JEREMIAH 21:2 - SHEEYU BAIBEL (BSI)

² “Etaoye donou Mapao hinou noupeio, daiolouzü Babilon hi Veo Nebukhadnezzar nou Etao pei hi reih hulou loure. Mapao nou Etaoye donou khupa vah ali soupeia Nebukhadnezzar vei reihmaitaoye panou thaikhai tapei-a sülou hoe.”

JEREMIAH 21:2 Iomraidhean Croise

SHURAI 10:10

Shurai hi hai puhvei vedei sü Babel, Erek ae Akad, haitao asü nou Shinar (Babilon) teidei hinou bue.

2 VEMAITO 1:3

Ana Mapao vei rakivamai alinou Tishbe hinou buyu rachipaolawo Elijah hi taho Veo Ahaziah nou seitayu kopomaitao hisü haibüa noukhaio tea kharochi peie, “Neletao daisounou Ekron vei rah Baalzebub ye sü phakulai tea tawe? Israel mai hi Ramai hare tea neletao nou tsüchowu?

2 VEMAITO 17:24

Israel maiye nüpoa tayu thai, Samaria nuhdutao hi panou maiye hrüre donou Assaria hi veo nou Babilon, Kuth, Ivvah, Hamath, ae Sepharvaim nuhdutao hinou maiye sapove thoupeie. Puletao nou Israel maivei nuhdu khesü poloua nou sühinou ve hrüe.

2 PUOPAOKO 32:21

Mapao nou rakivamai ali seive Assaria maivei reihmaitao ae peikhoyu maitaoye southa khaiwure. Südonou veo sü hrao ngao-a lah puhvei teidei hisü dakhai tare. Ae teithe ali puhnou puhvei rahye tholai tea rathoki hi veyu phaki, lah puhvei nahmai kamai-a nou puhye sü buh sühinou khoche nou daothawure.

TAPALOUYU 9:28

Mapao hi veachi paopeio. Teisüyu ae reithou kouyu hai taisüre! Enou neletaoye panou talaire, neletaoye panou haihi bupulai more.”

ISAIAH 48:2

Ana neletao hai khaophu soua sheeyu nuhdu hinou hrüyu maitao-e tea paowe, ae Israel maivei Ramai, Khoukhoulai Mapao ye louche-a bue tea paoe.

JEREMIAH 15:11

Oh Mapaowo, ngaoba maitao nou tateia veayu phaki, Enou puletao thaosou soukha khokha molouzü ae Enou puletaoye panou veiloure donou paokhai timolouzü, puletao nou chaa peiyu khesü panou apei hi vetheo.

JEREMIAH 21:3

Süthaisü Jeremiah nou puletao hi paoe:

JEREMIAH 32:17

“Oh Ramai Mapao, nenou raki ae deiphao sü nevei khouko sünou soupeie; halia neye donou tateiyu sü ha-e.

JEREMIAH 32:24

“Babilon mainou nuhdu hai nasü poloure donou pehao veishi hinou reih huloure donou souda-a kholoure. Soureih, tokaayu ae sounou ashi sünou nuhdu hai nasü puletao vei bah hi thoupeiwulai. Nenou paopei khaitouyu teitei sü cheche-a vepayu hai nenou ngaolai.

JEREMIAH 34:1

Babilon hi Veo Nebukhadnezzar ae puhvei reihmaitao, alia puhnou veilouyu tyahrütao vei reihmai hrülai nou Jerusalem ae süpehao hi buyu nuhdutao hi soureih huloua buyu teile phaki Mapao vei chipao sü ahi ve-e.

JEREMIAH 37:17

Veo Zedekiah nou maiye seive Eye saloue, ae puhnou kheikhei soua puhvei ki hinou ahi noue, “Mapao hinou chipao ali-a buhage?” Enou chila peie, “Bue! Neye sü Babilon vei veo bah hi peiwulai.”

JEREMIAH 37:3

Veo Zedekiah nou Shelemiah nahpoutu Jehukal, ae Maaseiah nahpoutu napao Zephaniah ye ahi seive tyahrü donou Etao Ramai Mapao hinou veachi paopeio tea paoe.

EZEKIEL 7:26

Veahoyu ali pei hinou veahoyu kukhe ali hai veloulai, ae tobai soumoa ko ashi khesü thaokhai toumoa neletao hisü veloulai. Neletao nou rachipaola peiyu maitao hisü puletao nou ngaoyu khesü paongao peio tea kholai. Napao maitao nou maikhe mai hi halia paodou peiloulai moe, ae tsümaitao nou maikhe mai hi halia doupeilai moe.

CHIKUAPEI MAITAO 20:27

Süteile phaki Ramai vei Vo sübvü nasü sühi bue, ae Aaron tyao, Eleazar nahpoutu Phinehas nou sünasü zhua bue. Israel mainou Mapao hi noue, “Etao thaihou-jürai soua buyu Benjamin khüye Etao taho reih soupu laiho bailaige?” Mapao nou “Taho reih soupuraio, doshowo Enou neletaoye veilouyu sü peilai,” tea paoe.

1 SAMUEL 10:22

südonou puletao nou Mapao hi noue, “Mai kukhe mai bupu hivu?” Mapao nou chila peie, “Saul hai na khaiyu buh hinou tutsüa bue.”

1 SAMUEL 28:15

Samuel nou Saul hi paoe, “Ne daisounou Eye kudakhai ve souchorowe?” Saul nou chila peie, “E choha-a nou veashoa bure. Philistin mainou Eye sü soureih soulai tea bure, ae Ramai nou Eye thaowure. Puhnou Eye sü rachipaola peiyu mai hinou moyuma zhiho mekou hinoua chaku peimore. Südonou daisouyua veilai touyu paopeio tea neye kupoa vewe.”

1 SAMUEL 28:6

südonou puhnou Mapao hinou dai souyua veilai tea noue. Ana Mapao nou puhye sü zhiho mekou hinoua, moa Ramai vei leli poa zhuyu Urim ae Thummim hinoua, moyuma rachipaola peiyu maitao hinoua chila sü peimore.