JEREMIAH 3:12 - SHEEYU BAIBEL (BSI)

¹² Puhnou Israel hisü taho haibüa paopeio tea ahi paoe, “Chilee cheche moyu Israel, ahi dakhai velo. Enou ne pei hi raroupu khailai more, dailouzü E hai maiye zhuvea süyu Mapao-e, Enou neye teisa nou rarou-a bulai moe.

JEREMIAH 3:12 Iomraidhean Croise

SHURAI 4:7

Nenou kaozü nasü soulouyu thaio, neye popei laimowu? Ana nenou souzü vah soulou more toulouzü, mah nanou ne kikhu phinou neye dah-a bure, mah nanou ne jünou veiloure tea bure, ana nenou mah jünou kolowo.”

2 VEMAITO 15:29

Pekah nou Israel mai hi veo soua buyu teile hinou Assaria hi veo Tiglath Pileser nou Ijon nuhdu, Abel Beth, Maakah, Janoah, Kadesh ae Hazor nuhdu, alia Gilead maivei nuh teideitao, Galilee ae Naphtali nuh teideitao hai poloure alia maikhe maiye hukhamai soua Assaria hi nüpoa tare.

2 VEMAITO 17:23

Südonou Mapao nou puhvei kilai rachipaola peiyu maitao hinou paopi peiyu bütoua Israel mai hrülaiye sü puh vei nghingao hinou souha laikhai touwure. Israel mai hai Assaria maivei teidei hi hukhamai soua nüpoa tare, ae chukoute hai puletao nou sühinou hrüa bue.

2 VEMAITO 17:6

Hoshea nou vekou louyu po akü kousü, Assaria hi veo nou Samaria hai poloure ae Israel maiye sü hukhamai soua nüpoa Assaria hi satare ae puletaoye panou Halah nuhdu hi ae kamai-a Gozan teidei hi Habor rei pehaotao hinou pa bue, ae kamai-a Media maivei nuhdutao hinou pa hrüe.

2 VEMAITO 18:1

Israel mai hi Elah nahpoutu Hoshea nou veo souyu po asü kousü Judah teidei hi Ahaz nahpoutu Hezekiah nou vekouloue.

2 PUOPAOKO 29:10

“Chuo Enou Israel maivei Ramai Mapao ye koa vo ali thoulai tea ale laloure, sübüa soulouzü puhnou Etao pei hi raroupu paimoe.

2 PUOPAOKO 30:9

Neletao nou Mapao hi dakhai veloure toulouzü, neletao vei tyarai maitaoye ngaobamai nou hukhamai soua nüpoa tayu maitaoye sü zhuvea pei-a panou puletaoye sü lah vei ki hi dakhai ve loulai. Daiolouzü neletao vei Ramai Mapao hai maiye leshi süyu ae zhuvea süshoyu nasüe, ae neletao nou puh hi dakhai ve louzü, puhnou neletaoye sü popeilai.”

LOUTAO 103:17

Ana Mapao ye tsükhoua buyu maiye sü puhnou leshi peiyu hai akhai ha-e, ae puhnou chilee checheyu nahai puletao vei tyaosholea koute hi bupeie.

LOUTAO 103:8

Mapao hai zhuvea peisü sho-a ae leshi süe, rarou lekha haha moe ae tobai soumoa leshi peiyu sü bukoute peiwe.

LOUTAO 103:9

Puhnou maiye zükoute-a bumoe, ae teisa nou rarou koute-a bumoe.

LOUTAO 145:8

Mapao hai zhuvea leshi sühsho-e, lekha haha moe ae tobai soumoa leshi peiyu nasü phoutao-a bua baiwe.

LOUTAO 79:5

Oh Mapaowo, ne Etaoye teisa nou raroua bailaiwu? Nevei lekha rarou nasü mei taoyu büa teisa nou tao-a bubai laidou?

LOUTAO 86:15

Ana newo louzü, Oh Mapaowo, maiye zhuvea süyu ae leshi süyu Ramaie, ne hai teisa nou heamea süyu, zhuvea leshi süyu ae chilee checheyu nasüe.

