JEREMIAH 15:3 - SHEEYU BAIBEL (BSI)

³ Mapao Enou puletao pei hi ngaopi shoyu tya adai pove peilai tea lelawure: soureih souyu hinou puletaoye southa peilai; sei panou puletao vei thaiphao sü daopoa nou talai; teihi raohou panou daotoulai, ae shokou sü rekhaonatao panou toulai.

JEREMIAH 15:3 Iomraidhean Croise

LOUTAO 68:23

sübüa neletaoye ngaobayu maitao vei zhe hinou neletaoye panou hopoa talai, ae neletao vei sei khesü panou puletao vei zhe hai tounü sha sü laitoulai.”

ISAIAH 18:6

Puletao vei thaiphao khesü daovu peimoa panou raohou ae rekhaona nou toulou bailai. Puletao vei thaiphao khesü raohou khenou teilüki toulai, alia rekhaona khenou teisaiki toulai.”

JEREMIAH 12:9

Enou dopakhai touyu maitao sü raohou ali büa puletaoye sü lüche nou nütoure donou ngousühao loure. Rekhaona khesü kuloua panou khonüh nüyu hisü tave loulo!

JEREMIAH 14:12

Puletao nou tovai rei-a lüa ahinou soukha peio tea veachi paoyuma, Enou kei peilai moe, ae puletao nou poukai nüvei meidei-a Eye posheela pei-a buyuma Enou popeilai moe. Ana Enou puletao hi khoche, tokaayu ae sounou ashi sünou seive souhalai.”

JEREMIAH 14:16

Alia puletao nou rachipaolayu kei-a buyu maitaoye sü southaloua puletao vei thaiphao sü Jerusalem vei maisou ludu hi khilaikhai peilai, daiolouzü puletao vei thaiphao daovu peire hai mai bulai moe. Haibüyu sü puletao mai hrülai hisü velai — chapfü maitao, ae nahpoutu naotu maitao hrülai hi velai. Daiolouzü Enou puletao pei hi puletao nou ngaozüyu hashi nasü paoh khapeilai.”

JEREMIAH 16:4

Puletao hai sounou ashi souloua thai bailai, puletaoye donou mai linoua dopfü peilai moe, moa daovu peilai moe. Puletao vei thaiphao khesü dei hi nghoushi büa bubailai. Puletao sü khoche mü hinou moyuma tokaa vanou thai-a bailai, ae puletao vei thaiphao sü raohou ae rekhaonatao vei touso soua bailai.

JEREMIAH 7:33

Thaiphao sünou tei hi raohou ae rekhaona vei touso soulai; ae mai linoua puletaoye pilailou laimoe.

DOPFÜYU 3:11

Puhnou Eye ludu hinou hulaiwure, Eye paide paisasa peiwure, ae thaokhai peiwure.

EZEKIEL 14:21

Ramai Mapao nou haibüa paowe, “Enou Jerusalem hisü avei shikayu tudee adai sü seive peilai: Soureih, tokaa, rekhaonatao ae sounou ashi souyu, sütao nou mai ae kikhaorütao hai raibütoua souhawulai.

EZEKIEL 33:27

“Hria buyu Ramai Mapao Enou soushi khaitouyu nuhdu hinou hrüa buyu maitao hai southalai tea paowe tea puletao hi paopi peio.Teidei sühi hrüa buyu maitao hai panou rekhaona nou touloua bailai. Deichi vanou ae lyaqulu hinou tutsüa buyu maitao hai sounou ashi hinou thai-a bailai.

LEVIMAI LARÜBVÜ 26:16

Enou neletaoye sü tudeelai. Enou neletao hisü ngaopi shoyu veahoyu khesü seive peilai, neletaoye soukanghi peiyu ae rachi-a southou nghithou chayu ae neletao vei hrüh hai soukhai laiwulai. Neletao nou taimou daothouyuma süsü hamako hinou panou thou-a bailai, daiolouzü neletaoye ngaobayu maitaoye panou süsü touloua bailai.

LEVIMAI LARÜBVÜ 26:22

Enou neletao hisü soukhao ashi khesü seive peilai, ae puletaoye panou neletao vei nahmaitaoye southawulai, kikhaorü khesü panou nütou loulai, ae neletaoye panou hrüshi louta-a ludu khesü panou mai haomo ta-a bailai.

LEVIMAI LARÜBVÜ 26:25

Neletao nou vo soukhai touyu nasü pfüthoyu donou Enou neletaoye soureih nou seive peia tudee peilai. Hakinou neletao nou nuhdutao hinou tuve jüloua buyuma Enou neletao hisü rahta-rahvu sünou seive peilai, sübüa neletaoye panou ngaobayu maitao nghoujü nou hraongu sü ngaolai.

AMOS 5:19

Haizhou hai mai linou kipeikhaoduye ngaopia tuho vu ali daolouyu büa bailai, mokhaia kihikha tuve kivo hi bah süa shoa nou buyu phaki nghou nou daopeiyu bülai.

PAODAKHAIYU CHIKHA 28:26

Neletao thaiphao sü teihi raohou alia deiphi hi khaosoutao vei tousho soulai alia puletaoye pi-a hulai peire mailia bulai moe.

PAODAKHAIYU CHIKHA 32:24

Puletaoye panou houzüa thailai; ae puletao hi veashoyu rahta rahvu sü seive peilai. Rekhaona panou puletaoye sü nütou loulai, alia nghouye panou puletaoye sü daopeilai.

PONGAOPEIYU 6:8

Alia Enou zhuyu kisü Anghojü hinou rhei papayuli buyu sü Enou ngaoe, süna phaovahi buyu puh zhihsü Athaina tea kuwe, alia thaimai deiphao nou puh thaisü fütei poa laiwe, alia deiphao zha adai hinou zha aliye sü khoche, tokaayu, sounou ea deiphao hi rekhaotaoye panou southea loure donou puhai hi khouko thoupeire.