JEREMIAH 1:5 - SHEEYU BAIBEL (BSI)

⁵ “Enou neye hrirai peimo jünou, Enou neye doloure, alia ne namo nghoujü nou Enou neye pa deiphao teitei hi rachipaola mai ali soure donou dopawure.”

JEREMIAH 1:5 Iomraidhean Croise

LOUTAO 139:15

Nenou soutaosoua avei rao khesü apfü vei pou khevai hinou southou tou peie. Enou sühinou kheikhei soua duso payu phaki, ae sühinou bue touyu sü nenou süe—

LOUTAO 139:16

E nakoumo jünou nenou Eye ngaore. Eye panou teile kasho hrülai touyu khesü Eye souchemo jünou nevei larübvü hisü rüthou khaiwure.

TAPALOUYU 33:12

Moses nou Mapao hi paoe, “Mai haitaoye satawo tea nenou ahi paoe, ana thaonou Eye koa satalai touyu sü ne ahi paopei moe. Nenou Eye azhih nou süwe alia Eye zhuvea peilai ae Eye jüpawe tea paoe.

TAPALOUYU 33:17

Mapao nou Moses hi paoe, “Nenou paoyu bütoua Enou soupeilai, daiolouzü Enou neye süwe alia Enou neye jüpae.”

ISAIAH 44:2

Neletaoye sou-apeio, ae ne pfüpuo hinou neletaoye sou-apeio ae neletaoye soukha peiyu nasü Mapao Enoue. Enou leshia-a dolouyu avei kilaiwo, ngaopiso!

ISAIAH 49:1

Oh zaipe hinou hrüa buyu tyahrütao, Enou paoyu keilo, ka doukou nou hrüa buyu maitao apai sü keilo! Mapao nou Eye apfü pou hinou kuloure, apfü pou hinou puhnou azhih sü sapeie.

ISAIAH 49:5

Alia chuo Mapao nou paoe, puhvei kilai panou soure donou Eye apfü pou hinou puhnou soupeie, puhvei maitao hai puh hi sa-a dakhai vepeire donou ae Israel maiye puh hi save jüloure donou Eye kuloue. Daiolouzü Mapao vei nghingao hinou Eye tsükhou peie, ae Ramai nou avei pfüchi sü soupeie.

JEREMIAH 1:10

Zhukhaio, Enou zhou teithe neye panou teidei ae vemai hrülaiye phaopa laiwure, souhawure ae khilaiwure, soushupei ae soula peire donou buh thoupeiwure.”

JEREMIAH 1:4

Mapao nou ahi paoe,

JEREMIAH 20:15

Apuo hi “Ne nahpoutu ali ngaoloure,” tea ko pove peiyu maina sü panou chaa ngaotheo.

JEREMIAH 25:13

Enou raichoki nou paokhai touyu chitao, Jeremiah nou maikhe mai hi paopei khaitouyu veahoyu teitei, larübvü haihi rüthou khaitouyu veishi sü Babilon maivei teidei teitei hi panou vepalai.

JEREMIAH 36:2

“Zükhaiyu larü ali poloua Enou ne hi Judah ae Israel maitao alia tyahrü veishi donou paopei khaitouyu chipao teitei, süsü Josiah nou vekou louyu teithe hinou poa zhou koute paoyu chipao khesü rüthou khailo.

JEREMIAH 50:34

Ana puletaoye vupa peire nasü khouko busho-e — puh zhih sü Khoukhoulai Mapao toue. Puhnou soutaosou puletaoye vupa peilai, sübüa puhnou deiphao sü soyu hai peilai, ana Babilon maiye sü panou soyu ngaolai moe.”

LUK NOU RÜYU KO AVEIBVÜ 1:15

daiolouzü puhsü Mapaowo nghojü hinou dulai. Puh sü darkha zhaoh-a moa kukhe zhaoh talia külaimoe, alia puhsü nakourai hinou Rako Mashinou phoulai.

LUK NOU RÜYU KO AVEIBVÜ 1:41

Alia Elizabeth nou Meri vei khurüyu chidoh nasü choulouyu kisü, puh pou hinou buyu nah nasü hotuotuo loure; alia Elizabeth sü Rako Mashinou lou phouloure

LUK NOU RÜYU KO AVEIBVÜ 1:76

Alia, “Anahna neye toulouzü Aku Kulai Ramai vei rachi paolawona tea kulai; daiolouzü nenou Mapao vei ludusü soudare donou puh nghojünou raia talai.

JOHAN 10:36

Sütoulouzü Enou, ‘Ewo Ramai Nahpoutue,’ tea paoyu vanou, Puonou soushee pei-a deiphao hi seivekhai touyu puh hi neletao nou, ‘Newo Ramaiye paoshiwe’ tea paowu?

ROMMAI 1:1

Jisu Khrista kilai ea Ramai puhnou puh Ko Aveina paodou loure donou dolouyu ea kulouyu sei-atamai Paul hinoue.

ROMMAI 8:29

Ramai nou raia sülouyu puletaoye sü puhnah poutuye raibüyu zhu nasü-a koa panou zha ngaozhore donou puhnou raia do-a dochere. Sübüa Nahpoutu naye panou thaihou jüraimai alao hrohinou raikaina soulai.

1 KORINTHMAI 8:3

Ana Ramaiye leshiyu puhye sü Ramai nou süwe.

EPHESAMAI 1:22

Ramai nou ha teiteisü Khrista phihi pove khaipeire ea puhye sü ha teitei pei hi Mapao peichana soua lüloumai mehi peire.