JEREMIAH 22:3 - SHEEYU BAIBEL (BSI)

³ ‘Mapao Enou neletao hisü kaozü vah ae acheche nasü soulo tea kharochi peiwe. Mainou pirayu maiye maishiyu maitao bah hinou vupa peio. Shejümai, pfüpuo hamai, moa mimea pfütaoye ngaophou moyu souyu, ae sheeyu buh hai hinou mah hayu maivei zhe soupaso.

JEREMIAH 22:3 Iomraidhean Croise

2 SAMUEL 23:3

Israel maivei Ramai nanou paoe, Israel maivei chuhdu nanou ahi paowe: “Acheche hinou teidei khopeiyu veo, Ramai vei chi zü-a teidei khopeiyu veo,

2 VEMAITO 24:4

ae matsü tsülai soua puhnou mah ali-a hayu maitaoye southayu donou hai khesü panou vepare. Manasseh nou soukhai touyu mah haisü Mapao nou khaipeilou hore.

JOB VEI LARÜBVÜ 22:9

Nenou meamaipfüye soukha moyu themoa vearou nahmai vei-a shaolou-a souvea peie.

JOB VEI LARÜBVÜ 24:9

Mai ashimai nou pfüpuo hayu vearou nahmaiye saloua panou qila souloue, alia toure hamai nou puletao paoh khapei louho khaie, nahmaiye nou nülou-a baiwe.

LOUTAO 68:5

Ramai hai puhvei sheeyu Rathoki hinou bue; puhnou rounahtou taovei pfüpuo sü soupeie, ae mimea maipfütaoye sü vupa peiwe.

LOUTAO 82:4

Puletaoye mai ashi mai bah hinou vupa peio.

LOUTAO 94:6

Puletao nou mimea maipfü ae rounahtou taoyesü southa peie, ae Etao teidei hi ve buyu shetumaiye sü taitha datha peiwe.

TAPALOUYU 22:21

“Shetumai aliye ngaophou moyu moa souchoro laimoe, daiolouzü neletao-a Ejipt teidei hinou shetumai ali soua hrüe.

TAPALOUYU 22:22

Meamaipfü moyuma rounahtu khesü neletao nou souvea laimoe.

TSÜCHITAO 23:10

Puopao maivei deirai chuh polaiso, moa pfüpuo hayu maivei deirai taisouo.

ISAIAH 1:23

Neletao vei süthai-apei maitao hai maishi tare, ae avao maiye koa samai khamai soutare. Puletao hai seihla züpa tare alia sapeina khesü thaihu tare. Puletao hai vearou nahtouye sü vupei more alia mimeapfütao nou paoyu chi sü keipei bare.

ISAIAH 58:6

“Neletao nou lühyu phaki Enou jüpayuwo louzü: kaozü moyu ae lelouho maiye pira-a souveayu raiphu nasü phipa peiyu, alia mai khenou veasho-a buyu maitaoye panou lahdosou louyu,

ISAIAH 58:7

houzü laimaiye touso peiyu, ki ha-a vealai maiye panou neletao ki hinou buchao louyu, sabanü hayu maiye sabanü peiyu, alia lah neletao vei kityarai maiye leshilo.

JEREMIAH 19:4

Enou haibüa soupeilai, daiolouzü maikhe mainou Eye thaowure, ae puletao nou moa puletao puopao nou, moa Judah hi vemaitao nou sümoyu rah kukhe hi posheela peia buh hai nasü souzhai peiwure. Puletao nou teidei hai hi mah hayu mai zhe soukou peire,

JEREMIAH 22:17

Ana neletaowo louzü lah vi loure likhei phoua baie; mah hayu mai zhe soukou peire ae lah maiye souchoro pei-a bubaie. Haisü Mapao Enou paowe.

JEREMIAH 26:16

Süthaisü süthai-apei maitao ae maikhe maitao nou napao maitao ae rachipaola maitao hi paoe, “Mai haina hai Etao hi Eletao vei Ramai Mapao zhih hinou chi paowe; puhye southayu kaomoe.”

JEREMIAH 5:28

puletao sü hübo veipare ae touso hai veishoa touloure. Puletao vei vah ashi souyu sü akhai hae. Puletao nou pfüpuo hamaitao vei kaozü soupei moe moyuma veahoyu maitao zü zhupei more.

JEREMIAH 7:23

Ana Enou puletao hi achi zülo tea kharochi peie, sükulouzü Enou puletao vei Ramai soulai ae puletao hai avei mai soulai, alia Enou kharochi peikhai touyu thaifüa puletao nou soulouzü, hai teitei hai puletaoye donou kaozhou veia bailai.

JEREMIAH 9:24

Ana mai talinoua khaophu soulai toulouzü Eye süyu hinou panou khaophu soulo, daiolouzü Avei leshi hai tobai soumoa bukoute peilai, ae Enou acheche ae kaozü vah sü soupeilai. Enou jüpayu vah sü haitaore. Haisü Mapao Enou paowe.”

DOPFÜYU 3:36

Chikubuh hisü kaozü nasü porei laiwure touyu hai puhnou süwe.

