JEMS 5:11 - SHEEYU BAIBEL (BSI)

¹¹ Zhukhaio, puletao nou phasho shamea louyu vanou Eletao nou puletaoye vayumai tea kuwe. Neletao nou Job vei phasho shamea louyu vanou chouloure, alia akhai kisü kabüa Mapaowo nou puhye donou peisa touyu sü neletao nou süwe. Daiolouzü Mapaowo louzü zhuvea ea khu-leshinou phoua bue.

JEMS 5:11 Iomraidhean Croise

1 PUOPAOKO 21:13

David nou Gad hi chila peie, “Ewo chohare! Ana maiye panou Eye tudeere nasü E jüpa more, Mapao panou Eye tudeeyu sü soupeio, daiolouzü puh hai maiye zhuvea peiyu Ramai-e.”

2 PUOPAOKO 30:9

Neletao nou Mapao hi dakhai veloure toulouzü, neletao vei tyarai maitaoye ngaobamai nou hukhamai soua nüpoa tayu maitaoye sü zhuvea pei-a panou puletaoye sü lah vei ki hi dakhai ve loulai. Daiolouzü neletao vei Ramai Mapao hai maiye leshi süyu ae zhuvea süshoyu nasüe, ae neletao nou puh hi dakhai ve louzü, puhnou neletaoye sü popeilai.”

NEHEMIAH 9:17

Puletao nou paochi zübare; puletao hai nenou soupeikhai touyu vah haso khesü ngaiwure; nenou khupayu vah soupeikhai touyu khesü puletao nou ngaiwure. Puletao vei khaophu hinou puletaoye süthaisa-a Ejipt hi dakhaiho maivei qila soure donou süthai-apei maiye sü dopa loure. Ana ne hai khailu peiyu Ramai-e; ne hai maiye zhuvea leshi süyu Ramai-e, lekha rarou haha chamoe. Nevei zhuveayu hai dusho-e; nenou puletaoye sü thaokhai toumoe.

NEHEMIAH 9:31

Anou nevei zhuvea leshiyu hai dusho-e, nenou puletaoye thaopei moe moa souha peimoe. Ne hai zhuvea leshi süshoyu Ramai-e!

JOB VEI LARÜBVÜ 1:1

Job tea kuyu mai ali Uz tea kuyu nuh hinou bue, puhsü Ramai ye lütou tea rah thoyu mai alie. Puh sü veishoyu mai alie, hashi touyu ali-a soumore donou soutaosou-a hrüa buyu mai alie.

JOB VEI LARÜBVÜ 1:2

Puh hai nahpoutu anai, nahnaotu asü bue,

JOB VEI LARÜBVÜ 2:10

Job nou paoe, “Ne voyu chi paowe! Ramai nou Eh hi havei peiyu phaki sa sa-a polou, ae Eh hi veayu panou veyu phaki kabüa Ramai pei hi vamoyu chi paolai?” Taibüa Job nou haizhou koute veayuma Ramai pei hi chi-lashi ali-a paomoe.

JOB VEI LARÜBVÜ 23:10

Ramaiwo louzü avei phika teitei sükhai touwe, Puh Eye veiho shisa tea zhulouzü, E sheesha tea buyu puhnou ngaolai.

LOUTAO 103:13

Puonou nahye zhuvea leshiyu büa puhye tsükhoua buyu maiye sü Mapao nou zhuvea leshi peie.

LOUTAO 103:8

Mapao hai zhuvea peisü sho-a ae leshi süe, rarou lekha haha moe ae tobai soumoa leshi peiyu sü bukoute peiwe.

LOUTAO 116:5

Mapao hai zhuvea peisüh shoe ae veishoe; Etao Ramai hai maiye leshi sühsho-e.

LOUTAO 119:132

Nenou neye leshi-a buyu mai hi soupeiyu büa ahi dakhai vepeio ae Eye zhuvea peio.

LOUTAO 145:8

Mapao hai zhuvea leshi sühsho-e, lekha haha moe ae tobai soumoa leshi peiyu nasü phoutao-a bua baiwe.

LOUTAO 37:37

Mai aveih maiye zhusheelo, acheche maiye zhutou toulo; kaona-a nou hrüyu mai hai tyaosholea veie,

LOUTAO 51:1

Oh Ramai, nevei tobai soumoa leshi peiyu nasü nou Eye zhuvea peio. Nevei dushoa buyu zhuvea leshi hisünou avei mah veishi sü khaipeio!

LOUTAO 78:38

Ana Ramai nou puhvei maitaoye sü zhuvea peie, puhnou puletao vei mahmo khesü khaipeie ae puletaoye sü souha pei moe. Vu taoli hai puhvei lekha rarou nasü khailoua panou pamoe.

LOUTAO 86:15

Ana newo louzü, Oh Mapaowo, maiye zhuvea süyu ae leshi süyu Ramaie, ne hai teisa nou heamea süyu, zhuvea leshi süyu ae chilee checheyu nasüe.

LOUTAO 86:5

Oh Mapaowo, newo louzü veisho-e ae khaipeiyu nasüe, ne hi veachi paoyu mai hrülai hisü, nevei tobai soumoa leshipeiyu nasü peie.

LOUTAO 94:12

Oh Mapaowo, nenou paodou peiyu maitao, ae nenou nevei chikha khesü doupeiyu maitao hai daizhou koute savayu maisa!

TAPALOUYU 34:6

Mapao nou süthaisü puh nghoujü hi takou loua haibüa paoe, “Mapao E hai maiye zhuvea süshoyu ae leshi süshoyu Ramai-e, E nou leshiyu hai akhai hae ae louche louveiyu nasüe.

KOPAODOUWO 7:8

Ha alivei akhai nanou beih deiyu na jünou veipue. Shamya lousü nanou khaophu souyu na jünou veipu hie.

