JEREMIAH 15:2 - SHEEYU BAIBEL (BSI)

² Puletao nou ne hinou ‘Etao daiki talai’ tea noulouzü, puletao hi Enou paopeiwure tea paopeio: Rata ravu hinou kamai-a thailai— buh sühi puletao nou talai! Mai taoli hai soureih hinou thailai— buh sühi puletao nou talai! Kamai nou tokaa veyu hinou thailai— buh sühisü puletao nou talai! Kukhe maitaoye sü hukhamai soua vakou nüpoa talai— buh sühisü puletao nou talai!

JEREMIAH 15:2 Iomraidhean Croise

ISAIAH 10:4

Neletao sü panou soureih souyu hinou thaitawulai moyuma hukha mai soua panou nüsata khaitouwulai. Mapao vei lekha rarou sü chukoute-a khaita mohie, puh bah sü lapoa puletaoye tudeipure donou buhie.

ISAIAH 24:18

Maiye pirayu kho chouloua tutayu maikhe sü kaobvü hi deloua bailai, alia kaobvü hinou tupa louyu maisü shorüh hinou muloua bailai. Raki vanou teirü sü ngaopisoua nou rükoulai ae deiphao vei beikhei sü pepotalai.

JEREMIAH 14:12

Puletao nou tovai rei-a lüa ahinou soukha peio tea veachi paoyuma, Enou kei peilai moe, ae puletao nou poukai nüvei meidei-a Eye posheela pei-a buyuma Enou popeilai moe. Ana Enou puletao hi khoche, tokaayu ae sounou ashi sünou seive souhalai.”

JEREMIAH 14:16

Alia puletao nou rachipaolayu kei-a buyu maitaoye sü southaloua puletao vei thaiphao sü Jerusalem vei maisou ludu hi khilaikhai peilai, daiolouzü puletao vei thaiphao daovu peire hai mai bulai moe. Haibüyu sü puletao mai hrülai hisü velai — chapfü maitao, ae nahpoutu naotu maitao hrülai hi velai. Daiolouzü Enou puletao pei hi puletao nou ngaozüyu hashi nasü paoh khapeilai.”

JEREMIAH 16:4

Puletao hai sounou ashi souloua thai bailai, puletaoye donou mai linoua dopfü peilai moe, moa daovu peilai moe. Puletao vei thaiphao khesü dei hi nghoushi büa bubailai. Puletao sü khoche mü hinou moyuma tokaa vanou thai-a bailai, ae puletao vei thaiphao sü raohou ae rekhaonatao vei touso soua bailai.

JEREMIAH 19:7

Buh hai hi Enou Judah alia Jerusalem maitao nou tsücho dayu veishi sü panou vetelai moe. Enou puletaoye sü ngaobamaitao panou veiloulai ae soureih hinou southa khaitou peilai. Puletao vei thaiphaosü Enou tei hi raohou alia dei hi soukhaonatao vei touso panou soulai.

JEREMIAH 43:11

Nebukhadnezzar nou Ejipt hi soureih hulou poloulai, ae rahta rahvu hinou thaire maitao sü rahta rahvu hinou thailai, hukhamai soua nüpoa tazü maitao sü nüpoa talai, ae soureih hinou thai züa buyu maitao sü soureih hinou thailai.

EZEKIEL 12:11

Nenou soupfüyu hai puletao hi vepare vei shee soungaowe tea puletao hi paopeio. puletaoye hukhamai soua vakou nüpoa ta-a bailai.

EZEKIEL 14:21

Ramai Mapao nou haibüa paowe, “Enou Jerusalem hisü avei shikayu tudee adai sü seive peilai: Soureih, tokaa, rekhaonatao ae sounou ashi souyu, sütao nou mai ae kikhaorütao hai raibütoua souhawulai.

EZEKIEL 33:27

“Hria buyu Ramai Mapao Enou soushi khaitouyu nuhdu hinou hrüa buyu maitao hai southalai tea paowe tea puletao hi paopi peio.Teidei sühi hrüa buyu maitao hai panou rekhaona nou touloua bailai. Deichi vanou ae lyaqulu hinou tutsüa buyu maitao hai sounou ashi hinou thai-a bailai.

EZEKIEL 5:12

Zha asü soukhai touyu hinou neletao zha ali hai sounou souyu hinou ae khü-züyu hinou nuhdu hinou thailai; zha ali hai nuhdu vei vakou hinou khoche hinou thailai; ae shokhai toua buyu zha ali hai hupho rarou laiwua panou khoche nou poloua thaihu talai.

EZEKIEL 5:2

Zha ali hai nuhdu nasü mainou poloua soushi khaiwua tayu thai nuhdu hinou polou mei deipeio. Zha asü hinou zha ali hai nevei khoche sünou daosasa loua nenou nuhdu vei pehao hi tayu phaki raopoa tapeio. Shokhai toua buyu taosü teikhai hi laipa peio ae Enou avei khoche poloua sütao hai thaihu talai.

DANIEL 9:12

Nenou Etao hi ae Etao peikho maitao hi soulai tea paoyu nasü nenou soupeie. Nenou Jerusalem pei hi tudee peiyu büa deiphao hi buyu nuhdu kukhe ali hiro tudee peimo hie.

AMOS 5:19

Haizhou hai mai linou kipeikhaoduye ngaopia tuho vu ali daolouyu büa bailai, mokhaia kihikha tuve kivo hi bah süa shoa nou buyu phaki nghou nou daopeiyu bülai.

ZEKHARIAH 11:9

Süthaisü Enou zhaokhome hisü paoe, “E neletao ye khopulou hore, südonou thaire maiye sü panou thai theo, souhare maiye sü panou souha theo, alia shokhai toua buyu taosü panou alinou aliye souhatheo.”

PONGAOPEIYU 13:10

Maitaliye niloure bue toulouzü veimosoua puhye niloulai; maitaliye khochenou daotheare bue toulouzü veimosoua khochenou daothealai. Haihisü sheeyu maitao vei shameayu ea lü bue.”