JEREMIAH 17:2 - SHEEYU BAIBEL (BSI)

² Neletao vei maitao nou daiyu süübe phi ae deichi kuyu kinou posheelabu khesü souloua ratho tare ae Ashera rapfüpai zhurai souloua thotare,

JEREMIAH 17:2 Iomraidhean Croise

2 PUOPAOKO 24:18

Südonou maikhe mai hai puletao vei puopaoh Ramai Mapao ye Rathoki hi ve ratho more, ae bashara alia Asherah rahpfüpai zhurai khesü tho tare. Puletao nou haibüa mahmo soutayu donou Mapao vei lekha-rarou sü Judah ae Jerusalem hisü vere.

2 PUOPAOKO 33:19

Veo nou veachi paoyu ae Ramai nou puhvei veachi kei peiyu, ae puhnou ledalou mojü mahmo souyu teitei— puhnou vah ashi souyu, cheche moyu rahye thoyu ae Asherah rahpfüpai vei zhurai daoyu ae puhnou basharataoye thoyu veishi sü Rachipaola peiyu maitao Larübvü hi rüthou peikhaitoue.

2 PUOPAOKO 33:3

Puh puo Hezekiah nou soushi khaitouyu basharatao thoyu buh khesü puhnou soushupu loure. Puhnou Baal rahye thore donou posheelabu soupeie, Asherah rahpfüpai zhurai sü souloure, ae puhnou teivu khesü thotare.

LOUTAO 78:58

Puletao nou rashitaoye thoyu buh souyu donou puhvei rarou sü soupa peie, ae basharataoye thoyu donou puhvei lekha sü daipa peie.

TAPALOUYU 34:13

Puletaoye koa chavei lathao rejüo, puletao vei posheelabu khesü soukho laiwo, puletao vei sheeyu chuhsho khe ae Asherah rah vei zhurai khesü soushi soukho laiwo.

ISAIAH 1:29

Daiolouzü neletao hai süübe taoye thoyu donou alia jüpasho-a sheeyu kipei. soulai tea dokupa khaitouyu donou hraongu ngaolai.

ISAIAH 17:8

Alia puletao bah nou soukhai touyu bashara khesü thaowulai, ae puletao bah nou soukhai touyu Ashera rapfüpai ae kainüvei pou dei-a posheelayu rathobu khesü louchemo ta-a bailai.

JEREMIAH 2:20

Khoukobu Mapao nou paoe, “Oh Israel maitaore, neletao nou achi zübae ae Eye thobae. Deichi kuyu hinou ae süübe phi khonou neletao nou khakha-a tounah hrüloure vei rah sü thotare.

JEREMIAH 3:23

Deichi vanou cheche moyu rahtaoye thoyu donou Etaoye soukha peimoe. Israel maiye soukha peiyu hai Etao Ramai Mapao hinou ve-a baie.

JEREMIAH 3:6

Josiah nou veo soua bukinou Mapao nou ahi paoe, “Louchelou shiyu naotupai, Israel nou dai vah souyu ne ngaoho moe? Puletao nou kabüa deichi kuyu vahi tapaloua ae süübe phi khonou khakhayu vah sou-a laiyu ne ngaomoge?

JEREMIAH 7:18

Puletao nou Rakiva Vepfüpai tea kua buyu rah pfüpaiye raokhao khaolou-a sheelare donou nahmaitao nou süü raowe, puo maitao nou mei souwe ae pfü maitao nou sou shaoloua raokhao souwe. Puletao nou avei lekha rarou soupeire donou rah kukhe hia zhaoh nghou peiwe.

EZEKIEL 20:28

Enou puletao hi peilai tea paohpei khaitouyu teidei hisü puletaoye save thoupeie. Puletao nou kuyu deichitao ae süübe duyu khesü ngaolouyu phaki, neletao nou sütao hi posheela khesü peire. Puletao nou meidei-a posheela peiyu ae thoudzü vei posheela peiyu sünou avei lekha rarou soupa peie.

PAODAKHAIYU CHIKHA 12:2

Neletao nou talou tyahrü kukhemaiye hulai-a teidei polouyu kisü deichi taohi, deitao pei hi alia süübe phihi puletao nou ratho buh khesü souhakhai toulaio.

CHIKUAPEI MAITAO 3:7

Israel mainou puletao vei Ramai Mapao ye ngaiwure, alia Mapao nghoujünou vah ashi soutare, alia Baal ae Asheroth rahye sü thotare.