ISAIAH 63:7

Enou Mapao vei tobai soumoa leshiyu paolai, Mapao nou Etaoye donou soupei khaitouyu teitei donou, ae Puhnou veisho-a Israel maiye zhuvea leshi peiyu ae tobai soumoa leshi peiyu donou Enou puhye paosholai.

ISAIAH 63:9

Puletao nou veahoyu hinou khailupa peiyu hai rakivamaiye seive khailupa peimoe, ana Mapao puh vuzünou tave khailupa peie. Puhvei leshi zhuvea sünou puletaoye khailupa peie. Latayu teithe teile teitei hi puhnou puletaoye sü süthaisa-a tapeie.

DOPFÜYU 3:22

Mapao vei tobai soumoa leshi peiyu ae zhuvea peiyu nasü chukoute-a buhie.

DANIEL 9:9

Etao nou ne chi zümoa mahmo souyuma, Oh Mapaowo, newo louzü maiye zhuvea süe alia khailupa peia baie.

JOEL 2:13

Nevei sabanü nou mo-a ne lethou nou ratholo.” Ne Mapao Ramai hi dakhai velouo, daiolouzü puh hai zhuvea süyu alia leshi süyu Ramaie, puh hai shososou-a rarou baie, zhuvea sü-e alia ashi soumaiye souvea moa nou khaipeire donou phou-a bue.

JONAH 4:2

Südonou puhnou Mapao hisü veachi paoe, “Oh A Mapaowo, Enou ne hi haibüa bailai tiyu sü E nuh hi bukinou paomowu? Süvanou E Tarshish hi tutsü tamowu; Ne hai zhuvea süyu, lekha hahamoyu, leshi akhai hayu, alia ashi souyuma khaipeiyu Ramaie touyu Enou süwe.

MIKAH 7:18

Oh Mapaowo, neye raiyu ramai ali-a ha-e; shokhai toua buyu nevei maitao vei mah sü nenou khaipeie. Ne sü teisa nou rarou koute moe, ana nevei maitao pei hi nevei tobai soumoa zhuvea leshi peiyu nasü nenou jüpae.

MAIPEI PHOUYU 14:18

‘Mapao E hai rarou haha chamoe, ae tobai soumoa zhuvea leshi peiyu dusho-e alia mahmo soukhai touyu ae khaityayu khesü khaipeia baiwe. Ana pfüpuo nou soumah khaitouyu mah khesü Enou puletao vei nahmaitao ae tyaosholea maiphao asü adai hi koute-a tudeeyu sü peikoulai.’

MATHIU 10:22

Alia Azhih vanou mai hrülainou neletaoye ngaoralai. Ana akhai koute healouyu puhye sü khaipeilai.

LUK NOU RÜYU KO AVEIBVÜ 1:50

Alia puhvei zhuveahai maikha-kha hinou puhye piyu maitaohi bue.

LUK NOU RÜYU KO AVEIBVÜ 11:10

Daiolouzü khoyumai talinou ngaolouwe, alia phouyu puhnou daolouwe, alia kikhu khoua buyu puh hisü houthou peilai.

LUK NOU RÜYU KO AVEIBVÜ 6:36

Neletao Puonou zhuvea peilou süyu büa neletao-a zhuvea peio.

ROMMAI 2:4

Moa newo dushoyu puhvei zhuvea, khopeilou süyu, alia shamea peiyu haitaoye ngaorawu? Veimosoua Ramai hai zhuvea peilousüe touyu sü nenou süwe, daiolouzü puhnou neye panou le daloure tewe.

EPHESAMAI 1:6

Ramai puhnou puhvei leshi Nahpoutu vanou Eletao hi sa-a peikhai touyu puhvei khupa zhuvea donou Eletao nou puhye paosho laikhe!

EPHESAMAI 2:4

Ana Ramai vei zhuveahai alaosou buloure, alia Eletaoye donou puhvei leshihai dusho loure,

EBRIAMAI 10:39

Ana Eletaowo thaikhai tayu ea hakayu mai sütao moe. Ana Eletaowo lü buyu ea khailu louyu mai sütaoe.

EBRIAMAI 3:14

Daiolouzü Eletao nou shurai hinou louche-a buyu sü akhai koute potouloua buloure toulouzü Eletao hrülai sü Khristaye koa vah souyu maitaoe.

EBRIAMAI 3:6

Ana Khristawo Nah Poutu alikua cheche-a Ramai vei kisü khoe. Eletao nou rei-a buyu hisü khuveia ea louche touloua bulouzü Eletao sü puh kie.

JEMS 1:12

Zhai zhuyu hi shamea louyu puhsü rako veie, daiolouzü puhnou zhai zhuyu süsü kolouyu kisü, Ramai nou puhye leshimaiye peilai tea apaokhai touyu ahri peirü nasü puhnou ngaolai.

JEMS 1:2

Athaihou jürai khemai, neletao hi veahoyu tyatyali vedaoyu kisü, neletao lahnou rako veie tea choloukhaio,

1 PITAR 1:13

Südonou vah souloure neletao lehai souda khailo. Tsü pfüloua Jisu Khristaye ngaopeiyuki neletao hi peilaiyu zhuvea süna hisü neletao reitei-a bulo.

1 PITAR 3:14

Anou neletao nou achechena souyu donou veaho-a bukhai-a, neletaosü daizhozhou rako veisa! Maitaliye piwuso ea le chorowuso.

2 PITAR 2:9

Südonou ramaiye süyu maiye kakua puletao vei veahoyu hinou khailu palou laisa touyu ea mai ashimaiye kakua Chikure Teithe donou hukhahi khailaisa touyu sü Mapaowo nou süwe.