JEREMIAH 1:16 - SHEEYU BAIBEL (BSI)

¹⁶ Enou avei maitaoye sü tudee peilai, daiolouzü puletao nou Eye thaowu-a rah kukheye posheela peitare, alia bahnou souyu bashara sü thotare.

JEREMIAH 1:16 Iomraidhean Croise

2 VEMAITO 22:17

Puletao nou Eye sü malaiwure, ae rah kukhe hi posheela hai posheela peire, sübüa puletao nou avei lekhasü soupa peire. Südonou avei lekha rarou sü Jerusalem pei hi bure, ae sünasü khaitalai moe.

2 PUOPAOKO 15:2

ae puhnou Veo Asa ye ve daolai tea tare, alia puhnou haibüa paoe, “Veo Asa, ae Judah alia Benjamin mai hrülai, apai keipeio! Neletao nou Mapao ye koa salai louzü, puhnou neletaoye salai koute peilai. Neletao nou puhye phoulouzü, neletao nou puhye ngaoloulai, ana neletao nou puhye thaowu louzü, puh-a neletaoye thaowua bailai.

2 PUOPAOKO 28:2

ae Israel maivei veo maitao nou tayu büa ta-a baire. Puh sü hu nou Baal zhurai sü souloure,

2 PUOPAOKO 34:25

Daiolouzü puletao nou Eye thaowua ramai kukhe hi poukai nüvei meidei-a posheela peire, ae puletao nou soukhai touyu vahtao sünou avei lekha soupa peiwure, ae avei lekha nasü buh hai hi lakou peilai, ae süsü panou akhai bulai moe.

2 PUOPAOKO 7:19

Ana nenou moyuma nevei maitao nou avei chikhatao ae kharochi khesü pfütho louzü, ae rah kukhe liye thota louzü,

ISAIAH 2:8

Puletao vei teidei hisü bashara nou phoutao buloure, ae puletao hai lah puletao bah nou soukhai touyu nakhesü thotare.

ISAIAH 37:19

alia puhnou puletao vei rah khesü meidei laiwure, daiolouzü puletao sü Ramai moe, ana bah nou soukhai touyu süü-chuh baie, südonou puletaoye sü souhawure.

ISAIAH 44:15

Süthaisü mainou süübe sünasü dapolo hai poa meideiwe ae dalilo hai poa bashara souwe. Puhnou haina hai dalilo poa meidei vo-a raokhao khaotouwe, ae dapolo hai bashara souloua thowe.

ISAIAH 65:3

Puletao hai anghoujünou alekha sü daipa pei koutewe. Puletao nou kipei kinou ae naichuh nou soukhai touyu posheelabu hinou kainüvei pou khesü posheela peiwe.

JEREMIAH 10:15

Sütaosü muh lia hae, ae nünüyu vah baie; Mapao nou veyu phaki sütaoye sü souha bailai.

JEREMIAH 10:3

Puletao vei rahrüzhai hai hako baie. Vaohro hinou süübe ali vilou-a shara souyu mainou zhurai daolou-a baie,

JEREMIAH 11:12

Süthaisü Judah alia Jerusalem maitao sü puletao nou posheela peia buyu rah kukhe hinou taho kra-a soukha sü kholai, anou rah sütao nou puletao hi kaozhou ashi veyu phaki, puletaoye khailupa peilou hoe.

JEREMIAH 11:17

“Akukulai Mapao Enou Israel ae Judah sü shothou peie; ana chuo Enou puletao pei hi hashi pove peilai. Veahoyu sü lah puletao hi pfüveloua baie, daiolouzü puletao nou kaomoyu vah sü soupfüre; Baal rahye poukai nüveiyu meidei-a posheela peiyu donou alekha sü soupawure.”

JEREMIAH 15:6

Neletao nou Eye thaowure; neletao nou ahinou thaitsüpoa tare. Südonou Enou abah thaipa neletaoye soushire, daiolouzü avei lekha rarou nasü healou hore.

