JEREMIAH 1:9 - SHEEYU BAIBEL (BSI)

⁹ Süthaisü Mapao nou puh bahsü topalou-a amü hi deiloua haibüa paoe, “Keilo, Enou neye panou paore chipao sü ne hi paopeilai.

JEREMIAH 1:9 Iomraidhean Croise

ISAIAH 49:2

Puhnou amü sü hei veishoyu khoche ali büa soupeie, puhnou puh bah sünou Eye vupa peie. Puhnou Eye voulouthou pei southou tsüphi khaitouyu ali büa soupeie, puhvei voulouthou pfüyu bvü hinou puhnou Eye poku peie.

ISAIAH 50:4

Ramai Mapao nou maiye doupei lousüyu mali sü ahi peiwure, sübüa Eye panou veaholai maiye le sousava peire donou paila aveih sü ahi peie. Shonatsü sü puhnou Eye doupeire khesü panou kei nüshoyu soupeiwe.

ISAIAH 51:16

Avei chipao khesü Enou neletao mü hi thoupeie, ae abah nou neletaoye sü pokupeie, raki ae deiphao sü Enou soupeie, alia Enou Zion ye ‘Neletao hai avei maitao-e’ tea paopeie.”

ISAIAH 59:21

Alia Enou neletaoye koa vo soulai: Avei khouko ae achipao khesü teisa panou neletao vei soure donou neletao hi peilai. Südonou chu nou poa neletao nou achi zülai ae neletao vei nahmai hi sükhesü doupeilai, alia vere teitei hie neletao nou achi züa neletao vei nahmai ae tyaosholea hisü achi zülo tea doupeio.”

JEREMIAH 15:19

Mapao nou haibüa ahi chila peie, “Nenou ahi dakhaive louzü, Enou neye podakhai loulai, ae neye panou avei kilai soupu peilai. Nenou chaochao soua chi paomoa muh teiyu chipao paolouzü, neye panou avei rachipaolayu nasü soupu peilai. Maikhe mainou ne hi dakhai velai, ae nenou puletao hi velai moe.

JEREMIAH 34:6

Süthaisü Enou Jerusalem hinou Veo Zedekiah hisü chipao haitao hai paopeie,

JEREMIAH 36:2

“Zükhaiyu larü ali poloua Enou ne hi Judah ae Israel maitao alia tyahrü veishi donou paopei khaitouyu chipao teitei, süsü Josiah nou vekou louyu teithe hinou poa zhou koute paoyu chipao khesü rüthou khailo.

JEREMIAH 5:14

Südonou Khoukobu Ramai Mapao nou paoe, “Jeremiah, puletao nou haibüa paoyu donou zhukhaio, Enou avei chipao sü nevei mü hinou mei ali büa soupeilai, ae puletaoye mei deiyu süü ali büa deiwulai.”

EZEKIEL 3:10

Ramai nou haibüa paopue, “Thai-a bailaiyu mainare, Enou ne hi paoyu chi khesü soutao sou-a keilo ae licho khaio.

DANIEL 10:10

Ana bah ali nou thaikou Eye pailashu peie; ae aphibah sü ngudoudoua buhie.

DANIEL 10:16

Süthaisü mai büyu rakivamai ali nou avei mütai kou puh bah nou daipeie, süthai sünou amü hepaloua pailoue. Anghoujü nou la-a buyu nahisü Enou paoe, “Apaopuwo, zho ngaoyu na vanou Esü avei pfüchi hare.

MAIPEI PHOUYU 23:5

Mapao nou Balaam hisü daitea paolai touyu hai paopeiwua Balak hi seidakhai koure.

MATHIU 10:19

Puletao nou neletaoye chikure donou saveyu kisü, neletao nou daichi paolaisa moa kabüa paolaisa tea dowuso; daiolouzü neletao nou paore nasü teilecho sühinou neletao hi peilai.

MARK 7:33

Südonou Jisu nou khei-a mai sünaye maisou hronou vakouhi saku paloua, puh bahtounou mai süna nouhi thaithoupeie, alia taidzü süloua malisü deipeie.

LUK NOU RÜYU KO AVEIBVÜ 12:12

daiolouzü neletao nou paore sü teile süpha hinou Rako Mashinou neletao hi doupeilai.”

LUK NOU RÜYU KO AVEIBVÜ 21:15

daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai.

PAODAKHAIYU CHIKHA 18:16

“Daiolouzü neletao nou Sinai Deichi hinou ve jüyuki, neletao nou neletao Ramai Mapao hi khoyu nasü hainare, haibüa neletao nou pao-a khoe, ‘Etaoye panou Ramai Mapao pai choupu khaiso moa khupa shoyu mei pa ngaopu khaiso, more toulouzü Etao hai thai-a bailai.’

PAODAKHAIYU CHIKHA 18:17

Mapao nou ahi paoe, ‘Puletao nou paoyu sü veire.

PAODAKHAIYU CHIKHA 18:18

Puletaoye donou ne büyu rachi paolayu mai ali Enou puh chinamai hrohinou seive palai; Enou achipao sü puh mü hi thoupeilai, alia Enou paopeiyu achipao veishi puhnou paopeilai.