JEMS 5:4 - SHEEYU BAIBEL (BSI)

⁴ Zhukhaio, neletao nou neletao douhi vah souyu maitao hi vahzho lia peikhaimoe. Puletao nou motoua raoyu paisü keikhaio! Neletao vei chachiyu maitao nou raoyu pai sünasü reihmaitao vei Mapao, Ramai puh nou hi kheloure.

JEMS 5:4 Iomraidhean Croise

SHURAI 4:10

Mapao nou paoe, “Ne daili soupeiwure? Ne thaihou vei zhesü ahi shusoua deiphinou rapao-a bure.

JOB VEI LARÜBVÜ 34:28

Puletao nou toure hamaiye soukrayu pai sü Ramai hi chou khere, alia puletao nou soukha peio tea khoyu pai sü puhnou kei peie.

JOB VEI LARÜBVÜ 7:2

Qila mai nou teihao hinou solou nüyu büa; maizho kumainou vahshi ngaolou nü-a khoyu büa

LOUTAO 9:12

Veaho-a laiyu maiye Ramai nou licho peie; puhnou puletao vei krayu nasü ngaipei moe, ae puletao hi kaomoa souveayu maiye puhnou tudee peie.

TAPALOUYU 22:27

daiolouzü puh hi sabanü süna alikhei baimala-e, sütoulouzü puh daie bazülai? Puhnou ahi kra-a soukha peio tea kho louzü, Esü maiye zhuvea peisüwo nayu thaifüa puhvei akho nasü Enou noupeiwulai.

TAPALOUYU 3:9

Israel mainou kra-a khoyu paisü chuo Enou süloure alia Ejipt mainou puletaoye souvea-a tudeeyu sü Enou ngaoloure.

ISAIAH 1:9

Khoukhoulai Mapao nou kamai-a panou hria phapei moyu thaio, Jerusalem nuhdu hai Sodom ae Gomorrah büa souhazei laire.

ISAIAH 5:7

Israel mai hai Khoukhoulai Mapao vei darkha kipei-e, ae Judah mai hai puhnou jüpasho-a shokhai touyu darkhabe nasüe. Puletao hai vah aveih soushulai tea Puhnou cho-e, ana zhe kükouyu vah sou-a baire. Puletao hai kaozü soua hrüshulai tea Puhnou li-e, ana vah ashi khaikho sou-a bubaire.

ISAIAH 5:9

Khoukhoulai Mapao nou haibüa paoyu Enou choue, “Veisho-a nou soukhai touyu ki hai khesü mai bumo-a kirao soukhai bailai.

JEREMIAH 22:13

Cheche moyu hinou ki soulouyu maisü daizhou koute ngaopisa, ae kaozü moyu hinou puhvei ki soukapa louyu mai hai daizhou koute vealaisa! Zho pei moa maiye sa-a vah soulouyu maitao ae zho kuyu maiye zho peimoyu maitao;

LEVIMAI LARÜBVÜ 19:13

“Neletao nou kinapa maiye souchoro laimoe, moa puhvei na sü shaolai moe. Neletao nou maiye zhoku poa vah soukhai touyu puletao vei zhohabo nasü khei zhou ali koute-a peimoa khaiso.

HABAKKUK 2:11

Bouvo vanou chuhtao nou rapalai, alia dei hi khukhai tiyu süütao nou chila peilai.

MALAKAI 3:5

Süthaisü chikure donou E nekhemai hi nghikoulai; kheikhupado soumai, maichapfü sapamai, dayu-a chaachou soumai, maiye souveamai ae vah soumai zho peitou momai, meamai ae rounah ye souveayu mai, shetu maiye deima bumai alia Eye pimoyu mai pei hisü Enou chisho-a tudee peilai, tea Khoukhoulai Mapao nou paoe.

MATHIU 9:37

Südonou puhnou puh rozümai taohi paoe, “Cha chire alaosou bue, ana cha chipeiremai sü chie.

LUK NOU RÜYU KO AVEIBVÜ 18:7

Alia Ramai-a puh hinou kheihea khoa buyu puhvei dopalouyu maitaoye donou khüh phoupeilai mowu? Puhnou puletaoye soukhare hisü shoshosoua bailaiwu?

ROMMAI 9:29

Alia haisü Isaiah nou raia paopayu kue, “Khoukhoulai Mapaowo nou Eletao hi tyaonahmai shodai peimore toulouzü, Eletao sü Sodom bübailai ea Gomorrah büa soupeiwu bailai.”

PAODAKHAIYU CHIKHA 15:9

Paoh hapei laiyu po anai nasü nghi teire, südonou touha-a buyu ne thaihou jürai hisü poupao soupei khailai more alia halia peikhailai more tea tei-a tsüshi cho-a neletao hi pa hashi lou bulouso. Puletao nou Mapao hi kra-a neye paoshi louzü nenou mah hai pfülai.

KOLOSSEMAI 4:1

Paopumaitao, neletao vei Paopu ali rakihi bue touyu sü süpoa neletao vei qilataoye kaozüa ea veitoua zhupeio.