JEREMIAH 2:8 - SHEEYU BAIBEL (BSI)

⁸ Napao maitao nou haibüa paolou moe, ‘Mapao sü daiki bue?’ Avei napao maitao nou Eye sümoe. Teidei khomaitao nou Eye hailoua baire; Rachipaola maitao nou Baal zhih hinou rachi paotare, ae halia viyu hayu basharatao sü thotare.

JEREMIAH 2:8 Iomraidhean Croise

1 VEMAITO 18:22

Süthaisü Elijah nou paoe, “Mapao vei rachipaolayu mai hai E lah likhei baire, ana Baal veo rachipaolayu mai hai 450 buhie.

1 VEMAITO 18:29

Puletao nou heamajü, ae koukhe koute sü shusoua ra-a nou veachi paoe, ana chila aliro peimore, paikho lia choua choumore.

1 VEMAITO 18:40

Elijah nou maikhe mai hi paoe, “Baal vei rachipaolayu maitaoye nülo; mai lia panou tupa louso!” Maikhe maitao nou puletaoye sü nüloure, ae Elijah nou homaitaoye sü Kishon Rei hi sakou loua southawure.

JOB VEI LARÜBVÜ 35:10

Ana puletaoye Sou-apeio, puletao nou veasho-a buyu teile hi puletaoye areih peiyu Ramai hisü velou moe.

ISAIAH 28:7

Rachipaola-apei maitao ae napao maitao koute-a zhaoh sozhi poa chaorara-a baire. Puletao hai zhaoh sobaleyu donou choha-a laire. Ramai nou vepare donou zho ngaopeiyu sü sükulou hore, alia napao maitao-a kaozü hinou chidei soupeilou more.

ISAIAH 29:10

Daiolouzü Mapao nou neletaoye panou zhitei tare donou rako sü seive peiwure. Rachipaola apei maitao hai maisou vei nghithou souyu pha-e, ana Ramai nou puletao nghithou sü vaoho loure alia vepare zhingaoyu maitao pei sü hongiwure.

ISAIAH 30:5

puletao mai hrülai sü dopfüa bailai, daiolouzü puletaoye donou viyu ae soukha lousü halia hayu tyahrü ali hi puletao vei louche buyu donou hraongu ngao-a bailai.”

JEREMIAH 10:21

Enou chila peie, “Etao vei süthai-apei maitao hai tsü veimore; puletao nou Mapao vei leli soulou more. Südonou puletao sü kaodu tare, ae Etao vei maitao sü raroupo tare.

JEREMIAH 12:10

Vakou teidei khomai alao nou avei darkha toupei sü soushiwure; puletao nou avei dou sü taika chichiwure; puletao nou veishoa buyu avei teidei sü radeiki soupeire.

JEREMIAH 16:19

Mapaowo, Eye vupa peiyu ae khouko peiyu sü ne baie; nenou Eye veahoyu teile hi soukha peie. Teidei akhai hinou buyu tyahrütao nou ne hi tave haibüa paolai, “Eh puopao mainou cheche moyu rahtao ae komoyu basharatao sü tho baie.

JEREMIAH 18:18

Süthaisü maikhe maitao nou paoe, “Etao nou Jeremiah pei hi hali soupei laikhe! Daiolouzü teisa nou napao maitao ae hasüyu maitao nou Etaoye paodou peia bailai, ae rachipaola maitao Ramai vei chipao sü paopeia bailai. Eletao nou puhye chipao lakonou paodu peilaikhe, ae puhnou paoyu chi sü keipeilai moshe.”

JEREMIAH 2:11

Maihrüh talinoua puletao rah hai chechemoyuma puletao vei rah datayu buwu? Ana avei maitao nou puletaoye souposhu veisho peiyu Ramai naye sü hazholia moyu basharaye pothou leawure.

JEREMIAH 2:6

Puletao nou Eye lichopei moe, Enou puletaoye Ejipt hinou vupaloua mai nou hrümoyu ae tayu koute talaimoyu, sünghou pounghou tsümoyu, ngaopi shoyu ae hakalou veiyu veidu teitei hi-a Enou puletaoye sa tapeie.

