JEMS 5:20 - SHEEYU BAIBEL (BSI)

²⁰ haisü puhye panou liloukhaio: Maitalinou mahmai aliye puhvei kao-zü moyu du hinou sadakhai vepei louzü puhnou mahmai sünavei rakosü athai hinou khailu peiloulai ea mah alaosou hongi peiwulai.

JEMS 5:20 Iomraidhean Croise

LOUTAO 32:1

Asayu maitao sü thaomai-e toulouzü puletao vei mahmo khaipeiyu maitao-e ae puletao nou soumah pfümah khaitouyu khesü poku peiyu maitao-e.

TSÜCHITAO 10:12

Ngaorayu sünou souzüvei peiwe, ana leshiyu sünou kaomoyu teitei hongi baiwe.

TSÜCHITAO 10:2

Maishi soua ngaolouyu nangi haio hupa hae, ana checheyu sünou neye athai hinou vupa peilai.

TSÜCHITAO 11:30

Acheche maivei rashiwo hriloure vei süübe alie, ana zhaipou shiyu nanou hrü sü pota-a baiwe.

TSÜCHITAO 11:4

Kini nou poa chaa ngaoyu teithe hio shupayu hae, ana checheyuo louzü athai hinou vupa peilai.

TSÜCHITAO 17:9

Maikhe maiye panou neye jüpa-a leshi nülouzü, puletao nou soumah khaitouyu khesü khaipeio. Mainou soumah khaitouyu khesü licho-a bukou teyu hai samai khamaiye soukho-a baiwe.

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

ROMMAI 11:14

Soulou veilouzü Enou lah Atahrüh maitaoye panou southou ngaorai peiwu-a puletao hronou kamaiye panou khailu loulai.

1 KORINTHMAI 1:21

Daiolouzü Ramai nou puhvei ratsü hinou emaiye panou lah puletao vei tsüdo avei vanou puhye panou hakia sülou more soudawure. Süjüwo, Ehnou paodouyu, maikhe mainou “voyu chipao” tea sayu süna vanou lülouyu puletaoye khailu peiloure Ramai nou le laloure.

1 KORINTHMAI 9:22

Lelouho maitao hisü, puletaoye koloure donou, Enou lelouhoa hrüwe. Sübüa, ha do tyali hinou mai kamaiye khailu loure donou Enou mai hrülai hisü ha teitei dalou baire.

1 TIMOTHI 4:16

Nelah neye ea nevei doupeiyu hisü zhutoulo. Vah sütaosü thaokhaimoa soua bukhaio, daiolouzü nenou sübüa soua bulouzü, nenou nelah neye ea nechi kei-a buyu maitaoye khailu loulai.

PHILEMON 1:19

Haihai Paul Enou Abah vuzünou rüe: Enou sünahai khadapei khailai. (Ne hrümai koutea Apao pfüa bue touyu hai Enou paopayu phamoe).

JEMS 1:15

Süthaisü züpa nanou pou pfülouyu kisü mah napeiwe; alia mah nanou liche louyu kisü athai napeiwe.

JEMS 1:21

Südonou hrühaoyu tatou ea zhaido ashi teitei thaokhaiwuwo, alia neletao rakoye khailu peilou süyu Ramai puhnou neletao lethou hi shothou khaitouyu chipao sünasü natai-a polo.

JEMS 5:15

Alia lü vei veachi sünanou sounoumai sünaye khailu loulai, alia Mapaowo nou puhye sü polashu peilai. Alia puhnou mahwu louzü, puhye sü khaipeilai.

JEMS 5:19

Athaihou jürai khemai, neletao hrohinou maitalinou acheche hinou tala talouzü ea kukhe linou puhye sü sadakhai velouzü,

1 PITAR 4:8

Ha pfüphou jünou alinou liye lenoushoa leshilo, daiolouzü leshinou mah alaoye hongipeiwe.

PONGAOPEIYU 20:6

Hrishuyu raikhanahi lou zha ngaozho louyu puletaosü rako veishoyu ea sheeyu maitaoe! Athai ahai chenanou sübüyu maitao pei hisü khouko hare, ana puletaosü Ramai vei ea Khrista vei napaomaitao soulai, alia puletao nou puhye koa po theli ve-a bulai.