JEMS 5:3 - SHEEYU BAIBEL (BSI)

³ Neletao vei sana ea hushasü huba taoloure, huba hainanou neletao pei hi motouyu vei zhopaoh souwe ea meibüa neletao vasousü toulai. Neletao nou chu akhai teithetao donou kini podzü khaitoue.

JEMS 5:3 Iomraidhean Croise

SHURAI 31:48

Laban nou paoe, “Chukho haina nou ahai kohi shaki soulai.” Südonou buh hainasü puhnou Galead,

SHURAI 31:52

Chukho ae chuh shohkhai touyu haina nou ahai kohi shakie. Enou chukho haina talakou neye dailai moe, alia ne-a chukho haina jünou talapa Eye daiso.

SHURAI 49:1

Jakob nou puh nahpoutu maitaoye kuloua paoe, “Neletao haihi tave jülowo, Enou haithailo neletao mai alili hi daie vepalai touyu khesü paopeilai.

JOB VEI LARÜBVÜ 16:8

Nenou Eye nüloure; E sü neye hraiyu mai ali soure. E sü rao ae hee khaikho baire, hai avei mahmo donoue tea maikhe mainou poloure.

ISAIAH 2:2

Haithai naki haibüa nou vepalai, süolouzü Mapao vei Rathoki soukhai touyu deichi nasü deichi teitei jünou kupulai, ae deitao kukhe jünou taopulai. Tyahrü hrülai nou hai hisü tobai soumoa tave loulai.

JEREMIAH 19:9

Ngaobamai nou nuhdu hai nasü sühao loulai ae sühinou hrüa buyu maitaoye sü southare donou telai. Ngaobamai nou nuhdu sü soutaosoua dalouyu donou vakou palou shia nuhdu khevai buyu maitao hai alinou ali vei sou toulai, lahvei nahmai koute-a datha toulai.”

MIKAH 3:3

Neletao nou avei maitaoye sü touloure. Neletao nou puletao vei hee sü laolaiwure, rao khesü dasha peiwure, ae sou ali lee hi thou khotoure büa daosasa peiwure.

MIKAH 4:1

Vere teithetao hisü Mapao vei Rathoki buyu deichi nanou deichi kukhe jünou kukalai, deichi veishi jünou kukayu nasü soulai. Tyahrü khenou hai hisü zhapoa nou velai,

SEI-ATAMAI VAHTAO 2:17

“Ramai nou paoe, akhai teithetao hisü haibüa palai; süolouzü, Enou Arakosü maikhemai hrülai pei hi lakou thoupeilai: Alia neletao nahpoutumai ea nah naotumai taonou rachi paopalai, alia neletao vei nahlemai taonou zho ngaolai, alia neletao vei khaimai taonou me mulai.

ROMMAI 2:5

Ana nevei le khouyu ea le dabayu lethou buyu donou ne sü lah nepei hi Ramai nou puhvei acheche chi kulaiyu pongao laiyu puhvei rarou Teithe ki donou Ramai vei rarou nasü podzü khaibaiwe.

2 TIMOTHI 2:17

Sübüyu puletao vei chi pha-kuyu sü vasouhi cho paloua vasou toulouyu sou süna bübaie. Sübüa doupeiyu puletao hrohinou mai ahaiwo louzü Humena ea Philetas süe.

JOSHUA 24:27

Alia Joshua nou mai hrülai hisü paoe, “Zhukhaio, chuh haina nou etao vei shee soulai, daiolouzü Mapao nou Etao hi paopei khaitouyu chipao teitei hai choukhai touwe, südonou hai nanou Etao vei shee (shaki) soua bulai, sükumo louzü neletao nou nele Ramai Mapao hi dawushulai.”

2 PITAR 3:3

Raikai-a, neletao nou sülou vuzü molouzü shie, süolouzü, akhai teithetao hisü, lah puletao vei ke-zhe züpa thaifüa hrüyu mai kamai velai, puletao nou neletaoye konüa,

PONGAOPEIYU 17:16

Nenou ngaoyu kai kiruotao ea khaosou sünanou khakhapfüpai sünaye ngaoralai. Puletao nou honapaihi buyu ha teiteisü potaloulai ea puhye sü baitoua thaowulai. Puletao nou puhvei vasousü touloulai ea puhye sü meinou deiwulai.

PONGAOPEIYU 20:15

Ahri larübvü nahi zhih phouhayu maitaliye sü meizaihi polai thouwure.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”