EZEKIEL 18:12

touhayu maiye lalu louzü, maivei shaotou shaoso louzü, poupao louyu puh hi bandha khaitouyu khesü poloure toulouzü, cheche moyu rathoki hi veta louzü ae basharataoye thota louzü,

EZEKIEL 18:7

puhnou mai hi lalumo louzü moa maivei shaotou shaosomo louzü, puopao louyu mainou bandha khaitouyu na khesü puh hi lukhai peilouzü, puhnou touha-a laimaiye touso peilouzü ae sabanü hayu maiye sabanü peilouzü,

EZEKIEL 22:7

Nuhdu hi hai mai linoua pfüpuo maiye tsükhou more. Neletao hai shetumai hinou dazhuyu vah sü soupfüre ae mimeapfü ae rounahtou hinou kaozhou aveih nasü phoure.

EZEKIEL 45:9

Ramai Mapao nou paoe, “Israel maiye khasa-a hrüyu maitaore, neletao hai mahmo soupou lere! Neletao vei zhaipou ashi ae maiye souchoroyu sü bailo. Acheche ae kaozü vah nasü soulo. Avei maitaoye puletao vei teidei hinou hutapu khaiso. Haisü Ramai Mapao Enou ne hisü paoe.

JOEL 3:19

“Ejipt hai mainou hrülou shiyu dei soutalai, alia Edom haisü kitayu rekou soutalai, daiolouzü mah lia hayu Judah maiye souveawure alia southawure.

LEVIMAI LARÜBVÜ 19:15

“Neletao nou maichi kuyu phaki tsüle shee-a kaozü hinou chiku peio; touhayu maiye souku peiso, moa toungiyu maiye ngaopiso.

AMOS 5:15

Ashi nasü ngaoralo ae aveih nasü leshilo alia acheche nahai ne buh hinou soushulo; sükulouzü hrülai pei hi Mapao Ramai nou daoti shokhai toua buyu Israel maiye zhuvea peishulai.

AMOS 5:24

Ana kaozü nasü panou reidzü büa külo, alia acheche nasü panou teisa nou küa buyu reitou büpeio.

MIKAH 3:11

Nuhdu vei peikho maitao nou seihla toua khore, napao maitao nou Chikha sü shi-zho peia paolapa poa baire, rachipaolayu maitao sünou pousha donou pao-a bure — ae puletao mai hrülai sü Mapao nou puletaoye kozho peiwe tea khaloure. Puletao nou paoe, “Kaozhou ashi sü velai moe, Mapao nou puletaoye koa bue.”

MIKAH 6:8

Moe, Mapao nou Etao hisü kabüyu paityanou veiwe touyu sü paopeiwure. Mapao nou Etao hinou jüpayu louzü: kaozü souyu, tobai soumoa leshiyu nasü soungao peiyu, ae tainoutou soua Etao Ramai ye koa hrüyu hai nou jüpa-a baie.

MALAKAI 3:5

Süthaisü chikure donou E nekhemai hi nghikoulai; kheikhupado soumai, maichapfü sapamai, dayu-a chaachou soumai, maiye souveamai ae vah soumai zho peitou momai, meamai ae rounah ye souveayu mai, shetu maiye deima bumai alia Eye pimoyu mai pei hisü Enou chisho-a tudee peilai, tea Khoukhoulai Mapao nou paoe.

MATHIU 23:23

“Aveikho souyu razhai dou-apeimai ea Phariseemaitao, neletaoye donou daizhozhou ngaopisa! Daiolouzü neletao nou Ramai hi kainü veiyu vupoutao süolouzü, naipou, kiko ea naipyawo louzü zha kirou hinou zhali posheelae, ana neletao nou razhai hinou matsü shoyu natao süolouzü checheyu, zhuvea peiyu ea loucheyu sütaohai ngaophoukhai more. Kukhetao-a ngaophou moyu soumoa neletao nou haitaohai soulouyu phae.

PAODAKHAIYU CHIKHA 10:18

Puhnou pfüpuo hamai alia mimeamai ye donou kaozü vah soupeie, alia shetumai ae houzü laimai tousho ae sabanü pei-a leshi peie.

PAODAKHAIYU CHIKHA 24:17

“Shetumai moa pfüpuo hayumai vei kaozü nasü souha laimoe, moa meamaipfü vei sabanü hai bandare donou tea polou laimoe.

PAODAKHAIYU CHIKHA 24:7

“Maitalia puh thaihou jürai Israel mai kukhe aliye nüloua puhye qila mai ali büa sa-a vah soulouzü moa puhye zho louzü, mai sünasü southalai. Neletao hrohinou ashi sü popa laiwulai.

PAODAKHAIYU CHIKHA 25:1

“Mai ahai hai hali saovaloua chikuyu phaki, chikuyu mainou mahzü zhulai, süthaisü thaonou kaoe alia thaonou mah-e touyu paopeilai.

PAODAKHAIYU CHIKHA 27:19

“ ‘Shetumai, pfüpuo hamai moa mimeamai vei chechemoa vah soumah peiyu mai sü chaa ngaotheo.’ “Süthai mai hrülai nou ‘Amen!’ tea paolai.

JEMS 1:27

Puo Ramai nghojünou sheetouyu ea zhaikhai moyu rahrüzhai sünawo louzü, vearounaye ea meamaipfütaoye puletao vei veahoyu hi tave zhupeiyu, alia mailinou lah puhye deiphao nou soushi peiwure hinou chaalia taomoa bulouyu sünasüe.