JEREMIAH 1:11 - SHEEYU BAIBEL (BSI)

¹¹ Mapao nou ahi noue, “Jeremiah, ne dai ngaoge?” Enou chila peie, “Almond süübo ali ngaoe.”

JEREMIAH 1:11 Iomraidhean Croise

SHURAI 30:37

Süthaisü Jakob nou poplar, almond ae plane tea kuyu sübo hriyu taoli poloua heekao khaolai-a sübo sütao hisü kaadzü nyaloure.

ISAIAH 55:11

Sübütoua amü hinou paopa khaitouyu chipao khesü ahi sakhai-a dakhai ve laimoe, ana Enou tsüchoyu khesü soupeilai, ae Enou seitayu vah khesü souloua dakhai velai.

JEREMIAH 24:3

Süthaisü Mapao nou ahi paoe, “Jeremiah ne dai ngaoe?” Enou chila peie, “Doushi ngaoe. Veiyu doushitao hai veishore, ae shiyu doushitao hai shishore, toulou shi-e.”

EZEKIEL 12:25

Mapao Enou puletaoye sü chakulai ae Enou paoyu khesü soupeilai. Vepalai tea paopeiyu khesü panou ponapu khailai moe. Khaityayu maitaore, neletao vei teile hinou Enou paopi peiyu khesü Enou neletao hi soupeilai. Haisü Ramai Mapao Enou paowe.”

EZEKIEL 12:28

Südonou Ramai Mapao Enou haibüa paowe tea puletao hi paopeio: Avei chipao khesü ponapu khailai more. Enou paoyu khesü souvete peilai. Haisü Ramai Mapao Enou paowe.”

EZEKIEL 7:10

Israel maiye soushi soukanghiyu teile sü velaire. Kaozü moyu ae taidayu sü phoutao loure, ae khaophu souyu sü pousho loure.

AMOS 7:8

Puh nou ahi paoe, “Amos, ne dai ngaoe?” “Khiyua douyu rai ngaowe” tea Enou chila peie. Süthaisü Mapao nou paoe, “Zhukhaio, Enou avei mai haitaoye chichi moyu nasü bouvo büa douzhure donou khiyua douyu rai nasü khaikhai toue. Puletaoye souvea laiyu hinou Ale datapu khailai moe.

AMOS 8:2

Puh nou ahi noue “Amos, ne dai ngaowe?” “Houki shira sülai ali ngaoe” tea Enou chila peie. Süthai Mapao nou ahi paoe, “Avei Israel maitao hai akhai soure teile sü veredao; Enou puletaoye souvea laiyu hinou Ale datakhai laimoe.

ZEKHARIAH 4:2

“Ne dai ngaoe?” Enou chila peie, “Sana nou soukhai touyu meivabvü khaiyu buh ali ngaoe, alia sünavei pe hinou meidzü bvü ali bue; sühisü meivabvü anai bue, alia meivabvü ali hinou meitaoyu mü anai bue.

ZEKHARIAH 5:2

Rakivamai nanou Ahi noue, “Ne dai ngaoe?” Enou chila peie, “Larübvü ali zhao-a laiyu zhi ngaoe; sünavei sashoyu hai mitar aküe alia mitar adai-a da hai jha due.”

MAIPEI PHOUYU 17:8

Thainesho hai Moses nou Sahpao hi louyu phaki, Levi mai khü thaosoua Aaron vei süüpo nasü süübo lapa-a nou ngaoloue. Süüpo süna hai bo lapa-a poupah-a papyare ae almond rashithou shikou mei-a nou ngaoloue!