JEREMIAH 26:6 - SHEEYU BAIBEL (BSI)

⁶ Hakinou neletao nou paochi zümoa bukoure toulouzü, Enou Rathoki hai nasü Shiloh hi soupeiyu büa soupeilai, ae deiphao mai hrülaiye panou nuhdu haina zhih sü chaa ali soua polai.”

JEREMIAH 26:6 Iomraidhean Croise

JEREMIAH 24:9

Enou puletao hi veahoyu sü seive peia panou deiphao mai hrülaiye ngaopi shoyu soupeilai. Maikhe mainou puletaoye ngaophou moa konü peilai, ae Enou puletaoye soupho laiyu buh veishi hisü panou puletao vei zhih sü chaa soua poa talai.

2 VEMAITO 22:19

puhnou ledaloua anghoujü nou nakou loure, ae Enou Jerusalem ae sühinou hrüyu maitaoye paopi pei-a tudee peilai touyu khesü süloukhai, puhnou kra-a puhvei sabanü hai paipha loure. Enou buh hai nasü ngaopi shoyu buh ali soupeilai, ae maikhe maiye panou zhih hai nasü chaa ali soua polai. Ana puhnou veachi paoyu sü Enou choure,

JEREMIAH 25:18

Jerusalem ae Judah vei nuhdutao, alia sühi vemaitao ae peikho maitaoye panou sünasü keloue, sübüa puletaoye panou radeiki vita-a ngaopi shore donoue, ae maikhe maiye panou puletao vei zhih sü chaa soua chukoute poyu büa pore donoue.

ISAIAH 65:15

Neletao vei zhih sü Enou dolouyu maitaoye donou chaa ngaoyu mai tea kulai. Khoukhoulai Mapao, Enou neletaoye sü southawulai, ana achi züa buyu maitaoye sü Enou zhih ashu ali sapeilai.

MALAKAI 4:6

Alia puo khemai lethou sü nah khemai hi thou peilai, ae nahkhemai lethou hisü puo khemai lethou hi dathou peilai, süku more toulouzü Enou ve teidei sü chaa nou souha bailai.

DANIEL 9:11

Israel mai hrülai nou ne chi zümoa chikha khesü pfüthowure alia tarei tare, alia nevei kilai Moses nou chikha rükhai peiyu hi chaa khesü lah Etao pei hi poveloua baie, daiolouzü Etao nou kaomo zümoyu mah sü souwure.

JEREMIAH 44:22

Neletao nou vah ashi ae ngaorayu vah souyu khesü Mapao nou healou hore, südonou zhou teithe hai neletao vei teidei sü soushi khaiwua panou mai liro hrümore, para tare, ae chaa ngaoyu teidei ali soutare.

JEREMIAH 42:18

“Israel maivei Ramai Mapao nou paoe, ‘Enou avei lekha rarou hai Jerusalem maitao hi lapa peiyu büa neletao nou Ejipt hi hota louzü, Enou neletao hia lapa peilai. Neletaoye sü ngaora sholai; maikhe mainou neletaoye ngaoposhu neletao vei zhih hai chaa soua polai, ae neletaoye konü peilai. Neletao nou teidei hai nasü ngaopu loulai moe.’”

JEREMIAH 29:22

Puhai vanou Jerusalem hinou Babilon hi hukhamai soua nüpoa tayu mai hrülai nou chaa peiyu phaki haibüa chaalai: ‘Mapao panou neye Babilon hi Veo nou Zedekiah ae Ahab ye hria mei nou deithayu büa soupei theo!’

ISAIAH 43:28

alia neletaoye khasa-a buyu peikho maitao nou avei sheeyu rathoki nasü souzhai peiwure. Südonou Enou Israel maiye sü panou soushi khaiwure hisü peithouwure; Enou avei maitaoye sü panou hraongu ngaore donou souwure.”

JOSHUA 18:1

Israel mainou teidei polouyu thai, puletao hrülai nou Shiloh hinou ve jüloue, alia sühinou sahpao haolouwe.

ZEKHARIAH 5:3

Süthai puhnou ahi paoe, “Haihai deiphao teitei hi taho chaa peilaiyu nae; daiolouzü maivei avao mai hrülaiye sü larübvü dapolova hi rüthou khaitouyu thaifüa souhawulai, alia da shaki peiyu mai hrülaiye sü ali lova rükhai touyu thaifüa souha khaiwulai.

JEREMIAH 29:18

Enou puletaoye khoche, tokaayu, ae rahtayu sünou thaingou talai, ae puletaoye hupove khaitouyu buh veishi hinou puletaoye mai hrülai panou ngaopiyu, chaa, pihiyu, ngaohiyu ae chaa peiyu sü soupeilai.

DOPFÜYU 2:15

Ludu tacho tayu mai hrülai nou ne hisü bah taongaore. Puletao nou pei züpoa Jerusalem kaodutayu sü konüa haibüa paore: “Hai nahai veisho-a buyu nuhdu nasüvu? Deiphao mai hrülai thainüa buyu nuhdu nasüwu?”

DOPFÜYU 2:16

Neye ngaobayu mai hrülai nou neye sü konüre ae neye ngaorade. Puletao nou mütai tupoa nou haibüa neye jünüa paore, “Etao nou puhye sü soushi peiwure! Haibüyu teithe nasü Etao nou kho-a nou bue!”