JEREMIAH 11:4 - SHEEYU BAIBEL (BSI)

⁴ Vo hai nasü Enou puletao vei puopao maitaoye koa Ejipt teidei, puletaoye donou soushoyu thaobvü ali büa buyu teidei hinou sapa peiyu teile hinou soukhaiwure. Enou puletao hisü achi zülo ae Enou kharochi peiyu teitei sü soulo tea paopeire. Enou puletao hisü paopeire, süolouzü puletao nou achi zü louzü puletao hai avei mai soulai ae Enou puletao vei Ramai sü soulai.

JEREMIAH 11:4 Iomraidhean Croise

SHURAI 17:8

Chuchu nenou vakou mai ali soua buyu dei haina alia Kanaan teidei teitei ne hi alia ne tounahtao hi teisa vei panou soure donou peilai, alia E hai puletao vei Ramai Mapao soulai.”

1 VEMAITO 8:51

Puletao hai nevei mai baie, nenou puletaoye Ejipt teidei hinou, mei keitutua buyu hinou sapa peiyu maitao-e.

2 VEMAITO 18:6

Puhnou Mapao hi chilee chechetou teanou bue, ae puh chi hai zümoyu sü soukhai timoe, ana Mapao vei chikhatao puhnou Moses hi peikhai touyu teitei hai soutaosoua nou rei-a hrüe.

TAPALOUYU 20:6

Ana Eye leshiyu mai alia avei chikhatao hinou tayu mai hisü khaphao thethe koute avei leshi zhuveayu nasü ngaopeiwe.

ISAIAH 30:6

Ramai vei chipao, Negeb hinou hrüyu soukhaonatao donou haibüa chi paoyu ali bue: “Süh-seita maitao hai veasho-a nou tateisho-a buyu, khao-nghou nou phoutao-a buyu teidei sü puletao vei na muh teiyu taoli hai panou racho ae rheisüh nou pfüa poho puletaoye donou halia soukha peilou hoyu tyahrü nasü peie.

ISAIAH 48:10

Shahu hai souveipu loure donou mei hi thou deiyu büa Enou neletaoye sü veahoyu nou seive souvea peia zhue, ana neletao hai veipu moe.

JEREMIAH 11:7

Neletao vei puopao maitaoye Ejipt hinou sa-a palou nou zhou koute Enou puletao hi Achi soutaosou zülo tea paopi peie.

JEREMIAH 24:7

E hai Mapao süe touyu puletaoye panou süloure tsüle sü peilai. Süthaisü puletao hai avei mai soulai, ae Enou puletao vei Ramai soulai, daiolouzü puletao vei tsüle alia hrümai teitei nou peia ahi dakhai velai.

JEREMIAH 26:13

Südonou chuo neletao nou ta-a buyu ludu ae soupfüa buyu vah khesü souzülo, ae neletao Ramai Mapao chi zülo. Neletao nou sübüa souloure toulouzü, puhnou neletaoye soushilai tea paopa peiyu khesü soumoa ledaloua bailai.

JEREMIAH 32:28

Enou nuhdu hai nasü Babilon vei Veo Nebukhadnezzar ae puhvei reihmaitao bah hi peiwulai; puletao nou nuhdu hai nasü poloulai,

JEREMIAH 38:20

Enou paoe, “Neye puletao vei bah hi thou peilai moe. Enou ne hi Mapao vei chipao sü züloua baio tea khonüwe, sükulouzü hateitei nou vei-a bailai, ae nevei hrirai sü vupa loulai.

EZEKIEL 11:20

Süthaisü puletao nou avei chikha khesü reihtou touloulai ae Enou kharochi peikhai touyu khesü puletao nou soutousoua züa nou hrülai. Puletao hai avei mai soulai ae Enou puletao vei Ramai soulai.

EZEKIEL 14:11

Israel maitaoye panou Eye thaowua tapu more donou ae puletaoye panou lahye souzhailoua mah sü soupu more donou Enou haibüa soupeilai. Puletao panou avei mai sü soulai ae Enou puletao vei Ramai sü soulai.” Haisü Mapao Ramai nou paowe.

