JEREMIAH 26:5 - SHEEYU BAIBEL (BSI)

⁵ alia Enou neletao hi tobai soumoa seive peiyu avei kilai, rachipaola maitao nou paoyu chi khesü keitou toulo tea paopeie. Ana neletao nou puletao vei chi sü zübare.

JEREMIAH 26:5 Iomraidhean Croise

2 VEMAITO 17:13

Mapao nou Israel mai ae Judah mai hi puhvei kopaomai ae rachipaola peiyu maiye seive haibüa paopi peie: “Enou avei kilai rachipaola peiyu maitao hinou ae neletao vei puopaoh maitao hinou peikhai touyu chikha khesü zülo ae vah ashi souyu khesü bailo.”

2 VEMAITO 17:23

Südonou Mapao nou puhvei kilai rachipaola peiyu maitao hinou paopi peiyu bütoua Israel mai hrülaiye sü puh vei nghingao hinou souha laikhai touwure. Israel mai hai Assaria maivei teidei hi hukhamai soua nüpoa tare, ae chukoute hai puletao nou sühinou hrüa bue.

2 VEMAITO 24:2

Mapao nou Babilon, Sairia, Moab ae Ammon maitao vei reihmaime hai puhnou puhvei kilai rachipaola peiyu maitao nou paopeiyu büa panou Jehoiakim ye soureih soua Judah teidei hai souhare donou seive peie.

2 VEMAITO 9:7

Neye panou nevei paopu Ahab veo vei kihikha mai hrülaiye southalai, sübüa Jezebel nou avei rachipaola peiyu maitao ae avei kilai maitaoye southayu donou khüngu sü phouloulai.

EZRA 9:11

Nenou Nevei kilai rachi paolayu mai hi haibüa paoe, ‘Neletao nou talou polou laiyu teidei nahai hashinou phoubue ae sheemoyu mai khaitie,

JEREMIAH 11:7

Neletao vei puopao maitaoye Ejipt hinou sa-a palou nou zhou koute Enou puletao hi Achi soutaosou zülo tea paopi peie.

JEREMIAH 29:19

Haibüa puletao hisü vepalai, daiolouzü Enou tobai soumoa avei kilai rachipaola maitaoye sü puletao hi seive peie, ana puletao nou avei chipao sü zübare.

JEREMIAH 32:33

Puletao nou ahinou pah pfüvai tare; ae Enou tobai soumoa puletaoye paodou peia buyuma keipei bare alia doulou bare.

JEREMIAH 35:15

Enou avei kilai rachipaolayu maitaoye neletao hi seive koute peie, ae puletao nou neletao hi vah ashi souyu khesü thaowua kaozü nasü soulo tea paopeie. Enou neletao vei puopaoh maitao hi peikhai touyu teidei hi teisa buloure donou puletao nou neletao hi rah kukheye thoso ae puletao vei kuvah souso tea paopi peie. Ana neletao nou achi sü keipei bare ae popei bare.

JEREMIAH 35:17

Südonou chuo Israel maivei Ramai, Khoukhoulai Mapao Enou Judah ae Jerusalem maiye soushi souhawulai tea apaokhai touyu teitei sü soupeilai. Enou haisü daivanou soulai toulouzü neletao nou achi zübare ae Enou neletaoye kuyu phaki, neletao nou Eye chila peibare.”

JEREMIAH 44:4

Enou tobai soumoa neletao hi avei kilai rachipaola maitaoye seive Enou ngaorayu vah haso soupfüso tea paopeie.

JEREMIAH 7:13

Neletao nou vah ashi haitao teitei sü soupfüre, ae Enou neletao hi paoyu thainou paokhaikhai-a neletao nou keipei bare. Enou neletaoye kuyu phaki, neletao nou khüpei moe.

JEREMIAH 7:25

Neletao vei puopao maitao nou Ejipt hinou tapa louyu nou zhou koute hai Enou avei kilai, rachipaolayu maitaoye seive peie.

EZEKIEL 38:17

Raichoki nou phaku-a buyu nasü neye Enou avei kilai Israel maivei rachipaola peiyu maitao hinou paosüpa peiwure, süolouzü teithe süna veyu phaki, Enou mai aliye panou Israel mai hisü reih huvelai.” Haisü Ramai Mapao nou paowe.

AMOS 3:7

Rachi paola-apei mai hi süngao peikhai toumoa Mapao Ramai hai haliro souwu moe.

ZEKHARIAH 1:6

Enou avei kilai rachi paolayu maitao hinou kharochi ae tukhayu zhaitao sü seive paopeie, ana puletao nou sütao hai ngaophou peimore. Südonou puletao nou ngaozü na thaifüa veayu ngaoe. Süthaisü puletao nou le daloua puletao veayu hai, Khoukhoulai Mapao Enou souvea baie alia sübüa veayu hai vea züa baie touyu lah puletao nou süloue.”

PONGAOPEIYU 10:7

Ana rakivamai anai chenanou puh be houngyu teithe kisü Ramai nou puhvei kilai rachi paolamaitao hi paosü peiyu kua puhnou khei-a soudakhai touyu nasü souvetewulai.”

PONGAOPEIYU 11:18

Tahrüh kukhe maitao nou lekha rarou loure, daiolouzü nevei rarouyu phasü veloure; alia thaimaiye chiku laiyu teilesü vere. Ne kilaitao, rachi paolamaitao ea sheeyu maitaoye alia nezhihye tsükhouyu tai du hrülaiye buu peilaiyu teilesü veloure, Alia deiphaoye souhayu maitaoye souhare teilesü veloure!”