JEREMIAH 26:4 - SHEEYU BAIBEL (BSI)

⁴ Mapao nou ahi haibüa maikhe maitao hi paopeio tea paoe, “Mapao Enou neletaoye achi zülo ae avei chikhatao thaifüa talo tea paopeie,

JEREMIAH 26:4 Iomraidhean Croise

1 VEMAITO 9:6

Ana ne moa nevei nahmaitao nou athaifü molouzü, ae Enou peikhai touyu chikhatao ae kharochi khesü zümore toulouzü, alia rah kukheye thota louzü,

ISAIAH 1:20

Ana neletao nou khaitya-a Eye dulouzü, neletaoye sü souha bailai. Daiolouzü Mapao Enou haisü paopawure.”

JEREMIAH 17:27

Ana puletao nou achi sü zülai, ae Soteithe sü sheeyu teithe soua reilai. Puletao nou Jerusalem vei robomütao hinou süzhou hai hanalia pfülou moa pfüpa laimoe. Hakinou Enou paoyu zümoa puletao nou soupfü louzü Enou Jerusalem vei robomü khesü mei deiwulai. Mei nou Jerusalem vei vebuh-a deilaiwulai ae mai linoua mei sü sounghi loulai moe.”

JEREMIAH 22:5

Anou neletao nou avei chikha taosü zülou more toulouzü, vedei hai nasü souhawulai tea Enou neletao hi chaachou souwe. Haisü Mapao Enou paoe.’ ”

JEREMIAH 32:23

Ana puletao nou talou teidei nasü polouyu thai, puletao nou nevei chikha khesü zübare, moyuma nenou paodou peiyu thaifüa hrümore; nenou soupfülo tea kharochi peiyu alia puletao nou soupfülou more. Südonou nenou veahoyu haitao veishi sü puletao hi pove peie.

JEREMIAH 44:10

Zhou koute neletao nou tainou soua hrüloumo hie. Neletao nou Eye tsükhou moe, moyuma Enou neletao vei puopaoh maitao hi peikhai touyu chikha thaifüa hrülou moe.

JEREMIAH 44:23

Neletao hi haibüa veahoyu veyu khesü neletao nou rah kukhe hi poukai nüvei meidei peia Mapao nou neletao hi chikha peiyu khesü zümoyu vanou vepawe.”

JEREMIAH 7:14

Südonou Enou Shiloh hi souyu büa neletao nou louche-a buyu avei Rathoki haina hia soupeilai. Buh hai nasü Enou neletao vei puopao maitao hi ae neletao hi peikhai toue, ana Enou Shiloh hi souyu zhaibüa soupeilai.

PAODAKHAIYU CHIKHA 11:32

veikhai mosou-a zhou Enou neletao nghoujü hi popa peibuyu kharochi alia chikhakhe zülo.

PAODAKHAIYU CHIKHA 31:20

Enou puletao paipaoh mai hi peilai tea chaachou soukhai touyu teidei, laivoudzü ae chonaodzü nou küa buyu füdei hisü puletaoye save peiyu phaki, puletao hai touva lisoua ae sova lisoua hrülai. Ana puletao hai rah kukheye thotawulai ae puletao vah ashi sü souta bailai, alia Eye malaiwua Eye koa vo thoukhai touyu nasü pfüphe pfüpho-a bailai.

PAODAKHAIYU CHIKHA 4:44

Moses nou Ramai vei chikhatao Israel mai hi paopeiyu sü haitaoe.

PAODAKHAIYU CHIKHA 4:8

Alia zhou Enou neletao hi veisho-a nou doupeiyu chikhatao büa thao tyahrü hinou chikha khesü buge?

EBRIAMAI 6:18

Südonou hakia soudalou hoyu ea Ramai nou sühai vanou hakia madalou hoyu na ahai bue. Südonou puh hinou baibuh ngaolouyu Eletaoye sü Eletao nghojühi khaipei khaitouyu areih sünaye soutaosoua poloure donou le soudu-sho peikhaitoue.