JEREMIAH 26:3 - SHEEYU BAIBEL (BSI)

³ Hakinou puletao nou keiloua vah ashi souyu khesü baire toulouzü, puletao nou vah ashi souyu donou puletaoye souhawulai tea Enou tsüchoda khaitouyu sü soumoa khaipei bailai.”

JEREMIAH 26:3 Iomraidhean Croise

1 VEMAITO 21:27

Elijah nou chi paocheyu thaisü, Ahab nou puhvei sabanü sü paiphawure, ae soukousah nou banou loure, ae puhnou hatou bare, soukousah nou bazüa baire, ae levea nou bure.

1 VEMAITO 21:29

“Ahab nou daizhou koute anghoujü nou tainou souloua buyu sü ne ngaoho moe? Puhnou haibüa soulouyu donou, Enou hashi khesü puh hria buki hai seive peilai more; ana puhvei nahmai phao hinou veahoyu sü Ahab vei kihikhamai hisü vepeilai.”

JEREMIAH 26:13

Südonou chuo neletao nou ta-a buyu ludu ae soupfüa buyu vah khesü souzülo, ae neletao Ramai Mapao chi zülo. Neletao nou sübüa souloure toulouzü, puhnou neletaoye soushilai tea paopa peiyu khesü soumoa ledaloua bailai.

JEREMIAH 26:19

Veo Hezekiah ae Judah hi maitao nou Mikah sü southa moa Hezekiah nou Mapao ye tsükhoua puhvei jüpa soure donou phouloure. Mapao nou puletao pei hi soushi peilai tea paopi peikhai touyu sü soupei moa leda loure. Chuo hashi ae veahoyu nasü lah Etao pei hi pove loulaire.”

JEREMIAH 36:3

Enou Judah maitao hi veahoyu sü pove peilai tea paopei khaitouyu khesü puletao nou choulouyu phaki, puletao nou vah ashi souyu sü thaolou vei-e, sükulouzü Enou puletao vei mahmo khesü khaipeia bailai.”

JEREMIAH 36:7

Puletao nou Mapao hi veachi paoloua puletao nou vah ashi souyu khesü thaolou vei-e, daiolouzü Mapao nou puletao hi puhvei lekha rarou hai ngaopi sho-a paopei khaitoue.”

EZEKIEL 12:3

“Chuo thai-a bailaiyu mainare, vakou nüpoa tayu mai ali nou koupo pfüloua tayu zhai bütoua nevei kou sü souloua teimai mojünou takhai-o. Nenou tapayu phaki, mai hrülaiye panou neye zhingaolo, ae nenou buh kukhe ali hi veyu hai-a panou ngaolo.

EZEKIEL 18:21

“Hakinou mai ashi mai ali nou mah souyu thaowua avei chikha hai züloure toulouzü ae puhnou kaozüyu vah sü souloua mai aveih souta louzü, puh sü thailai moe, hrilou vuzüa bailai.

HOSEA 11:9

Enou neletaoye sü avei lekha-rarou nanou poa souvea khailai more; Enou Israel maiye sü souha khailai more, daiolouzü E hai mai moe, Ramai-e, neletao hrohinou sheeyu nae, südonou neletaoye sü souha khailai more.

JOEL 2:14

Puhnou dakhai ledaloua, alia neletao nou Ramai Mapao hie tou-so sheela peikhai touyu hai shiha peia thaodai peiyu hai thaonou sülai?

JONAH 4:2

Südonou puhnou Mapao hisü veachi paoe, “Oh A Mapaowo, Enou ne hi haibüa bailai tiyu sü E nuh hi bukinou paomowu? Süvanou E Tarshish hi tutsü tamowu; Ne hai zhuvea süyu, lekha hahamoyu, leshi akhai hayu, alia ashi souyuma khaipeiyu Ramaie touyu Enou süwe.