JEREMIAH 26:2 - SHEEYU BAIBEL (BSI)

² Mapao nou ahi haibüa nou paoe, “Rathoki vei bomü hinou laloua Judah vei nuhdutao hinou hrüyu maitao nou ratholai tea velouyu mai hrülai hisü Enou ne hi paopeio tea kharochi peikhai touyu khesü maikhe hi paopeio. Chipao ali koute-a paoche moyu sü souso.

JEREMIAH 26:2 Iomraidhean Croise

JEREMIAH 1:17

Jeremiah, ne tashuloua Enou ne hi paopeiyu chitao sü taho puletao hi paopeio. Chuo ne puletaoye ngaopiso. Nenou puletaoye ngaopi louzü, Enou ne hi puletao jünou ngaopi puyu sü peilai.

JEREMIAH 1:7

Ana Mapao nou ahi paoe, “E nahle hie tea paoso, daiolouzü Enou neye seikhai touyu maitao hisü nenou talai, ae Enou neye paokhaio tea kharochi peikhai touyu taosü puletao hi nenou paolai.

JEREMIAH 19:14

Süthaisü Mapao nou Eye puhvei chipao paopeio tea letayu Topheth hinou dakhai veloua maisou nou vejüa buyu Rathoki hinou laloua mai hrülai hi

JEREMIAH 23:28

Me muyu rachipaola maisü panou mesü paokhaio, ana achipao paoyu maitao sü panou checheyu hinou achipao sü shapao khaio. Thouba sü thou hinou daie veiyu bue?

JEREMIAH 25:2

Enou Judah ae Jerusalem mai hrülai hi paoe,

JEREMIAH 28:5

Süthaisü napao maitao ae Rathoki hinou la-a buyu mai hrülai nghoujü hinou Enou Hananiah hi haibüa paoe:

JEREMIAH 36:10

Süthaisü maisou nou kei-a buyu hinou Enou paopeiyu teitei sü Baruk nou larü nasü Rathoki hi rü-apeio Shaphan nahpoutu Gemariah vei kide hinou phoungao peie. Puhvei kide hai Rathoki vei Robomü Ashu navei reilova nou bue.

JEREMIAH 42:4

Enou haibüa chila peie, “Neletao nou khoyu thaifüa Enou Etao Ramai Mapao hi veachi paopeilai, ae puhnou paoyu veishi sü Enou pokukhai timoa neletao hi paongao peilai.”

JEREMIAH 7:2

Mapao vei ki hi talouyu robomü hinou laloua chipao haitao sü shangao peie: “Mapao ye tholai tea robomü hai hinou talouyu Judah mai hrülai, Mapao vei chipao sü keikhaio.

JEREMIAH 7:27

“Südonou, Jeremiah, nenou chipao haitao sü avei maitao hi paolai, ana puletao nou ne chi kei peilai moe; nenou puletaoye kulai, ana puletao nou neye chila peilai moe.

EZEKIEL 3:10

Ramai nou haibüa paopue, “Thai-a bailaiyu mainare, Enou ne hi paoyu chi khesü soutao sou-a keilo ae licho khaio.

EZEKIEL 33:7

“Chuo, thai-a bailaiyu mainare, Enou neye Israel maitao vei reihkhaoyu maina soupeiwure. Enou ne hi paopeiyu khesü nenou puletao hi paopi peilai.

EZEKIEL 40:4

Puhnou ahi paoe, “Thai-a bailaiyu pure, zhukhaio. Enou paoyu sü soutaosoua keilo ae Enou neye ngaoyu veishi sü zhutou toulo, daiolouzü hai vanou neye sü hai hi save-a nou baie. Nenou Israel mai hisü nenou ngaoyu veishi hai paongao peilai.”

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

LUK NOU RÜYU KO AVEIBVÜ 19:47

Alia puhnou teisanou Rathoki hinou doupei-a bue. Ana napao adumaitao, razhai dou-apeimaitao ea maikhe maiye süthai-apeimai taonou puhye southeare donou phoue;

JOHAN 18:20

Jisu nou puh hi chila peie, “Enou deiphaomai hi dua paongaore; Enou Jihudimai hrülainou vedzüa buyu rathobuhtao ea Rathoki hinou teisanou doupeie. Enou hatalia kheia paokhai moe.

JOHAN 8:2

Thainaisho shohna sü puh hai Rathoki hi tavepu khaire; sükisü maikhemai veishinou puh hi tave loure, alia puhnou kou buloua puletaoye doushu tare.

SEI-ATAMAI VAHTAO 20:20

Neletaoye donou veilousüe touyu talisü Enou halia pokukhaimoa neletao hi dua neletao kilikinou paongao peie ea doupeie touyu sü neletao nou süwe.

SEI-ATAMAI VAHTAO 20:27

Daiolouzü Enou neletao hi Ramai vei lichoyu teitei paongaoyu hisü halia pokukhaiyu hae.

SEI-ATAMAI VAHTAO 5:25

Sükisü mai alinou tave louloua puletao hi paoe, “Zhukhaio, neletao nou hukhahi thoukhai touyu maitaosü Rathoki hinou la-a maikhe maiye doupei-a bure!”

SEI-ATAMAI VAHTAO 5:42

Alia teithetsü Rathoki hinou ea ki ki hinou Jisu hai Khristae tea tobai soumoa puletao nou doupeia ea paodoua bue.

PAODAKHAIYU CHIKHA 12:32

“Enou neletao hi kharochi peiyu veishi zü-a soukhai toulo; sühi thou-a thoupuso alia pha-a phaso.

PAODAKHAIYU CHIKHA 12:5

Ana Mapao nou neletao khü teitei hrohinou puh zhih khaire donou dopalouyu buh sü neletao nou phoulai. Buh sühisü neletao nou tavuzülai.

PAODAKHAIYU CHIKHA 4:2

Enou neletao hi paopeiyu chikhatao hisü haliro thoupuso moa poa popaso. Enou neletao hi peikhai touyu Ramai Mapao vei chikha khesü zütoulo.

JOSHUA 8:35

Moses nou kharochi peikhai touyu tao hai Joshua nou Israel mai hi, naotumai tao hi, mai taidu hi, alia vakou nou ve hrüa buyu mai teitei hisü chako aliro phoupei chemoyu hae.

PONGAOPEIYU 22:19

Alia maitalinou larübvü hainavei rachi paopayu chipaotao hinou hatali popare toulouzü, Ramai nou larübvü haina hinou paokhai touyu Ahri süübe ea mashee nuhdu hinou puhvei zhasü potawulai.