JEREMIAH 16:11

Süthaisü nenou puletao hi Mapao nou haibüa paowe tea paopeio, ‘Neletao vei puopao mainou Eye thaowure, ae rah kukhe thaifü tare ae puletao vei kuvah soutare. Puletao nou Eye malaiwure ae achi zümore.

JEREMIAH 17:13

Oh Mapaowo, Israel maitao vei areih nasü ne baie; neye thaowua tayu mai hrülai hai hraongu ngaolai. Puletao vei zhih sü vonai phaohi rükhai touyu büa ngaomota bailai, daiolouzü puletao hri-a buyu dzüla, Mapao neye thaowure.

JEREMIAH 18:15

Anou amaitao nou Eye ngaiwure; puletao nou basharatao hi poukai nüvei meidei-a posheela peie. Puletao nou tare ludu hinou puletao hai phi süloure, raichoki ludu hinou puletao hai tamore; sümoyu ludu hinou puletao hai ta-a bubaire.

JEREMIAH 19:4

Enou haibüa soupeilai, daiolouzü maikhe mainou Eye thaowure, ae puletao nou moa puletao puopao nou, moa Judah hi vemaitao nou sümoyu rah kukhe hi posheela peia buh hai nasü souzhai peiwure. Puletao nou teidei hai hi mah hayu mai zhe soukou peire,

JEREMIAH 2:13

daiolouzü avei maitao nou mah ashi ahai souwure; puletao nou Eye sü thaowure, hriloure dzüla nasü malaiwure, ae puletao nou lah dzükhao sü heloure, süsü dzü tsüta-a bailaiyu dzükhao baie.

JEREMIAH 2:17

Neletaoye süthaisa-a ta peiyu neletao vei Ramai Mapao, Eye neletao nou thaoyu vanou veahoyu haitao sü lah neletao pei hi povelou baie.

JEREMIAH 2:19

Neletao vei ashi nasü nou neletaoye tudee peia bailai, ae neletao nou ahinou thaikhai tayu vanou neletaoye züpeia bailai. Neletao nou neletao vei Ramai Mapao Eye thaowu-a ae Eye pi moyu hai kazhou koute shi-e ae vea sarou touyu sü süloulai. Haisü Khoukhoulai Ramai Mapao Enou paowe.”

JEREMIAH 2:28

“Ana neletao nou lah soulouyu rah taosü daiki vetare? Neletao nou veahoyu phaki, puletao nou soulousüe toulouzü, puletaoye panou tashu loua neletaoye khailupa peio, daiolouzü Oh Judah, neletao vei nuhdu buyu jünou poua rah khesü bumowu?

JEREMIAH 4:12

Mapao vei kharochi hinou vere teikhai nasü süjünou shipu sholai. Haisü Mapao puhnou puhvei maitao pei hi chikulai.

JEREMIAH 4:28

Südonou teidei nou dopfüa kralai; ratei sü zhitei talai. Mapao nou haisü paopawure ae puhnou le dalai moe. Puhnou haibüa soulai tea lela loure ae ledapu khailai moe.

JEREMIAH 44:17

Etao nou soulai tea paokhai touyu veishi sü Etao nou soupfüa bailai. Etao vei rahpfüpai, Rakiva Vepfüpai hisü Etao vei puopaoh maitao, vemaitao ae süthai-apei maitao nou Judah nuhdutao hinou ae Jerusalem hinou soupfüyu büa Etao nou poukai nüvei sü meidei peilai, ae puh hi zhaoh nghoupeilai. Sübüa soupfüa buyu teile hio Etao hai touso hamoe, ae haveishi hinou veahoyu daomoa kaozhou vei-a bubaie.

JEREMIAH 5:29

“Ana Mapao Enou puletaoye sü haitao donou tudee peilai; tyahrü haina pei hi Enou khüngu phou peilai.

JEREMIAH 5:9

Hai donou E puletaoye tudee zümowu, ae puletao hi E khüngu phouzü movu?

