JEREMIAH 12:2 - SHEEYU BAIBEL (BSI)

² Nenou puletaoye shopeie, ae puletao nou maa tsülou loure; Puletao nou vipaloua rashithou shiloure. Puletao nou teisa sü neye paovei peiwe, Anou puletao tsüle louzü ne hinou dousho-a bue.

JEREMIAH 12:2 Iomraidhean Croise

JOB VEI LARÜBVÜ 24:12

Nuhdutao hinou zhizhu khaitoua thaiyu nonoa bumai nou sha-a rawe, ana Ramai nou puletao vei veachi sü noupei moe.

JOB VEI LARÜBVÜ 5:3

Avomai kamai-a khouchia maa tsülouyu Enou ngaoe, ana thalasou puhnou chaa nasü puletao ki hi seive peia baiwe.

LOUTAO 37:35

Mai ashi mai ali hai khouko pfüshoa nou duso payu Enou süe, ae puh hai Lebanon hi sedar süübe büa kusho payu Enou ngao-e,

ISAIAH 29:13

Mapao nou paoe, “Mai haitao hai Eye thowe tea paowe, ana puletao vei tsüle louzü ahinou dousho-a bue. Puletao nou Eye thoyu haiolouzü mai nou doupeiyu zhai hinou soua baie.

JEREMIAH 11:17

“Akukulai Mapao Enou Israel ae Judah sü shothou peie; ana chuo Enou puletao pei hi hashi pove peilai. Veahoyu sü lah puletao hi pfüveloua baie, daiolouzü puletao nou kaomoyu vah sü soupfüre; Baal rahye poukai nüveiyu meidei-a posheela peiyu donou alekha sü soupawure.”

JEREMIAH 3:10

Vah ashi teitei souwu-a bua, chilee moyu Israel vei tupai Judah nou puh le teitei nou peimoa zhai soulou-a ahi dakhai vere. Haisü Mapao Enou paowe.”

JEREMIAH 45:4

“Ana Mapao Enou soukhai touyu khesü daphe dapho laiwulai, ae Enou shothou khaitouyu khesü paipa laiwulai. Enou haisü deiphao veishi hi soupeilai.

EZEKIEL 33:31

Sübüa avei maitao nou tave meime souloua nenou puletao hi paoyu chi khesü keiwe, ana puletao hai nenou paoyu chipao khesü thaifüa hrümoe. Puletao vei müli hiolouzü chipao lako aveih lih nou pao-a nou bue, ana puletao hai dutounüa vah haso ashi soukoute-a bubaie.

HOSEA 7:14

Puletao nou chechea kra-a ahi khomoe, ana rashiye thoyu mai büa kaodua thowe. Puletao nou thou-dzü alia zhaoh ye donou pfüphao souvea-a zheemü soupaloua akho souwe, süsü daizhou koute Eye ngaophou moa souwe.

HABAKKUK 1:13

Ne nghithou hai sheeleyu donou shiyu sü zhuthou louhoe; alia kaozü moyu hisü zhukhai louhoe. Ne daisounou maishi maiye zhua buwe, alia daisounou puletao jünou checheyu maiye southa-souha buki ngasoua buwe?

MATHIU 15:8

‘Mai haitaonou Eye puletao tai hinou tsü khoue, ana puletao lehai Ahinou doushoa bue.

MARK 7:6

Jisu nou puletao hi chila peie, “Daizhozhou kao-züa Isaiah nou aveikho souyu neletao vanou rachi paopa peiresa, süolouzü haibüa rüthou khaiwure: ‘Mai haitaonou Eye puletao tainou tsükhouwe; ana puletao lewo Ahinou doushoa bue.

TITA 1:16

Puletao nou Ramaiye süe tea paowe, ana puletao vei vahtaonou puhye bawe. Puletao hai ngaorayu ea paoyu zübayu taoe, puletaosü havei talia souzüdou moe.