JEREMIAH 10:7 - SHEEYU BAIBEL (BSI)

⁷ Tyahrü hrülai vei veo, neye sü thaonou tsükhou molaige? Tsükhouyu nasü nenou ngaozüe. Tyahrü hrülai hrohinou tsüveiyu maitao moa vemaitao hrohinou ne büyu mailia hae.

JEREMIAH 10:7 Iomraidhean Croise

2 VEMAITO 17:39

Neletao vei Ramai Mapao chi sü zülo, sükulouzü Enou neletaoye ngaobayu maitao hinou vupa peilai.”

1 PUOPAOKO 16:25

Mapao hai due, puhye soutaosou paosho züe, puhye rah kukhe jünou tsükhoupu züe.

ESTHER 1:13

Süthaisü vemai vei zhai thaifüa, puhnou chikha süvei shoyu mai ae chiku-apei maitao hinou daisouyu kao-e teanou chipha-a bue.

LOUTAO 147:5

Dushoyu ae khouko bushoyu hai Etao Mapao-e, puhvei tsüsü hai Etao nou süvete louhoe.

LOUTAO 22:28

Daiolouzü Mapao nou veo nasü baie, ae puhnou tyahrü hrülaiye sü tukha-a hrülai.

LOUTAO 47:3

Puhnou Etaoye mai kukhe jünou kolouyu nasü peie, ae puhnou tyahrütaoye Etao vei khakhe hi khaipeie.

LOUTAO 72:11

Veo mai hrülai nou puhye khurülai, tyahrü veishi nou puhvei kuvah sü soulai.

LOUTAO 76:7

Ana Mapaowo, neye sü mai hrülai nou ngaopi-e. Nenou rapayu phaki, mai linoua nevei nghoujü hinou la-a bulou hoe.

LOUTAO 86:8

Oh Mapaowo, neye raiyu ramai ali-a ha-e, nenou souyu büa mai linoua soupfü loumoe.

LOUTAO 86:9

Nenou soupei khaitouyu tyahrü hrülai nou tave neye khurülai; puletao nou nevei aduso nasü paosholai.

LOUTAO 89:6

Rakivamai ali-a neye raiyu ha-e, Mapao; rakivamai ali koute-a neye deiyu hae.

TAPALOUYU 8:10

Pharaoh veo nou paoe, “Dosho Eye donou veachi paopeio.” Moses nou paoe, “Nenou paoyu thaifüa Enou soupeilai, sübüa neye panou Etao Ramai Mapao büa rah kukhe aliro hae touyu sü panou süloulai.

TAPALOUYU 9:14

Zhaovu louzü Enou tudee laiyu hai nevei peikho maitao ae nevei maitao hi likhei laimoe, ana ne-a loua nou Enou tudee peilai, sübüa neye panou deiphao teitei hi Eye büyu Ramai aliro hae touyu sü süloulai.

ISAIAH 2:4

Puhnou tyahrütao kohinou lou chiku peilai, ae maikheye acheche hinou chiku shee peilai. Süthaisü puletao vei khoche hai dathou phou souloulai, ae puletao vei heung sü pothou tatayu shi souwulai. Tyahrü ali nou ali hi soureih soupu laimoe, mokhai-a reih soure donou soudapu khailai moe.

JEREMIAH 10:6

Oh Mapaowo, neye raiyu halia hae; Ne hai due, Ne zhih hai due alia khouko bue.

JEREMIAH 5:22

Esü Mapao-e, neletao daisounou Eye pi mowe? Neletao anghoujü hinou daisounou pi-hi moge? Enou venai sü zai dzü panou lapalai more donou teisa vei deirai soua khaipeie. Zaidzü nou hou-a buyuma süna jünou lalai moe, teikhai teirü ashi ve-a sünasü souphe louhoe.

DANIEL 2:27

Daniel nou veo hi chila peie, “Hasüyu mai, khei-khupado sümai, teingumai, keingumai, moyuma pousouyu mai alinoua Oh Veowo, nenou paoyu nasü paopeilou hoe.

DANIEL 2:28

Ana khupayu tatei teitei süngao peiyu Ramai ali raki hinou bue, ae puhnou haithai daidai vepalai touyu Veo Nebukhadnezzar ne hi süngao peiwe. Enou nevei me ae nenou zhia buki zho ngaoyu nasü paopeilai, süsü haibüwe:

HABAKKUK 3:2

Oh Mapao, ne daisou-e tiyu Enou süre, alia nevei vahso veitao hai sülou-a ngaopi shore. Nevei vah sütao hai Etao teile hi-a soupu peilai-o, sütao hai panou Eh vei teile hia sülouo; Nenou rarou-a lekha bukia zhuvea peikhaio.

ZEKHARIAH 2:11

Süzhou teithe tyahrü taolinou Mapao hisü velai alia puhvei mai soutalai, alia puh hai-a neletao hrohinou bulai. Süthaisü Khoukhoulai Mapao nou Eye neletao hi seivewe touyu hai neletao nou süloulai.

MALAKAI 1:11

Daiolouzü teinghi palaonou loulao koute azhih hai tyahrü teitei hi dushoe, alia buh teitei hinou theadzü kaiveih nou poa azhih hinou sheela peiwe, alia sheeshayu nanou Eye poa sheela peiwe; daiolouzü azhih hai tyahrü hrülai hi dushoa bue, tea Khoukhoulai Mapao nou paoe.

LUK NOU RÜYU KO AVEIBVÜ 12:5

Ana thaohye pilaisa touyu sü Enou neletao hi paongaolai: pfüphaoye southea louyu thai-a meizai hi polaithou peilou süyu khouko buyu Ramaiye pilo. Ovai, Enou neletao hi paowe, puhye pilo!

1 KORINTHMAI 8:6

Eletaoye donou louzü Puo, Ramai puh likheithe bubaie. Puh hinou ha teitei vebaie ea Eletao sü puhye donou hribaie, alia Mapao alikhei süolouzü Jisu Khrista bubaie. Puh vanou na teitei sü souloue ea puh vanou Eletao sü hribaie.

JOSHUA 4:24

Sühai deiphao mai hrülaiye panou Mapao vei khouko hai daizhou due touyu süloure donoue, alia neletaoye pa teisa nou Mapao ye pia hrüloure donoue.”

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 15:4

Oh Mapao, thaohnou neye pimolai? Nezhih dushosü thaohnou paosho balai? Daiolouzü ne likhei mashee baie. Tahrüh khemai hrülainou taveloua neye tholai, daiolouzü nevei cheche vahtaosü mai hrülai nou ngaokhai loure.”