LOUTAO 86:5

Oh Mapaowo, newo louzü veisho-e ae khaipeiyu nasüe, ne hi veachi paoyu mai hrülai hisü, nevei tobai soumoa leshipeiyu nasü peie.

TSÜCHITAO 28:13

Lah vei mahtao pokuyu puh sü duso palai moe, ana mah lawu-a vah ashi khesü thaokhaiyu mai sü zhuvea ngaoloulai.

ISAIAH 31:6

Mapao nou paoe, “Oh Israel maitaore, neletao hai Eye khaitya-a mahmo sü souwure. Ana chuo ahi dakhai velo!

ISAIAH 44:22

Enou neletao vei mah khesü teihao büa vailai peiwure, alia neletao vei mah sü vidzü büa phuthe peiwure. Ahi dakhai velo, daiolouzü Enou neletaoye sü khailupa peiwure.

JEREMIAH 11:6

Mapao nou Ahi paoe, “Vo soukhai touyu chipaotao sü Judah vei nuhdutao hi alia Jerusalem vei maisou ludutao hisü taho paosü peio, ae maikhe maitao hisü chipao sütao hai keilo alia zülo tea paopeio.

JEREMIAH 12:15

Ana Enou puletaoye polaiyu thaisü, Enou puletaoye zhuvea leshi peilai; Enou tyahrü ali linou lahkuku vei teidei hi save peilai.

JEREMIAH 23:8

Ana puletao nou Israel maiye reikou teidei hinou ae teidei kukhetao hinou hupho rarou khaitouyu hinou sapoa ve jüpeiyu hriyu Ramai zhih hinou tea chaachou soulai. Süthaisü puletao nou lahvei teidei hinou hrülai.”

JEREMIAH 3:1

Mapao nou paoe, “Cha ali nou puh chapfüye hulaiwua honapai nou puhye thaowua chaa kukhe mai ali ki vetayu thai, puhnou honapaiye sü napu loushi-e. Sükuyu thaio teidei sünasü souzhaiwure. Ana Isreal mai louzü jüpayu mai alao bue, ae chuo puletao nou ahi dakhai veyu jüpare!

JEREMIAH 3:14

“Oh louchelou hoyu maitaore, dakhai velo; daiolouzü neletao hai avei baie. Enou neletaoye saloulai, nuhdu ali hinou mai ali, ae khü ali hinou mai ahai, saloua Zion Deichi hisü save peilai.

JEREMIAH 3:18

Israel nou Judah maiye louzho loulai, ae puletaoye reilova buyu tyadei hi nüpoa tayu hinou puletao hai koa Enou puletao vei puopao hi teisa vei panou soure donou peikhai touyu teidei hisü dakhaive loulai.”

JEREMIAH 3:22

Mapao hinou tala tayu mai hrülai, dakhai velo; puhnou neletaoye souvei peilai ae soucheche peilai. Neletao nou paoe, “Ovai, Etao nou Mapao hisü dakhai vewe, daiolouzü puh sü Etao vei Ramai-e.

JEREMIAH 3:5

Ne teisa nou rarou koute laimoe; akhai koute Eye thaowua talai moe.’ Oh Israel maitaore, nenou sübüa paowe, anou nenou vah ashi souyu louzü thaokhai toumoe.”

JEREMIAH 3:7

Puhnou haibüa hashi teitei soucheyu thai, puhnou ahi dakhai ve shulai tea Enou tsücho-e, ana dakhaive more, ae louchelou hoyu puh tupai Judah-a vah haitao sü ngaokhai touwe.

JEREMIAH 30:11

Daiolouzü Enou neletaoye tave vupa peilai. Enou neletaoye hupho rarou khaitouyu tyahrü veishi sü souhakhai toupeilai, ana Enou neletaoye souhalai moe. Neletaoye tudee peimoa panou talai moe; ana Enou neletaoye kaozü hinou tudee peia bailai. Haisü Mapao Enou paowe.”

