JEREMIAH 24:2 - SHEEYU BAIBEL (BSI)

² Sülai arai na hisü doushi meipa layu büa veishoyu doushi bue, ana sülai kukhe alina hisü shishoyu doushi, toulou shiyu doushi nou bue.

JEREMIAH 24:2 Iomraidhean Croise

ISAIAH 5:4

Enou darkha kipei donou soupei chemoyu dai bue? Enou rashithou aveih shipei shulai tea kho-a bukhai-e, daidonou rashithou ashi tyanou shi-a baiwe?

ISAIAH 5:7

Israel mai hai Khoukhoulai Mapao vei darkha kipei-e, ae Judah mai hai puhnou jüpasho-a shokhai touyu darkhabe nasüe. Puletao hai vah aveih soushulai tea Puhnou cho-e, ana zhe kükouyu vah sou-a baire. Puletao hai kaozü soua hrüshulai tea Puhnou li-e, ana vah ashi khaikho sou-a bubaire.

JEREMIAH 29:17

Khoukhoulai Mapao nou haibüa paoe, ‘Enou puletao hisü soureih, tokaayu, ae rahta rahvu seive peilai, ae Enou puletaoye sü doushi meilale-a toulou shiyu büa soupeilai.

HOSEA 9:10

“Daoraikio Israel mai hai rekounou buyu darkhabe ali büa Enou ngaoloue. Teile kaovei hinou arai nasoua shipeiyu doushibe li ngaolouyu büa Enou puletao paipao ye ngaoloue. Ana puletao nou Peor deichi hi velou loukhaie Baal ye thotare, alia Enou ngaora shoyu basharah ye sü leshi tare.

MIKAH 7:1

E hai daizhou koute veasa! Hrou-a laiyu mai ali nou rashibe hi ae darkhabe hi rashithou aliro ngaolou hoa laiyu mai ali büre. Darkha shithou ae doushi thou sü haikhai touloure.

NAHUM 3:12

Nevei reih khoyu buh buyu nuhdu khesü doushi mei arai soua buyu doube büa baie; mainou ngupei shoko-o, toure mai mü hi dekouh loua bailai.

MAIPEI PHOUYU 18:13

Sütao teitei hai neletao vei zha-e. Naanou hinou sheeyu nevei kihikhamai hrülai nou sütao sü toua bailai.

MATHIU 5:13

“Neletao hai deiphao vei taie. Ana tainou puhkhü nahai hawu louzü, kazhaibüa puhye soukhülou khailai? Süsü polaiwu-a emai phinou taitou baiyuwo deinou hatali donoua koyu hare.