JEREMIAH 23:3 - SHEEYU BAIBEL (BSI)

³ Enou soupho rarou laikhai touyu avei maitaoye sü pove jüloulai, ae puletaoye Enou lah puletao vei teidei hisü sa-a dakhaive peilai. Puletao hai tou-nah taoli hrüloulai ae mai pousho palai.

JEREMIAH 23:3 Iomraidhean Croise

LOUTAO 106:47

Oh Mapaowo, Etao Ramai, Etaoye khailupa peio, ae Etaoye tyahrütao hinou sa-a dakhai ve peio; sükulouzü Etao nou ne kalo sü paolai ae nevei sheeyu zhih sü paosholai.

JEREMIAH 16:15

Süna thaosü, Enou soupho rarou khaitouyu hinou, puletao nou Israel maiye reikou teideitao hinou ae tyadei kukhetao hinou puletaoye save peiyupu, hriyu Ramai Mapao zhih hinou chaachou soulai. Daiolouzü Enou puletaoye puletao vei puopao maitao hi peikhai touyu puletao vei teidei hisü save peilai. Haisü Mapao Enou paowe.”

JEREMIAH 29:14

Ovai, neletao nou Eye ngaoloulai tea Enou paowe, ae Enou neletaoye neletao vei teidei sü dakhai peilai. Enou neletaoye teidei kukhe hi soupho rarou khaitouyu buhtao hinou save jüloulai, ae Enou neletaoye hukhamai soua panou nüpoa tayu teidei hinou sa-a dakhaive peilai. Haisü Mapao Enou paowe.’

JEREMIAH 30:10

“Avei maitaore, ngaopiso; Israel maitaore, chathai taso. Enou neletaoye kadou shoyu buh hinou vupa peilai, ae neletaoye hukhamai soua buyu teidei hinou khailupa peilai. Neletao nou lahvei teidei hi dakhaive kaona-a hrüloulai; neletao hai kaozhou vei-a mai linoua neletaoye soupilai moe.

JEREMIAH 30:3

daiolouzü Enou Israel ae Judah, avei maitaoye panou savare teile pove peire sü velaire. Enou puletao vei puopaoh hi peikhai touyu teidei hisü Enou puletaoye sa-a dakhaive peilai, ae puletao nou haisü teisa vei soure donou kathao loulai. Haisü Mapao Enou paowe.”

JEREMIAH 31:7

Mapao nou haibüa paoe, “Israel maiye donou asa-a lou soulo, ae tyahrütao pei hinou dukayu naye donou shusoua shakhaio. Neletao nou paoshoyu lou sü soukhaio, ‘Mapao nou puhvei maitaoye khailupa peire; puhnou shokhai toua buyu mai hrülaiye sü vupa peire.’

JEREMIAH 31:8

Enou puletaoye sü reilova nou save peilai, ae deiphao akhai hinou puletaoye save jüpeilai. Puletaoye koa nghichayu mai alia shovaiyu mai, poupfüyu mai ae nah nare teile nghitei-a buyu maitao-a panou veloulai. Puletao nou dakhaive tyahrü aduli soulai.

JEREMIAH 32:37

Avei lekha rarou hinou soupho rarou laikhai touyu teideitao hinou Enou avei maitaoye sü sapoa ve jüpeilai, ae Enou puletaoye sü buh hai hi sa-a dakhaive peilai alia puletaoye panou kaozhou vei-a hrüloulai.

JEREMIAH 46:27

“Avei maitaore, ngaopiso, Israel maitaore, chathai taso. Enou neletaoye dousho-a buyu teidei hinou vupa peilai, neletaoye hukhamai soua nüpoa tayu teidei hinou khailupa peilai. Neletao nou ki hisü dakhaive loulai ae kaona-a hrüloulai; neletao hai zhoukao vei-a buloulai, ae mai linoua neletaoye soupilai moe.

JEREMIAH 50:19

Enou Israel maitaoye sü lah puletao vei teidei hi sa-a dakhaive peilai. Puletao nou Karmel Deichi hinou ae Bashan teidei hinou payu touso khesü toulai, ae puletao nou Ephraim ae Gilead teidei hinou payu touso, puletao nou tounüa buyu veishi sü toulai.

JEREMIAH 8:3

Ashi soua buyu tyahrü haina hinou shokhaitoua hria buyu maitao, Enou hupoho khaitouyu buh hinou hrüyu maitao hai hri-a buyu jünou thaiyu na-a jüpa pulai. Haisü Mapao Enou paowe.”

EZEKIEL 11:17

“Südonou Mapao Ramai nou haibüa paowe tea puletao hi paopeio. puletaoye Enou souphorarou khaitouyu tyadeitao hinou puletaoye sü save jüloulai ae puletao hi Israel maivei teidei sü peilai.

EZEKIEL 36:11

Enou maikhe mai-a ae kikhaorüa tyakayu sü peilai. Neletao hai raichoki jünou pousholai, ae neletao hai nahmai alao hrülai. Neletao nou raichoki hrüyu bütoua panou sühisü hrülai ae raichoki jünou pua Enou neletaoye sü savayu hai peilai. Süthaisü neletao nou E hai Mapao-e touyu süloulai.

EZEKIEL 36:24

Enou neletaoye sü tyahrü teitei hinou ae tyadei veishi hinou lah neletao vei teidei hisü sa-a dakhaive peilai.

EZEKIEL 36:37

Ramai Mapao nou paoe, “Enou Israel maiye sü panou ahinou soukha peio tea khopulai, ae Enou puletaoye sü zhaokhome hinou zhaotu hai alao poupayu büa soupoupa peilai.

LEVIMAI LARÜBVÜ 26:9

Enou neletaoye shiha peilai ae toudzü alao peilai; Enou neletaoye koa vo soukhai touyu nasü soupeilai.

MIKAH 2:12

“Ana Enou neletaoye sü save jüpeilai, shokhai toua buyu Israel maitaoye sü save jüpeilai. Enou neletaoye sü zhaotu khenou me hi dakhai veyu büa savejü peilai. Heiphao hi zhaotu khenou phoutao-a buyu büa neletao vei teidei hisü mainou phoutao-a panou bupu peilai.”

MIKAH 7:12

Neletao vei maikhe mai sü buliki hinou veloulai — teinghei palova buyu Assaria hinou, khelova buyu Ejipt hinou, Euphratis hilo vanou, zaidu hilo nou ae deichitao hinou veloulai.