashi shoe;

JEREMIAH 12:12

Radeiki thailo teidei kuyu hinou hrüyu maitao nou souhare donou tave loure. Teidei veishi panou souhare donou soureih sü Enou seive peie; mailia panou kaonayu sü ngaolai moe.

JEREMIAH 2:20

Khoukobu Mapao nou paoe, “Oh Israel maitaore, neletao nou achi zübae ae Eye thobae. Deichi kuyu hinou ae süübe phi khonou neletao nou khakha-a tounah hrüloure vei rah sü thotare.

JEREMIAH 2:23

Ewo hashi nyamoe, Ewo Baal thaifüta moe tea neletao nou kabüa paolou khailai? Deikho hinou neletao nou mah souyu sü zhukhaio; neletao nou soupfüyu vah khesü zhukhaio. Neletao hai reshi sho-a laiyu racho ali büre,

JEREMIAH 2:7

Enou puletaoye tophayu buh hi savepeie, buh sühi thoudzü ae havei teitei sü puletaoye panou ve touso loure donou save thoupeie. Sütoukhaia puletao nou avei teideitao sü souzhaire ae soushiwure.

JEREMIAH 3:1

Mapao nou paoe, “Cha ali nou puh chapfüye hulaiwua honapai nou puhye thaowua chaa kukhe mai ali ki vetayu thai, puhnou honapaiye sü napu loushi-e. Sükuyu thaio teidei sünasü souzhaiwure. Ana Isreal mai louzü jüpayu mai alao bue, ae chuo puletao nou ahi dakhai veyu jüpare!

JEREMIAH 3:13

Ne hai mahwure, ae nevei Ramai Mapao khakhe hi buba-a thaikhai tare, süübe madai phi khonou nevei lesha nasü vakou mai rahtao hi peiwure, ae nenou avei chipao taosü zü peimore tea nenou mahla louzü chebaie. Haisü Mapao Enou paowe.

JEREMIAH 3:21

Deichi vanou Israel maitao nou kra-a khoyu pai sü choue, daiolouzü puletao nou mah vei hrü hinou hrüa bure, ae puletao vei Ramai Mapao ye ngaiwure.

JEREMIAH 3:9

ae puhsü hraoyu hai-a halia hare. Puhnou süü chuhye tho-a vah ashi souyu donou teidei sü souzhai khaiwure.

JEREMIAH 7:29

“Jerusalem hi maitaore, dopfülo; Neletao vei peishu biloua khilaiwuo. Deichi hi taopalou-a kouli likhaio, daiolouzü Mapao Enou rarou loure, ae avei maitaoye sü malaiwure.

EZEKIEL 16:16

Nenou nevei sabanü daotuli hai poloua rathobuh hi zhainga southouloue ae buh sühinou ne hai khakhapfü ali büloua mai veishi sü sabue. Haibüyu hai raichoki vepakhai toumo hie ae haithai-a vepalai moe.

EZEKIEL 20:28

Enou puletao hi peilai tea paohpei khaitouyu teidei hisü puletaoye save thoupeie. Puletao nou kuyu deichitao ae süübe duyu khesü ngaolouyu phaki, neletao nou sütao hi posheela khesü peire. Puletao nou meidei-a posheela peiyu ae thoudzü vei posheela peiyu sünou avei lekha rarou soupa peie.

HOSEA 2:5

Daiolouzü puletao pfü hai khakha wure, puletao ye poupfüyu paisü hraongu vah souwure. Daiolouzü puhnou paoe, “Eh aleshi maitao thaifüa talai hie, puletao nou Eye touso, dzü, soumai, louhsa (sabanü), theadzü alia zhaoh sü peiwe.”

LUK NOU RÜYU KO AVEIBVÜ 16:23

alia puhnou veasho-a thaimai teidei hinou zhupayu kisü adou kounou Abraham ye puh ngheiki hinou Lazarasye koa buyu ngaoloure.

PAODAKHAIYU CHIKHA 12:2

Neletao nou talou tyahrü kukhemaiye hulai-a teidei polouyu kisü deichi taohi, deitao pei hi alia süübe phihi puletao nou ratho buh khesü souhakhai toulaio.