JEMS 5:16 - SHEEYU BAIBEL (BSI)

¹⁶ Südonou neletao sounou sü veiloure donou neletao vei mahsü alinou lihi paopa ngao-a alinou li donou veachi paopeikhaio. Chechemai ali vei veachi hai vah soulouvei khouko alaosou bue.

JEMS 5:16 Iomraidhean Croise

SHURAI 19:29

Ana Ramai nou deikho hi buyu nuhdu ahaiye souhayu kisü Puhnou Abraham ye lichopeie, alia Lotye panou hriloure donou tupaloue.

SHURAI 20:17

Süthaisü Abraham nou Ramai hi veachi paopeia Ramai nou Abimelek ye souvei peie, alia puh chapfü, puh qila maipfü hrülai-a souvei peia panou tounah hrüloure.

SHURAI 20:7

Ana chuo mai chapfü sü maipuo hi dakhai peio, daiolouzü puh hai rachipaolayu mailie alia neye panou thaimore donou puhnou neye veachi paopeilai. Ana nenou naotupaiye lukhai peimo louzü, ne alia nevei mai hrülaiye sü southa khai bailai touyu sülo.”

SHURAI 32:28

Mai sünanou paoe, “Ne zhih Jakob tea kupu khailai more. Nenou Ramai-a ae mai-a povare alia nenou koloure. Südonou ne zhih sü chu thainou ‘Israel’ tea kulai.”

2 SAMUEL 19:19

“Veo nou Jerusalem thao-a tapayu phaki, nevei kilaio Enou soupfüyu mahmo sü khaipeio, Eye veo nou chomahpu peiso, veo nou avei mahmo tainazü nevei lekhe hi khaipei khaiso.

1 VEMAITO 13:6

Veo Jeroboam nou rachipaolawo hi paoe, “Zhuvea nou nevei Ramai Mapao zhih hinou veachi paopeio, ae avei bah sü souvei peio!” Rachipaolawo nou Mapao hi veachi paopeie, ae veo vei bah sü veiloure.

2 PUOPAOKO 30:20

Hezekiah nou veachi paoyu sü Mapao nou keipeia puletao vei mah sü khaipeiwure, ae mailia soushi peimoe.

JOB VEI LARÜBVÜ 42:8

Südonou chode anai ae zhaotu anai poloua Job hi pfüve Job ye panou neletaoye donou naasou-a mei dei-a posheela peikhaio. Job nou neletaoye donou veachi paopeilai ae Enou puhvei veachi sü kei-nou pei-a neletao nou ngaozüa buyu hraongu nasü panou ngaolai moe. Job büa neletao hai Eye donou acheche chi paomoe.”

LOUTAO 34:15

Mapao nou acheche maiye sü zhu peiwe, ae puletao nou kra-a khoyu pai sü keinou peiwe.

TAPALOUYU 17:11

Moses nou puh bah la-a bubusa sü Israel mainou reih veiwe, ana puh bah nakou khaie Amalek mainou reih sü veita-a baiwe.

TAPALOUYU 9:33

Moses nou veoye thaokhaiwua nuhdu hinou vakou tapa louyu phaki, puh bah thaipaloua Mapao hi veachi paoe. Süthaisü teisüyu, reithou kouyu ae teireiyu sü khaitare.

TSÜCHITAO 15:29

Mai aveih maivei veachi sü Mapaonou kei peiwe, ana maishi maivei louzü pomoe.

TSÜCHITAO 15:8

Mai ashimai livei posheelayu hai Mapao nou ngaora-e, ana mai veiyu livei veachi sü puhnou jüpae.

TSÜCHITAO 28:9

Chikha zümoyu mai linou veachi paoyu hai, Ramai nou puhvei veachi sü keira sho-a bailai.

JEREMIAH 15:1

Süthaisü Mapao nou ahi paoe, “Moses ae Samuel nou mai haitao donou laloua ahinou zhuvea peio tea khoyuma, Enou mai haitaoye zhuvea peilai moe. Puletaoye panou anghingao hinou tavai talouo.

JEREMIAH 33:3

“Eye lakhaio, ae Enou neye chila peilai; nenou sükhai toumoyu khupayu ae veishoyu khesü Enou ne hi paongao peilai.

JEREMIAH 42:2

haibüa nou paoe, “Etao nou zhuvea nou khoyu nasü soupeio! Etao Ramai Mapao hi Etaoye panou hriloure donou veachi paokha peio. Nenou ngaowe, süolouzü raichokio Etao hai mai taoli bue, ana chuo mai daotu likhei bua baire.

MAIPEI PHOUYU 11:2

Maikhe mainou kra-a Moses hinou soukha sü kho-e ae puhnou Mapao hi veachi paoa khoyu donou mei sü nghitare.

MATHIU 21:22

Alia neletao nou louche-a bulouzü, neletao nou veachi pao-a khoyu talihai ngaoloulai.”

