JEREMIAH 10:3 - SHEEYU BAIBEL (BSI)

³ Puletao vei rahrüzhai hai hako baie. Vaohro hinou süübe ali vilou-a shara souyu mainou zhurai daolou-a baie,

JEREMIAH 10:3 Iomraidhean Croise

LOUTAO 115:4

Puletao vei rahtao hai shahu ae sana nou souloua baie, ae deiphao mai bah nou souloua baie.

ISAIAH 45:20

Mapao nou paoe, “Shokhaitoua buyu tyahrü hrülai tave jülo chikulai! Süü chuh nou soukhai touyu bashara poa laiyu puletao hai halia sümoe, ae puletaoye khailupa peilou hoyu ra ali hinou puletao hai veachi paowe.

JEREMIAH 1:16

Enou avei maitaoye sü tudee peilai, daiolouzü puletao nou Eye thaowu-a rah kukheye posheela peitare, alia bahnou souyu bashara sü thotare.

JEREMIAH 10:8

Puletao hrülai nou tsü hae ae vomai baie; süü nou daokhai touyu basharatao hinou daio douloulai?

JEREMIAH 14:22

Tyahrü kukhe maivei bashara linoua teirü sü seive peilou hoe; ratei lah nou teirü sü seikou peilou hoe. Etao Ramai Mapaowo, Etao vei areih nasü ne likhei baie, daiolouzü nenou hai teitei sü soupei baie.

JEREMIAH 16:19

Mapaowo, Eye vupa peiyu ae khouko peiyu sü ne baie; nenou Eye veahoyu teile hi soukha peie. Teidei akhai hinou buyu tyahrütao nou ne hi tave haibüa paolai, “Eh puopao mainou cheche moyu rahtao ae komoyu basharatao sü tho baie.

JEREMIAH 2:5

Mapao nou haibüa paoe: “Neletao vei puopao maitao nou Ahi dai mah dukalaige? Puletao daivanou ahinou tarei tawe? Puletao hai komoyu bashara khesü tho tare ae lah puletaoye sü muh souhawure.

LEVIMAI LARÜBVÜ 18:30

Mapao nou paoe, “Enou kharochi peikhai touyu khesü zülo, ae raichoki teidei hai hinou hrüyu mai büa vah ashi khesü soupfüa nou lah neletaoye sheemoyu sü souso. E hai neletao vei Ramai Mapao nasüe.”

MATHIU 6:7

“Neletao nou veachi paoyu kisü tahrüh kukhemai büa hako chinou alaosou paowuso, daiolouzü puletao nou veachi paoshoyu vanou Ramai nou puletao pai keipeiwe tea chowe.

SEI-ATAMAI VAHTAO 19:26

Alia chuo, lah neletao noua Paul hainanou dai sousa touyu sü ngao-a ngaolai ea sü-a sülai süolouzü bahnou souyu ratao hai halia ramaimoe tea puhnou pao-a Ephesa hi likhei baimoa Asia teidei buh liki hinou maikhe maiye paothou louche peiwu-a mai taoli le soudare.

ROMMAI 1:21

Puletao nou Ramaiye sükhai-a puhye sü Ramai hie tea puletao nou tsükhou peimoe moa puh hi kalo paomoe. Süjüwo, puletao tsü sü voteih tare, alia puletao vei sakhaiyu le sü azhinou phouloure.

1 PITAR 1:18

Daiolouzü neletaoye neletao puopao hinou ngaolouyu raohayu hrümai hinou kakuyu muhnou khapei-a mado soupeiresa touyu sü neletao nou süwe. Muh süsü hakalou veiyu süolouzü husha moa sana hatalinou moe;