JEREMIAH 31:20

“Oh Israel, neye sü Enou leshi kayu nahpoutu nasüe, Enou jüpa kayu nahtou-e. Enou ne zhih sapayu chüsü Enou neye leshi-e. Avei tsüle sü ne hi bua baie, ae Enou neye zhuvea peilai.

JEREMIAH 31:21

Ne lah nevei ludu sü shee soukhailo; ne thaowua tala tayu ludu nasü phouda khailo. Oh Israel maitaore, dakhai velo, nenou thaowua tayu nuhdu hisü dakhai velo.

JEREMIAH 31:8

Enou puletaoye sü reilova nou save peilai, ae deiphao akhai hinou puletaoye save jüpeilai. Puletaoye koa nghichayu mai alia shovaiyu mai, poupfüyu mai ae nah nare teile nghitei-a buyu maitao-a panou veloulai. Puletao nou dakhaive tyahrü aduli soulai.

JEREMIAH 33:26

Enou haisü cheche vuzünou soukhai touyu thaifüa Enou Jakob vei tyaosholea ae avei kilai David hi vo soukhai touyu sü soupeilai. Enou David vei tounah hinou pa Abraham, Isaak ae Jakob vei tyaosholea maitaoye panou khore donou veo ali sü dopa peilai. Enou avei maitaoye zhuvea peilai ae puletaoye panou kaozhou vei-a hrüpu loulai.”

JEREMIAH 4:1

Mapao nou paoe, “Israel maitaore, neletao nou jüpa louzü ahi dakhai velou. Enou ngaorayu basharataoye neletao nou thaowu-a achi zü louzü,

DOPFÜYU 3:22

Mapao vei tobai soumoa leshi peiyu ae zhuvea peiyu nasü chukoute-a buhie.

EZEKIEL 11:17

“Südonou Mapao Ramai nou haibüa paowe tea puletao hi paopeio. puletaoye Enou souphorarou khaitouyu tyadeitao hinou puletaoye sü save jüloulai ae puletao hi Israel maivei teidei sü peilai.

EZEKIEL 33:11

Cheche vujünou Ramai Mapao E hai hriyu Ramai thaifüa mah mai ali nou thaiyu sü ngaoloua E hai lesa moe tea puletao hi paopeio. Ewo louzü puhnou mah souyu bailoua hrilouyu nasü nou jüpapu hie. Südonou Oh Israel maitaore, vah ashi souyu sü thaowu-o. Neletao daisounou thainüwe?

EZEKIEL 39:25

Ramai Mapao nou paoe, “Ana chuo Enou Jakob vei tyaosholea maitao, Israel maitaoye sü zhuvea leshi peilai, ae puletaoye sü sousavapu peilai. Enou avei sheeyu zhih nasü vupeilai.

HOSEA 6:1

Maikhe mainou paoe, “Etao Mapao hi dakhaive baikhe; daiolouzü Puhnou Etaoye soushi peia baie, Puhnou chua veikhai mosoua Etaoye souvei peilou süe; daphe-dapho peiyu nasü puhnou baie, südonou puhnou chua Etaoye soumu peishulai.

LEVIMAI LARÜBVÜ 26:40

“Ana puletao vei nahmai tyaomaitao nou puletao vei mah ae puletao vei puopao maitao nou soumah khaitouyu ae Eye khaitya khaitouyu khesü mahwure tea mahla loulai,

ZEKHARIAH 1:4

“Neletaowo neletao puopao maiye raiso. Puletao hi rachi paola peiyu mainou haibüa paopeie: Hrü ashi ae mah hinou hrüpu khaiso. Ana puletao hai süsü choubare, tea Mapao nou paoe.

PAODAKHAIYU CHIKHA 30:2

alia zhou Enou neletao hi paopeiyu hai bütoua, ne alia ne nahmaitao nou Ramai Mapao hi dakhai velouzü alia ne tsüle teitei nou, nevei rako veishi nou alia nevei pfüchi teitei nou peia puh chi zülouzü,