MATHIU 3:6

Puletao nou puletao mah paopa-a Jordan hinou puhnou puletaoye dzükhao dapeie.

MARK 1:5

Alia Judea teidei hinou ea Jerusalem nuhdu hinou mai alaosou Johan hinou ko keire donou tave. Alia puletao nou mah paopa-a puhnou puletaoye Jordan Rei hinou dzükhao dapeie.

LUK NOU RÜYU KO AVEIBVÜ 9:6

Alia rozümaitao nou taloua buhliki hinou ko avei nasü paodoupoa ea sounou maiye souveipeia nuh likihi tasühao tare.

JOHAN 9:31

Ramai nou mahmai pai keipei moe, ana maita linou Ramaiye thoa puh leli soulouzü, Ramai nou puh paisü keipeiwe touyu Ehnou süwe.

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 19:18

Alia chunou lülouyu mai alaosou taveloua puletao vei ashi vahtao sü dua paopa ngaoe.

SEI-ATAMAI VAHTAO 8:24

Simon nou puhai hi chila peie, “Nehainou paoyutao hatalia panou Apei hi vemore donou Mapao hinou veachi paopeio.”

ROMMAI 3:10

Haisü sheeyu larübvü nou paoyu kue: “Chechemai ali-a hae, alikhei-a hae,

ROMMAI 5:19

Alia mai alinou paoyu zübayu vanou emai hrülaiye panou mahmai soulouyu büa, mailinou paoyu züyu vanou puletao hrülaiye Ramaiye koa souzü peilai.

KOLOSSEMAI 1:9

Qo haina vanou, Ehnou nele vanou choulourai hinou shua neleye donou teisanou veachi paowe. Ramai vei Rakonou pei-a buyu ratsü teitei ea hatali sülousüyu tsü sütaoye koa neletao hisü puhvei leli tsü sünanou phoupei-a buloure donou Ehnou Ramai hinou khowe.

1 THESSALONIMAI 5:17

tobai soumoa veachi paokhaio,

1 THESSALONIMAI 5:23

Eletaoye kaonayu peiyu Ramai puhnou neletaoye ha teitei hinou soushee peikhaio, alia puhye panou Eletao Mapao Jisu Khrista veyu kisü neletao rako, hrirai ea pfüphao teiteisü veishoa ea chaa ha-a khaipeiyu souloukhaio.

1 THESSALONIMAI 5:25

Thaihou jürai khemai, Ehye donou veachi paopeikhaio.

EBRIAMAI 11:4

Lü vanou Abel nou Kain vei jünou veikouyu posheelayu nanou Ramai hi popeie. Puh lü vanou puh hai chechemai alie touyu vei zhopaoh hai puhnou Ramai hinou ngaoloue, daiolouzü Ramai nou puhvei sapeina taosü ae-ao tea popeie. Puhsü thaitakhaia, puh lü vanou chu koutea puhnou chi pao-a bue.

EBRIAMAI 11:7

Lü vanou Noha nou ngaomoyu natao vanou Ramai nou tukha peiyu kisü puhnou züloua puh kikhamaitao khailu paloure donou dzüluki ali daoloue. Alia sükuyu vanou puhnou deiphaomaiye sü mah dukhaipeie, alia sübüa lü vanou veyu acheche navei kaa nasü puhnou thaoloue.

EBRIAMAI 12:13

alia phi shoyu nasü shiputa moa veiloure donou ludu züvei hinou talo.

EBRIAMAI 13:18

Eletaoye donou tobai soumoa veachi paopeikhaio, Eh vei lekhetsü hai sheetoua bue touyu sü Ehnou süvuzü daiolouzü phabusa nou Ehnou cheche vah nasü sounüwe,

JOSHUA 10:12

Amor maiye Mapao nou Israel mai hi peiyu teithe, Joshua nou Israel maisou nghoujü nou Mapao hi haibüa paoe, “Teinghi, ne Gibeon pei hinou lükhai tousou-o, Khouh, ne-a Aijalon deikho hinou tasou-o.”

1 PITAR 2:24

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure.

1 JOHAN 3:22

Eletao nou puh hinou khoyu teiteisü ngaolouwe, daiolouzü Eletao nou puh chikhasü züwe ea puhnou züpayu sü souwe.

1 SAMUEL 1:12

Hannah nou Mapao hi teile sholi veachi pao-a buyu sü Eli nou zhua nou bue.

1 SAMUEL 12:17

Zhaodo hai tei thekei-a buyu kaki mowu? Ana Enou veachi paopei louzü, Mapao nou teisüa teikhai teirü seive peilai. Hakinou haibüa teikhai teirü ashi velouzü, neletao nou Mapao hinou veo khoyu hai dushoyu mah souwure touyu sülou.”

1 SAMUEL 12:18

Südonou Samuel nou veachi paoe, ae süzhou teithe hinou Mapao nou teisüyu ae teirü ashi sü seive peire. Süthaisü maikhe mai hai Mapao ae Samuel ye sü ngaopi sholoure,