EZEKIEL 36:28

Süthaisü Enou neletao vei puopao hi peikhai touyu teidei hinou neletao hai hrülai. Neletao hai avei mai soulai ae Enou neletao vei Ramai sü soulai.

EZEKIEL 37:23

Puletao hai ngaorayu basharatao hinou lah puletaoye souzhaipu laimoe, moa mahmo hinou puletao hai lahye soushipulai moe. Puletao nou vah ashi soua Eye malaiyu veishi hinou pa lahdo souloulai. Enou puletaoye soushee peilai ae puletao hai avei mai soulai alia Enou puletao vei Ramai sü soulai.

EZEKIEL 37:27

Enou puletaoye koa sühinou hrüpeilai; Enou puletao vei Ramai sü soulai, ae puletao hai avei mai soulai.

DANIEL 3:26

Süthaisü Veo Nebukhadnezzar nou meifü vei kikhu bomü hisü kouloua “Shadrak, Meshek ae Abednego, Khoukhoulai Ramai vei kilai maitao, neletao vakou tapalo” tea pai kushoa kue. Südonou puletao nou vakou tapa loure.

LEVIMAI LARÜBVÜ 26:12

Enou neletaoye koa bulai; Enou neletao vei Ramai sü soulai, ae neletao nou avei mai soulai.

LEVIMAI LARÜBVÜ 26:3

“Neletao nou avei chikhatao thaifüa hrülouzü, ae avei kharochi khesü züa bulouzü,

ZEKHARIAH 13:9

Hria buyu mai zha ali ye sü Enou mei hi thou shahu deisheeyu büa deisheelai. Alia sana zhuyu büa zhulai. Süthaisü puletao nou A zhih kua veachi paolai, alia puletao veachi sü Enou kei peilai. Enou paolai, ‘Puletao hai avei mai-e’ tea nou; alia puletao nou ‘Mapao hai Etao vei Ramai-e’ tea paolai.”

ZEKHARIAH 6:15

Doushoa buyu mainou velou Mapao vei Rathoki soushupuyu nasü soukha peilai, süthai Khoukhoulai Mapao nou Eye neletao hi seivewe touyu süloulai. Neletao nou soutao soua Mapao, neletao vei Ramai chi züa bulouzü haitao hai vepalai.

ZEKHARIAH 8:8

Enou puletaoye sü Jerusalem hi save hrülai. Puletao hai amai soulai alia Enou puletao vei Ramai soulai, kaozü alia acheche hinou puletaoye sa-a hrülai.

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

2 KORINTHMAI 6:16

Alia Ramai vei rathoyuki hai basharataoye koa ae-ao touyu dai bue? Daiolouzü Eletao hai hriyu Ramai vei rathokie! Haisü lah Ramai puhnou paoyu kue, “Aki hai Amaitaoye koa soulai ea puletao hronou hrülai; Esü puletao vei Ramai soulai; ea puletaosü Amai soulai.”

PAODAKHAIYU CHIKHA 11:27

Zhou Enou peibuyu neletao Ramai Mapao vei kharochi zülouzü shiha ngaolai;

PAODAKHAIYU CHIKHA 4:20

Ana neletao louzü Mapao nou puhvei mai panou soure donou veasho-a buyu Ejipt mai bah hinou neletaoye sü popapei khaitoue.

PAODAKHAIYU CHIKHA 5:6

‘Neletaoye Ejipt teidei hinou, maivei qila soua hrüyu hinou sapa peiyu Mapao Ramai nasü Enoue.

EBRIAMAI 5:9

Alia puhye souliche peiyu kisü puhsü puhnou paoyu züyu maikhemai hrülai donou teisa khailu louyu peiloure dzünghou soutare,

1 SAMUEL 15:22

Samuel nou paoe, “Mapao nou jüpayu hai puh chi züyu naho, molouzü posheela peiyu nage? Kikhaorü veikayu nanou posheela peiyu jüwo puh chi züyu punou jüpapue.