JEREMIAH 4:22

Mapao nou paoe, “Avei maitao hai vopare; puletao nou Eye sümore. Puletao hai voyu nahmai ali büre; puletao hi sükulou süyu tsü hare. Puletao hai vah ashi souyu hio souvei shore, ana vah aveih louzü soupfülou more.”

JEREMIAH 5:31

rachipaola maitao nou acheche chi paomore; napao maitao hai rachipaolayu maitao vei kharochi hinou teidei kho-a baire, ae avei maitao nou haisü jüpa loure. Ana akhai teile veyu kisü puletao nou dai soulai?”

JEREMIAH 7:8

“Zhukhaio, neletao nou cheche moyu chipaotao sü louchewe.

JEREMIAH 9:14

Puletao nou rochi sholoure ae puletao vei puopao maitao nou doupeiyu büa Baal vei bashara sü tho tare.

EZEKIEL 22:26

Napao maitao nou avei chikha sü pfüthore ae puletao nou sheeyu nasü tsükhou peimore. Puletao nou sheeyu ae sheemoyu nasü haibüa nou tyaku hie touyu sü doupei more. Puletao nou sheeyu natao ae sheemoyu natao tyakuyu sü doupei more ae Soteithe sü puletao nou ngaophou more. Südonou Israel maitao hai Eye tsükhou more.

EZEKIEL 34:2

“Thaire maipu nare, Israel maiye süthai peiyu maitao hai Ramai nou aetou more tea paopeio. Ramai Mapao Enou puletao hi haibüa pao-a nou bure tea paopeio. Israel maivei zhaokhao maitao, neletao hai daizhou koute vealaisa! Neletao hai lahye kikoloua nou zhaotu khesü zhupei more.

HOSEA 4:6

Amaitao nou tsüdo hayu vanou haka tare; daiolouzü puletao nou tsüdo ye sü malaiwu baire, südonou E-a puletaoye sü napao vei vah souyu hinou malaiwulai. Alia puletao nou Ramai vei chikha sü ngaiyu thaifüa, E-a puletao vei tyaonah ye sü ngaiwulai.

HABAKKUK 2:18

Mainou souyu bashara ae da-a nou dou-apei maitaoye thoyu hai dai viyu bue? Daiolouzü puletao hai halia soupei louhoyu ae raolou hoyu bashara, lah nou soukhai tiyu nasü louchewe.

MATHIU 16:26

Daiolouzü mailinou deiphao teitei zhiloukhaia puh vei hrirai hai halouzü sünanou puhye donou dai koyu bue? Moa mai alinou puhvei hrirai lealoure donou dai peilai?

LUK NOU RÜYU KO AVEIBVÜ 11:52

“Razhai dou-apeimaitao neletaoye donou daizhozhou ngaopisa! Daiolouzü neletao nou tsü kikhu houpeire khareih sü poloure; lah neletao-a taloumoe, alia taloulai tea te-a buyu maitaoye-a neletao nou nuwure!”

JOHAN 16:3

Alia puletao nou Puo moa Eye sümoyu donou vah haitaosü neletao hi soulai.

JOHAN 8:55

Neletao nou puhye sükhaimoe; ana Ewo puhye süwe. Enou puhye sümoe tea paolouzü, E-a neletao büa amadamai souwulai. Ana Enou puhye süwe ea Enou puh chi züwe.

2 KORINTHMAI 4:2

Ehnou kheikhei souyu ea ahraoyu vah teitei thaowure; Ehnou mada-a vah soumoe, moa Ehnou Ramai chipao sü mah-a doupei moe. Acheche vei dukhyayu ava hinou Ehsü Ramai nghojünou hrüwe ea lah Ehye mai hrülai vei veishoyu lekhe tsühi thoupeire donou Ehnou tewe.

PAODAKHAIYU CHIKHA 33:10

Puletao nou nevei chikha sü nevei maitao hi zülo tea doupeilai, Puletao nou nevei sheelabu hinou posheelayu khesü soupeilai.

1 SAMUEL 12:21

Cheche moyu rah khesü thopu khaiso; puletao nou neletaoye sü soukha peilou hoe, moyuma khailupa peilou hoe, daiolouzü puletao hai cheche moyu rah baie.

1 SAMUEL 2:12

Eli vei nahpoutu ahai hai shita khaire; puhai nou Mapao ye tsükhouyu sü hare,