JEREMIAH 51:17

Hai khesü ngaoloua maikhe mai hai vo-a baie ae tsü ha-a baiwe; bashara souyu maitaoye sü hraongu soupeiwure, daiolouzü puletao nou souyu rahtao sü cheche moe ae hrirai hae.

JEREMIAH 7:17

Puletao nou Judah nuhdutao hinou ae Jerusalem vei ludu khonou daivah souwe touyu ne ngaomovu?

JEREMIAH 7:18

Puletao nou Rakiva Vepfüpai tea kua buyu rah pfüpaiye raokhao khaolou-a sheelare donou nahmaitao nou süü raowe, puo maitao nou mei souwe ae pfü maitao nou sou shaoloua raokhao souwe. Puletao nou avei lekha rarou soupeire donou rah kukhe hia zhaoh nghou peiwe.

JEREMIAH 7:9

Neletao nou maivei vao, taitha datha, khulou sou, dahrührüa chaachou sou, Baal rah hi poukeivei meideia posheela, ae neletao nou sümoyu rahtao thaifü talou,

EZEKIEL 16:18

Enou ne hi peiyu sahcha veishoa daothou khaitouyu khesü nenou poloua zhurai soukhai touyu khesü banaopeie ae oliv theadzü alia poukai nüvei Enou ne hi peikhai touyu khesü nenou poloua basharatao hi peiwure.

EZEKIEL 24:14

Ramai Mapao Enou haisü paowe. Enou vah soutare teile sü vere. Enou neletao vei mah khesü khaipeipu laimore moyuma neletaoye leshi zhuvea peipulai more. Neletao nou soupfü khaitouyu thaifüa Enou neletaoye sü tudeelai.” Haisü Ramai Mapao nou paowe.

HOSEA 11:2

Enou chuo puletaoye kupu khaige, puletao hai Ahinou tadou pu ta-a baire; puletao nou Baal ye sü posheela peipua baire, alia basharaye sü kainüvei nou meidei peia tho baire.

HOSEA 8:6

Haihai Israel hi shara soumai nou soua baie, sühai Ramai moe. Samaria vei chode zhai hinou razhu soukhai toua buyu nasü souphe-souphosa wulai.

JOEL 2:11

Mapao nou puh reih mai hisü paowe, Daizhou dusa puh reih mesü; puhvei kharochi zümai hai khouko pfüshoe. Cheche vuzünou, Mapao vei teithe hai dushoe ae pishoe; hai thaonou healousü-e?

SEI-ATAMAI VAHTAO 7:41

Alia teithe sütao kisü puletao nou chotu zhaikua bashara ali souloua sünaye sü ha nanou pove thoe ea puletao bahnou soukhai touyu vah sütaoye khuhao-a sasa nüh nüloure.

PAODAKHAIYU CHIKHA 28:20

“Neletao nou puhye lai-a ashi souyu vanou, neletaoye souha mosa alia thasho-a soushi mosa, Mapao nou neletao hi chaa, tsü haoyu alia dua züveiyu seive peilai.

PAODAKHAIYU CHIKHA 31:16

Mapao nou Moses hi paoe, “Zhukhaio, ne sü thaita laire, ne thaiyu thai, mai haitao sü khakhapfü ali büa süngao moyu puletao nou talou poloua hrülaiyu teidei hi rah kukheye thota-a bailai, ae puletao nou Eye thaowua bailai alia Eye koa vo soukhai touyu nasü pfüphe bailai.

JOSHUA 24:20

Neletao nou Mapao ye thaowu-a rah kukhe livei vah soutalouzü, puhnou raiki neletao hi vah aveih soupeiyu büa, neletao yesü soushi souha khaitouwu bailai.”

PONGAOPEIYU 9:20

Veahoyu haitaonou southealou moyu kukhe maikhe maitao nou rashitao, alia ngao-a ngaomoyu, chou-a choumoyu, ta-a talou hoyu, puletao bahnou soukhai touyu sana, shahu, baosa hu, chuh ea süünou soukhai touyu bashara taoye thoyu hinou puletao lesü daloumoe.