JEREMIAH 26:9 - SHEEYU BAIBEL (BSI)

⁹ Ne daisounou Mapao zhih hinou Rathoki hai nasü Shiloh büa bailai ae nuhdu hai nasü soushiwua mai hrümoa bailai tea paowe?” Süthaisü mai hrülai nou Eye sühao loure.

JEREMIAH 26:9 Iomraidhean Croise

2 PUOPAOKO 25:16

Rachipaolawo nanou chi paobe-a buyu hinou Amaziah nou haibüa paore, “Dukinou neye Veo maivei paodou-apeio vahbu nasü thoupeie? Raopu soubaio, molouzü Enou neye southawulai!” Rachipaolawo nou chi paopu more, ana haibüa paowe, “Ramai nou neye souhawure donou souda khaiwure, daiolouzü nenou vah ashi veishi sü soure, ae Enou paoyu achi sü pobare.”

ISAIAH 29:21

Maiye da-a nou soumah peiyu maitao, mahmo souyu maiye phaobo peiyu maitao alia acheche maivei zü panou ngaolou moa porei laiyu maikhesü Ramai nou souhawulai.

JEREMIAH 32:3

Mapao nou haibüa paowe tea Enou paoyu donou Veo Zedekiah nou Eye hukhaki hi thouwure, “Nuhdu hai nasü Enou Babilon hi veo bah hi peiwulai, ae puhnou nuhdu hai nasü poloulai,

JEREMIAH 33:10

Mapao nou haibüa paoe, “Maikhe mainou buh hai nasü radeiki büa mai liro moa hrikhaona ali-a hrümore tea paoyu sü cheche-e; Judah vei nuhdutao ae Jerusalem vei duva khesü sakhai-a mai lia tamoe ae hrikhaona liro hrümoe. Ana buh haitao hinou

JEREMIAH 36:29

Mapao nou veo hi haibüa paopeio tea ahi paoe, “Nenou lekhai touyu larü nasü meidei laiwure, ae Jeremiah hisü daisounou Babilon hi veo nou tave teidei hai nasü soushiwulai ae maikhe maitao alia hrikhaona khesü southawulai tea paowe tea noue.

JEREMIAH 9:11

Mapao nou paoe, “Enou Jerusalem sü tangina khaiyu buh ali soupeilai, ae lakhaotao panou bure buh soupeilai; Judah vei nuhdu khesü radeiki hi soudathou peiwulai, mai panou hrüloushi buh ali soupeilai.”

DOPFÜYU 4:13

Ana hai khesü vepare, daiolouzü rachipaola peiyu maitao vei mahmo vanou ae napao maitao nou mahmo souwure. Puletao nou cheche maiye sü southawure.

AMOS 5:10

Romü likinou cheche monaye paodou peiyu mai alia acheche chi paolai maitaoye sü neletao nou ngaorae.

MIKAH 2:6

Maikhe mainou Eye paodoua haibüa paoe, “Etao hi ko sü paoso. Sübüyu ko khesü paopuso. Ramai nou Etao hisü veahoyu hai pove peilai moe.

MATHIU 21:23

Alia puhnou rathokihi tave louyu kisü, napao adumaitao ea tsükhemai taonou puhnou doupeia bubukinou puh hi taveloua noue, “Vah haitao souyu nevei zü daibue? Thaohnou nehi zü haina hai peie?”

MATHIU 27:20

Ana napao adumaitao ea tsümai taonou maisouhi Barabbas ye phapeire alia Jisu ye southeare donou khokhaio tea süpeire.

MARK 15:11

Ana napao adumaitao nou maisouye Pilat hinou puletao donou Barabbas ye nou phapeire donou kholo tea süpeire.

JOHAN 8:20

Puhnou chi haitaosü Rathoki hinou doupeia bubuki Sheelayu sübvü khaiyu kidena hinou paoe, ana maita linoua puhye nilou moe, daiolouzü puh vei phasü vetelou mohie.

JOHAN 8:59

Südonou puletao nou puhye deire donou chuh kou poloure; ana Jisuwo puh lah tutsü loua Rathoki hinou tapare.

SEI-ATAMAI VAHTAO 13:50

Ana Jihudimai taonou mainou tsükhouyu ea lenoua rathoyu naotumaitao ea nuhdu sühi peicha maitaoye thaopeiwu-a panou Paul ea Barnabas pei hi souvea-souho peire ea puhaiye puletao teidei hinou hutare.

SEI-ATAMAI VAHTAO 21:30

Sükisü nuhdu teiteinou bvü-ro loure ea maikhemai hrülainou koa taveloua Paulye niloure, alia puhye sü Rathoki vakouhi süthai paloua thala-a Rathoki kikhu taosü khure.

SEI-ATAMAI VAHTAO 22:22

Chipao haina paoyu koutesü maikhe mainou puh chi sü keipeie; süthaisü puletao nou puletao paisü kusholoua paoe, “Haibüyu maihai deiphao hinou potawo! Daiolouzü puh hai hri zümoe!”

SEI-ATAMAI VAHTAO 3:11

Alia haibüa mai sünanou Solomon vei Kipamü tea kuyu hinou Pitar ea Johan ye koa dasapoa laiyu hinou, maikhemai hrülaisü khupasoua puletao hi tuvere.

SEI-ATAMAI VAHTAO 5:12

Chuo sei-atamai taonou maikhemai hronou shee ea khupa vah alaosou souloure. Alia lüloumaitao hrülaisü tsüle ali soua Solomon vei Kipamü hinou vedzüa bue.

SEI-ATAMAI VAHTAO 5:28

“Ehnou neleye zhih haina vanou doupei khaiso tea soutaosoua tukhapeie, ana zhukhaio, nelenou doupeiyu sünanou Jerusalem hisü phoupei loure ea mai hainavei zhesü nelenou Eh pei hi mah dukhai nüwe.”

SEI-ATAMAI VAHTAO 6:14

daiolouzü Nazareth hi Jisu hai nanou Rathoki haina sü souhalai ea Moses nou Eh hi peikhai touyu zhai hainasü soudalai tea puhnou paoyu sü Ehnou choue!”

JOSHUA 18:1

Israel mainou teidei polouyu thai, puletao hrülai nou Shiloh hinou ve jüloue, alia sühinou sahpao haolouwe.