JEMS 5:13 - SHEEYU BAIBEL (BSI)

¹³ Neletao hrohinou kamaisü rakoshi dao-a buwu? Puhye panou veachipao vuzükhaio. Maitalinou lesa-a buwu? Puhye panou paoshoyu lou soukhaio.

JEMS 5:13 Iomraidhean Croise

1 PUOPAOKO 16:9

Mapao ye lou nou sousho peikhaio, khupayu puh vei vah khesü paopei khaio.

JOB VEI LARÜBVÜ 33:26

puletao nou veachi paoyu sü Ramai nou kei-nou peilai, asa shoa puletao nou Ramai ye tholai; Ramai nou puletaoye souzüpu peilai.

LOUTAO 105:2

Mapao ye lou sousho khaio; puhnou khupayu vah soukhai touyu khesü paopeio.

LOUTAO 118:5

E veahoa buyu phaki, Enou Mapao ye ku-e; puhnou Eye chila peie ae Eye lahdo soupeie.

LOUTAO 18:6

Enou veaho-a buyu phaki, Mapao ye sü Enou ku-e; Enou avei Ramai hi Eye soukha peio tea kho-e. Puh vei rathoki hinou avei pai sü puhnou süloure; soukha peio tea Enou kra-a paoyu sü puhnou kei peie.

LOUTAO 50:15

Neletao hi veahoyu veyu phaki Eye kulo; Enou neletaoye khailupa peilai, ae neletao nou Eye paosholai.”

LOUTAO 91:15

Puletao nou Eye kuyu phaki, Enou chila peilai; puletao nou veahoa buyu phaki, Enou puletaoye sü kozho peilai. Enou puletaoye sü vupa peilai ae tsükhou peilai.

LOUTAO 95:2

Eletao puh nghoujü hi kalo pao-a velaikhe, ae asayu lou nou puhye sousho laishe.

ISAIAH 65:14

Avei maitaoye panou lesa-a lou soulai, ana puletao louzü panou dopfüa kra-a bulai.

DANIEL 5:4

Puletao nou zhaoh sü so loure, alia sana, shahu, baosahu, hu, süü ae chuh nou soukhai touyu rah khesü paoshore.

HOSEA 6:1

Maikhe mainou paoe, “Etao Mapao hi dakhaive baikhe; daiolouzü Puhnou Etaoye soushi peia baie, Puhnou chua veikhai mosoua Etaoye souvei peilou süe; daphe-dapho peiyu nasü puhnou baie, südonou puhnou chua Etaoye soumu peishulai.

JONAH 2:2

“E veahoa buki Mapao hisü veachi paoa nou khoe, Enou khoyu veachi sü puhnou keipeie; Rabedushao teikhai hinou Enou kra nou khoe, alia sühi koutea Puhnou Apai sü keipeie.

JONAH 2:7

E veahoa zhitalai touyu phaki, Enou Mapao ye licholoue; Enou Nehi veachi paoa khoyu phaki, Avei veachi sü Nenou keipeie.

MIKAH 4:5

Tyahrü hrülai nou lahkuku vei rah sü thowe, ana Etao louzü teisa nou Etao Ramai Mapao chi züa puhye tho-a bailai.

MATHIU 26:30

Alia puletao nou lou ali soulouyu thaisü Oliv deichi hi tapare.

LUK NOU RÜYU KO AVEIBVÜ 22:44

Alia puhsü veayule-a lejünou khoupu-a veachi paoputa khaire; alia puh hudzü sü zhepo büa deiphihi kükou loure.

LUK NOU RÜYU KO AVEIBVÜ 23:42

Alia puhnou Jisu hi paoe, “He Mapao, nenou nevei vedeihi veyu kisü Eye li-chopeio!”

1 KORINTHMAI 14:15

Sükuyu thaisü Enou dai soulai? Enou Arakonou veachi paolai, ana Enou Atsünou-a veachi paolai; Enou Arako nou lou soulai, ana Enou Atsünou-a lou soulai.

1 KORINTHMAI 14:26

Athaihou jürai maitao, Enou paoyu kowo louzü haire. Neletao nou rathore donou vedzüyu kisü, mai kamainou lou soulai, kamainou doupeilai, kukhe linou Ramai nou moshilaia ngaopeiyu sü paongaowulai, kamainou la süthonou paolai moa kamainou la dapalai. Haitao teitei sü lüloumaime soudupa loure donou souloukhaio.

EPHESAMAI 5:19

Alinou lihi sheeyu lounou, paoshoyu lounou ea rako lounou pao-a, soua bulo. Mapaowo hisü neletao vei le teiteinou ea pai-la veinou lou soukhaio.

EBRIAMAI 5:7

Jisu puhnou deiphao hi hrübu kisü, athai hinou puhye khailupa peilou süyu Ramai puh hi paikua nghidzü koua ea veachi paoa khowe, alia puhnou natai-a Ramaiye pi-a hrüyu vanou puh khosü noupeie.

JEMS 5:10

Athaihou jürai maitao, Mapaowo zhih hinou chi paopei-a buyu rachipaola maitaoye sü lichokhaio. Puletaoye sü veahoyu hinou shamea louyu zhai alisoua polo.

PONGAOPEIYU 14:3

Mai 144,000 sütaonou vebuh, hrikhaona adai sütao, alia tsümai sütao nghojünou laloua maitalinoua doulou hoyu lou ashu nasü puletao nou souwe. Deiphao maikhemai hrülai hinou khailu palouyu sü puletao likhei baie.

PONGAOPEIYU 7:10

Puletao nou pai kusholoua shapae: “Khailu peiyuhai vebuh hi buyu Eletao Ramai ea Zhaotu hinou ve!”