JEREMIAH 2:5 - SHEEYU BAIBEL (BSI)

⁵ Mapao nou haibüa paoe: “Neletao vei puopao maitao nou Ahi dai mah dukalaige? Puletao daivanou ahinou tarei tawe? Puletao hai komoyu bashara khesü tho tare ae lah puletaoye sü muh souhawure.

JEREMIAH 2:5 Iomraidhean Croise

2 VEMAITO 17:15

Puletao hai puhnou paodou peiyu khesü zübare, puhnou puletao vei puopaoh maitaoye koa vo soukhai touyu nasü pfüthowure ae puhnou puletao hi paopi peiyu khesü ngaophou more. Puletao nou haliro soulou hoyu bashara khesü tho tare ae puletao hai muhlia hayu mai soutare. Mapao nou puletao hi puletao vei pehao hinou hrüyu maivei zhaidou hai douso tea kharochi peiyu sü züba-a sükhesü soupfü tare.

LOUTAO 115:8

Puletaoye soupeiyu maitao ae puletaoye loucheyu maitaoye sü panou basharatao bütou peie.

ISAIAH 29:13

Mapao nou paoe, “Mai haitao hai Eye thowe tea paowe, ana puletao vei tsüle louzü ahinou dousho-a bue. Puletao nou Eye thoyu haiolouzü mai nou doupeiyu zhai hinou soua baie.

ISAIAH 44:9

Bashara souyu maikhesü hamako baie, ae sükheye paosho-a asayu sü viyu ae koyu ali-a ha-e. Puletao nou tho-a buyu rah khesü nghicha-e alia halia sümoe, südonou puletao sü hraongu ngao-a bailai.

ISAIAH 46:12

“Tsüle khoushoa buyu maitao, khailupa loure hinou doushoa buyu khemai, achi keilo.

JEREMIAH 10:8

Puletao hrülai nou tsü hae ae vomai baie; süü nou daokhai touyu basharatao hinou daio douloulai?

JEREMIAH 12:2

Nenou puletaoye shopeie, ae puletao nou maa tsülou loure; Puletao nou vipaloua rashithou shiloure. Puletao nou teisa sü neye paovei peiwe, Anou puletao tsüle louzü ne hinou dousho-a bue.

JEREMIAH 14:22

Tyahrü kukhe maivei bashara linoua teirü sü seive peilou hoe; ratei lah nou teirü sü seikou peilou hoe. Etao Ramai Mapaowo, Etao vei areih nasü ne likhei baie, daiolouzü nenou hai teitei sü soupei baie.

JEREMIAH 2:31

Oh Israel maitaore, Mapao vei chipao sü lenoua keilo. Israel maitao nghoujü nou Esü komoyu dei ali büa baidou? Mo-a zhitei touyu teidei ali bübaivu? Süku molouzü daidonou avei maitao nou Eye lia lahdo soua bailai, ae ahi dakhai vepulai moe tea paowe?

JEREMIAH 2:4

Jakob vei tyaosholea alia Israel maitaore, Mapao vei chipao keilo.

JEREMIAH 8:19

Keikhaio! Teidei veishi hinou Amaitao nou kra-a buyu pai sü Enou choue, “Mapao sü Zion hi bumovu? Zion hi veo sü sühi bumodou?” Puletao vei veo, Mapaonou haibüa chila peie, “Neletao daidonou basharatao tho-a Alekha soupawe, ae komoyu vakou maivei rah khesü thowe?”

EZEKIEL 11:15

“Thai-a bailaiyu mainare, Jerusalem hinou hrüa buyu maitao nou neye alia ne thaihou jürai maitao, vakou nüpoa tayu maitaoye haibüa paoa nou bue, ‘Vakou nüpoa tayu maitao hai Mapao hinou dousho-a tare, südonou teidei hai sü puhnou Etaoye peiwure.’

EZEKIEL 14:5

Bashara sütao nou Israel maiye sü ahi nou sapoa savai nou tare, ana avei chila peiyu sünou puletaoye ahi sapoa dakhai velou shulai tea avei areih hai bue.

JONAH 2:8

Hamako hinou bashara ye thoyu mainou puletao vei acheche nasü thaore.

MATHIU 15:8

‘Mai haitaonou Eye puletao tai hinou tsü khoue, ana puletao lehai Ahinou doushoa bue.

SEI-ATAMAI VAHTAO 14:15

“Maikhe maitaore, neletao daidonou haikuyu vah hai souwe? Eh-a nele büyu maibaie, alia neleye panou hakoyu haitao teitei hinou tareiloua raki, deiphao, zaidu ea sütaohi buyu teiteiye soupeiyu hriyu Ramai hi panou veloure ko avei sü Ehnou nelehi povewe.

ROMMAI 1:21

Puletao nou Ramaiye sükhai-a puhye sü Ramai hie tea puletao nou tsükhou peimoe moa puh hi kalo paomoe. Süjüwo, puletao tsü sü voteih tare, alia puletao vei sakhaiyu le sü azhinou phouloure.

PAODAKHAIYU CHIKHA 32:21

Puletao nou cheche moyu rahye thoyu donou, ae bashara kheye thoyu vanou alekha sü daipa peiwe. Südonou Enou puletaoye panou tyahrü kukhe maiye ngaorai talai; Enou voyu tyahrü aliye panou puletao lekha sü daipa peilai.

1 SAMUEL 12:21

Cheche moyu rah khesü thopu khaiso; puletao nou neletaoye sü soukha peilou hoe, moyuma khailupa peilou hoe, daiolouzü puletao hai cheche moyu rah baie.