JEREMIAH 3:10 - SHEEYU BAIBEL (BSI)

¹⁰ Vah ashi teitei souwu-a bua, chilee moyu Israel vei tupai Judah nou puh le teitei nou peimoa zhai soulou-a ahi dakhai vere. Haisü Mapao Enou paowe.”

JEREMIAH 3:10 Iomraidhean Croise

2 PUOPAOKO 34:33

Veo Josiah nou Israel maivei teidei hinou ngaora-a buyu bashara teitei sü souhawure, ae puhnou hria buki sasü Israel maiye panou puletao vei puopaoh Ramai Mapao chi züa puhvei kuvah sü panou souloue.

LOUTAO 18:44

Vakou mainou chuo Eye khurüa bure, Enou kharochi peiyu phaki, puletao nou achi sü züre.

LOUTAO 66:3

Ramai hi haibüa paokhaio, “Nenou soupfüyu vah haso khesü daizhou koute khupa-e! Nevei khouko hai duleyu donou neye ngaobayu maitao koute-a pi-hi poa nou neye khurüwe.

ISAIAH 10:6

Enou neye seiho Ramai ye louche moyu tyahrü ae avei lekha soupayu maitao vei nangi khesü panou shaoloulai alia puletaoye sü maisou ludu hi buyu naihü büa panou deisasa khaiwulai.”

ISAIAH 29:13

Mapao nou paoe, “Mai haitao hai Eye thowe tea paowe, ana puletao vei tsüle louzü ahinou dousho-a bue. Puletao nou Eye thoyu haiolouzü mai nou doupeiyu zhai hinou soua baie.

ISAIAH 31:6

Mapao nou paoe, “Oh Israel maitaore, neletao hai Eye khaitya-a mahmo sü souwure. Ana chuo ahi dakhai velo!

JEREMIAH 11:10

Puletao nou achi züba-a puletao puopao maitao vei mah hi dakhai loutare ae rah kukheye thotare. Enou Israel ae Judah maitaoye koa vo soukhai touyu nasü puletao nou pfüphewure.

JEREMIAH 12:2

Nenou puletaoye shopeie, ae puletao nou maa tsülou loure; Puletao nou vipaloua rashithou shiloure. Puletao nou teisa sü neye paovei peiwe, Anou puletao tsüle louzü ne hinou dousho-a bue.

JEREMIAH 9:1

Oh apei hai dzübvü ali-e tulouzü, ae anghithou hai dzüla toulouzü, Enou Amaitaoye southayu vanou hea-khei sümoa kra-a bua bailai.

HOSEA 7:14

Puletao nou chechea kra-a ahi khomoe, ana rashiye thoyu mai büa kaodua thowe. Puletao nou thou-dzü alia zhaoh ye donou pfüphao souvea-a zheemü soupaloua akho souwe, süsü daizhou koute Eye ngaophou moa souwe.

AMOS 4:9

“Enou neletao vei peida ae darkha kipei khesü teikhai teirüshi ae khanou pa kouh soushi peie; neletao vei doushibe ae oliv süübe khesü pa khazü nou touloue, sütoua buyuma neletao hai ahi dakhai vemoe.

MALAKAI 2:11

Judah hai lü hazhi tea bue, alia puletao nou Jerusalem hinou ae Israel teidei teitei hinou ngaorayu vah sü soure, daiolouzü Mapao nou leshiyu puh vei Rathoki sü Judah mainou souzhaiwure, alia rah kukheye thoyu nahnaotu sü naloure.